Sal 53
53
SAALM 53 (52)
Li Yos na'ilok re chixjunileb'
(Sal 14)
1Re li xjolomileb' laj b'ichanel. Sa' xhonalil li yajel. Xk'utum laj David.
2Eb' li jip neke'xk'oxla naq maak'a' li Yos.
Sachenaqeb', oso'jenaqeb' sa'eb' li xyib' aj na'leb',
maajun reheb' nab'aanunk li us.#53,2 Sal 10,4.11; 73,11.
3Li Qaawa' toj sa' choxa narileb' chaq li poyanam:
ma wank tana junjunqaq li wank xna'leb',
junaq taxaq li nasik'ok re li Yos.
4Ab'an sachenaqeb' sa' b'e chixjunileb',
junxikikeb' sa' li maa'usilal.
Maak'a' junaq nab'aanunk li us,
yal jun taxaq.#53,2-4 Ro 3,10-12.
5Ma ink'a' te'xtaw xyaalal eb' laj b'aanuhom maa'usilal,
chixjunileb' li neke'xlow lintenamit jo' nawa'e'k li wa,
eb' li ink'a' neke'xpatz' xk'ab'a' li Qaawa'?
6Ab'an te'xsiksiki rib' xb'aaneb' xxiw,
us ta maak'a' taaxib'esinq reheb',
xb'aan naq li Yos tixsach xwankil li xik' na'ilok re.
Numtajenaq te'k'ute'q xxutaan
xb'aan naq li Yos naxtz'eqtaanaheb'.
7Chichalq taxaq toj Sión
li xkolb'aleb' laj Israel!
Naq li Qaawa' tixwaklesi xch'ool li xtenamit,
te'ok chi ninq'ehik eb' li ralal xk'ajol laj Jakob,
k'ajo' naq te'saho'q xch'ool eb' laj Israel!
Currently Selected:
Sal 53: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
