Sal 46
46
SAALM 46 (45)
Li Yos qik'in
1Re li xjolomileb' laj b'ichanel. Xb'icheb' li ralal xk'ajol laj Koré. Rik'in xolb'.
2Li Yos a'an qasaqoonak ut qakawilal,
yo'oon wank chi qatenq'ankil sa' xq'ehil li rahilal.
3Jo'kan naq ink'a' nokooxiwak,
us ta taa'eek'asiiq li ruuchich'och'
ut te't'ane'q li tzuul sa' xchamal li palaw.
4Us ta ch'oxb'aqeb' xyaab' li ha' naq te'pujk'uq chaq,
us ta talaje'eek'anq li tzuul xb'aan xkawil oq li palaw,
ab'an li Qaawa', li Nimajwal Yos, wank qik'in,
li xYos laj Jakob a'an laj kolol qe.#46,2-4 Is 54,10; Jl 4,16.
5Li xkok' uq' li nima' neke'xsut ut neke'xsahob'resi ru li xtenamit li Yos,#46,5 Ez 47,1-12; Zak 14,8; Ap 22,1-2.
neke'xsantob'resi li xloq'laj muheb'aal li Nimajwal Yos.
6Li Qaawa' wank sa' xyi li xtenamit,
maak'a' taa'eek'asinq re;
li Yos natenq'ank re chalen naq nasaqewk.
7Neke'xmululi rib' li tenamit,
ut eb' li awab'ej neke'po' chirib'ileb' rib';
ab'an naq li Yos na'aatinak chi kaw,
na'eek'ank li ruuchich'och'.
8Qik'in wank li Qaawa', li Nimajwal Yos,
li xYos laj Jakob a'an laj kolol qe.
9Kimqex chi rilb'al li xb'aanuhom li Qaawa',
cheka'ya li sachb'ach'oolej xb'aanu sa' ruuchich'och'.
10A'an xch'anab'ank re li yalok
toj sa' xmaril li ruuchich'och',
xtoqi li xna' simaj ut xjach li jutz' che';
a'an xk'ehok xxamlel li ramleb' ch'iich'.
11Ut xye: “Kanab'omaq yalok,
chenawaq naq laa'in Yos,
li nim inwankil sa' xb'eeneb' li tenamit,
li nim inwankil junsut junrub'el choxa!”.
12Qik'in wank li Qaawa', li Nimajwal Yos;
li xYos laj Jakob a'an laj kolol qe.
Currently Selected:
Sal 46: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
