Sal 52
52
SAALM 52 (51)
Li kaw xch'ool chirix li maak ut li k'ojk'o li raanm rik'in li Yos
1Re li xjolomileb' laj b'ichanel. Xk'utum laj David. 2Kitz'iib'aak naq laj Dohek aj Edom koxye resil re laj Saúl naq laj David ki'ok chaq sa' rochoch laj Ajimélek.
3Laa'at li q'axal nim aawankil,
k'a'ut naq nakanima aawib' rik'in laamaak?
Li xtiikilal li Yos wank chi junelik.
4Junes raaxiik' ut b'alaq'ik nakak'oxla xb'aanunkil;
li ru'uj aawaq' chanchan q'esnal ch'iich'.
5Q'axal naxk'ul aawu li maa'usilal chiru li us,
a' li tik'ti' nakara chiru li yaal;
6Nakara li rahob'tesink rik'in laawaatin,
laa'at li junes b'alaq'ik naxik wi' laach'ool.
7Jo'kan naq li Yos tatxpitz'i,
tixsach aawu chi junajwa,
tatrisi sa' laawochoch
jo' ajwi' sa' xna'ajeb' li yo'yookeb'.
8Li tiikeb' xch'ool te'ril a'an ut te'xiwaq,
te'se'eq rik'in li taak'ulmanq:
9“Li winq a'in ink'a' xkuutu rib' rik'in li Yos, cha'qeb';
xk'ojob' li xch'ool rik'in li xnimal xb'ihomal,
k'ajo' naq xnima rib' rik'in li xmaak!”.
10A'ut laa'in, chanchanin jun rax raxil oliiw,
wankin sa' rochoch li Qaawa';
k'ojk'o li waanm rik'in li xrahom li Yos chi junelik.
11At Qaawa', tatinloq'on chi junelik sa' xk'ab'a' chixjunil li xab'aanu;
k'ojk'o linch'ool aawik'in xb'aan laachaab'ilal
chiruheb' chixjunil li neke'rahok aawe.
Currently Selected:
Sal 52: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
