Sal 45
45
SAALM 45 (44)
Cho'q re xsumlajik li awab'ej
1Re li xjolomileb' laj b'ichanel. Taab'ichamanq jo' chanru li xyaab': “Eb' li liryo”. Xb'icheb' li ralal xk'ajol laj Koré. B'ich re rahok ib'.
2Sa' li waanm na'elk chaq xchaq'alil ru aatin,
ok we chi b'ichank cho'q re jun li awab'ej;
li ru'uj waq' a'an xtz'iib'leb' li sa' junpaat natz'iib'ak.
3Q'axal xchaq'al aawu
sa' xyanqeb' chixjunileb' li winq;
chaab'il ut tz'aqal re ru nakat-aatinak:
osob'tesinb'ilat xb'aan li Yos chi junelik.
4Laa'at li kaw aawib',
k'e laach'iich' sa' xk'aamal aasa':
a'an reetalil laawankil ut laaloq'al.
5Ayu chi yalok chirix li yaal, li uxtaanal ut li tiikil ch'oolej.
Sa' xk'ab'a' laanim uq'
toxaawil xninqal ru b'aanuhom.
6Q'axal jutz' ru'ujeb' li ral laasimaj,
t'ant'ookeb' rub'el laawoq naab'aleb' li tenamit,
sachsookeb' xch'ool li xik' neke'ilok re li awab'ej.
7Laa'awab'ejihom k'ojk'o chi junelik,
kama' li x'awab'ejihom li Yos;
junelik sa' tiikilal nakat-awab'ejink.
8Nakara li us ut nakatz'eqtaana li maa'usilal.
Jo'kan naq li Qaawa' laaYos xatxxaqab'
ut xatxnujob'resi rik'in sahil ch'oolej,
q'axal wi' chik xaqxo laaloq'al chiruheb' laawech awab'ejil.#45,7-8 Heb 1,8-9.
9K'ajo' xsununkil ru laawaq'!
Kama' xsununkil li miir, álohe ut kasya.
Li xyaab' li aarp naxk'e xsahil aach'ool
sa' li nimla kab'l yiib'anb'il rik'in marfil.
10Sa' xyanqeb' li nakaraheb' wankeb' xrab'ineb' li awab'ej;
xaqxo sa' laanim uq' li xna'eb' li tenamit,
tiqib'anb'il rik'in li oor jwal chaab'il.
11Ab'i, at inrab'in, chak'e reetal,
q'esaq laaxik chi wab'inkil:
Chatz'eq chirix aach'ool laatenamit jo'wi' laana' laayuwa';
12sachso xch'ool li awab'ej xb'aan laach'ina'usal.
Chahupub' aawib' chiru:
a'an laj eechal aawe.
13Te'chalje'q eb' laj Tiro chi xk'eeb'al laasimaatan;
te'xsik' laawusilal
eb' li q'axal b'ihom sa' xyanqeb' li tenamit.
14K'ajo' xchaq'alil ru li xrab'in li awab'ej
naq naq'axonk sa' li kab'l;
uutz'u'ujinb'il li raq' rik'in xsahob' ru oor.
15Ch'ina'us xtiqb'al naq nak'ame'k rik'in li awab'ej;
eb' li rech tuq'ixqilal yookeb' chi xik rochb'eeneb'.
16K'ajo' li sahil ch'oolejil naq neke'oksiik,
ut neke'ok sa' rochoch li awab'ej chi saheb' sa' xch'ool!
17At awab'ej, eb' laawalal aak'ajol te'wanq sa' xna'ajeb' laana' laayuwa';
laa'at taaxaqab'eb' cho'q aj jolominel
sa' xb'een chixjunil li ruuchich'och'.
18Nawaj naq chixjunileb' te'xjultika laak'ab'a' chi junelik,
ut te'xnima aawu li tenamit junq'e junq'e kutan.
Currently Selected:
Sal 45: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
