Sal 58
58
SAALM 58 (57)
Tz'aamank chiru li Yos aj raqol aatin
1Re li xjolomileb' laj b'ichanel. “Matsachok”. Xsaalm laj David.
2Laa'ex li wank eewankil,
ma relik chi yaal naq nekeb'aanu li tiikilal?
Ma sa' xyaalal nekexraqok aatin
sa' xb'eeneb' li poyanam?
3Ma ink'a' tab'i' yal naraj leech'ool naq nekeb'aanu li ink'a' us?
Rik'in leeruq' nekexyoob'ank raaxiik' sa' chixjunil li ruuchich'och'.
4Eb' laj maak ak reheb' ajwi' chaq sa' xyo'lajikeb'
naq ink'a' useb' xch'ool;
ak aj tik'ti'eb' ajwi' chaq
naq toj maji' neke'ril li kutan.
5Wankeb' xmay re, jo'keb' li k'anti',
tz'apxikeb' kama' li ikb'olay
li ink'a' naraj ab'ink
6ut naxtz'apxiki rib' chiru li natuulanob'resink re,
chiru laj nawal li q'axal naxnaw nawalink.
7At inYos, chajoriheb' li ruuch reheb' ut chasach ruheb';
at Qaawa', chatoqi li ruuch reheb' li kok' kaqkoj.
8Che'ha'lesiiq ta kama' naxk'ul li ha' yal nanume'k;
che'q'aaq ut che'oso'q jo' li pim nayeq'iik.
9Kama'eb' taxaq li q'ol xul li naha'lenk sa' li xb'eenik,
jo'qeb' taxaq li tz'eqb'il k'uula'al li ink'a' naril li kutan!
10Che'k'ate'q kama'eb' li k'ix
chi toj maji' neke'xk'e reetal;
che'isiiq chi junajwa
kama' li k'im nasaapuuk chi toj rax xb'aan li kawil iq'!
11K'ajo' naq taasaho'q li tiik xch'ool chi rilb'al li eeqajunk,
naq tixch'aj li roq sa' xkik'el li ink'a' us xna'leb'!
12Toja' naq te'xye li tenamit:
“Relik chi yaal wank q'ajkam cho'q reheb' laj paab'anel,
wank jun Yos li naraqok aatin sa' xb'een chixjunil li ruuchich'och'”.
Currently Selected:
Sal 58: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
