Sal 56
56
SAALM 56 (55)
Laj paab'anel kaw xch'ool rik'in li Yos
1Re li xjolomileb' laj b'ichanel. Taab'ichamanq jo' chanru li xyaab': “Li mukuy reheb' li najtil yos”. Xb'ich laj David, naq kichape'k xb'aaneb' laj Filistea aran Gat.
2At inYos, chawuxtaana wu
xb'aan naq yookeb' chinyeq'inkil sa' roqeb';
chixjunil li kutan nikine'xrahob'tesi.
K'ajo' naq neke'raj numtaak sa' inb'een!
3Chi ewu chi eq'la nikine'xsik' eb' li xik' neke'ilok we,
makach'in xk'ihaleb' li neke'raj inrahob'tesinkil.
4Sa' li kutan naq k'ajo' linxiw,
k'ojk'o linch'ool aawik'in.
5K'ojk'o li waanm rik'in li Yos ut nink'e xwankil li raatin,
k'ojk'o linch'ool rik'in li Yos, ut ink'a' chik tinxiwaq.
K'aru truuq xb'aanunkil we junaq yal winq?#56,4-5, 10-12 Sal 118,5-6; Heb 13,6.
6Chixjunil li kutan neke'xjal xyaalalil li waatin,
junes ink'a' us neke'xk'oxla sa' inb'een.
7Neke'xch'utub' rib', neke'xmuq rib' yalaq b'ar,
nikine'xch'uuki sa' inb'e
ut neke'xsik' chanru tine'xra'le.
8Ma truuq tab'i' te'xkol rib' chiru li tojb'amaak?
At inYos, chasacheb' ru li poyanam a'an xb'aan laajosq'il!
9Ch'olch'o chawu chixjunil linb'eenik;
chak'ul li xya'al wu sa' laakuk.
Ma ink'a' tab'i' tz'iib'anb'il chixjunil sa' laahu?
10Sa' li kutan naq tinyaab'a laak'ab'a',
eb' li xik' neke'ilok we te'q'ajq chirixeb'.
Laa'in ninnaw chi us naq li Yos wank wik'in.
11K'ojk'o linch'ool rik'in li Yos ut nink'e xwankil li raatin,
k'ojk'o li waanm rik'in li Yos ut nink'e xwankil li raatin;
12k'ojk'o linch'ool rik'in li Yos ut ink'a' chik tinxiwaq.
K'aru truuq xb'aanunkil we junaq yal winq?
13At inYos, ninye li waatin naq tinb'aanu li k'aru xinyeechi'i aawe;
tinloq'oninq, tinmayejaq chawu rik'in yoxink,
14xb'aan naq xakol linyu'am chiru li kamk
ut ink'a' xinaakanab' chi t'ane'k,
re naq tinb'eeq chawe chawu,
sa' li kutan saqenk nak'ehok yu'am.
Currently Selected:
Sal 56: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
