Sal 47
47
SAALM 47 (46)
Li Qaawa' a'an x'awab'ej chixjunil li ruuchich'och'
1Re li xjolomileb' laj b'ichanel. Xsaalm eb' li ralal xk'ajol laj Koré.
2Poq'poq'ihomaq leeruq', chejunilex laa'ex li tenamit,
japomaq eere xyaab'ankil xk'ab'a' li Yos chi sa leech'ool!
3Xb'aan naq li Qaawa', li Nimajwal Yos, a'an xiwajel ru,
a'an li Awab'ej jwal nim xwankil sa' xb'een chixjunil li ruuchich'och'.
4Xq'axtesiheb' sa' quq' chixjunileb' li poyanam,
ut xk'eheb' rub'el qoq chixjunileb' li tenamit.
5A'an xsik'ok ru li na'ajej li tixk'e cho'q qe:
a' li kixnima wi' rib' laj Jakob li q'axal raaro xb'aan.
6Naq yo chi taqe'k li qaYos, k'ajo' li japok e,
k'ajo' xyaab' li tronpeet sa' xk'ab'a' li Qaawa'!
7B'ichanqex cho'q re li qaYos, b'ichanqex,
b'ichanqex cho'q re laj Eechal qe, b'ichanqex!
8Xb'aan naq li Yos a'an awab'ej sa' xb'een chixjunil li ruuchich'och'.
B'ichanqex, wajb'anqex chi chaab'il!
9Li Qaawa' na'awab'ejink sa' xb'een chixjunileb' li tenamit,
k'ojk'o li Yos sa' li xloq'laj k'ojarib'aal.
10Eb' li wankeb' xwankil sa' xb'eeneb' li poyanam
neke'xch'utub' rib' rik'in li xtenamit li xYos laj Abrahán,
xb'aan naq re li Yos eb' li neke'taqlank sa' ruuchich'och'.
Q'axal nim xloq'al ut xwankilal li qaYos!
Currently Selected:
Sal 47: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
