Sal 43
43
1Charaq aatin chiwix, at Qaawa', ut chinaakol
chiruheb' li tenamit a'in ink'a' useb' xch'ool;
kolin chiru laj tik'ti' ut laj b'alaq'.
2Laa'at linYos ut laj k'aak'alehom we:
k'a'ut naq xinaatz'eqtaana?
K'a'ut naq ra sa' li waanm?
Q'axal rahob'tesinb'ilin xb'aan li xik' na'ilok we.
3Chataqla chaq laakutan laasaqenk ut li yaal:
a'aneb' taxaq te'b'eresinq we
ut tine'xk'am toj sa' laaloq'laj tzuul,
toj sa' laaloq'laj muheb'aal.
4Toja' naq tinwulaq sa' laa'artal,
rub'el laawoq, at Yos li nakatk'ehok xsahil inch'ool.
Tinnima aawu rik'in aarp,
at Qaawa', at inYos.
5K'a'ut naq ninyot'e'k ut ch'i'ch'i' wankin?
Li woyb'enihom wank rik'in li Yos;
laa'in toj tinloq'on ru:
a'an laj Kolol we, a'an linYos!
Currently Selected:
Sal 43: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.