Sal 39
39
SAALM 39 (38)
Moko najt ta roq li qayu'am
1Re li xjolomileb' laj b'ichanel jo'wi' re laj Jedutún. Xsaalm laj David.
2Xinye sa' inch'ool: “Tink'e reetal li ninb'aanu
re naq ink'a' tinmaakob'q rik'in li waatin;
tintz'ap xsa' we rik'in t'ikr
naq wanqin chiruheb' li ink'a' useb' xna'leb'”.
3Xinkanaak chi ch'anch'o jo'kin junaq mem,
ink'a' chik xin'aatinak.
Ab'an naq saheb' chik sa' xch'ool,
xnimank ajwi' linrahilal.
4Xmayok li waanm xb'aan yot'e'k,
xxamnak linch'ool xb'aan linrahilal;
jo'kan naq xin'aatinak ut xinye:
5“At Qaawa', chak'e chinnaw jo'q'e taaraqe'q linyu'am,
jo' najtil chik tin'iloq kutan,
re tinnaw naq yal numelin arin sa' ruuchich'och'.
6Yal kach'in ajwi' linkutan xak'e,
jwal b'a'b'ay linyu'am chawu laa'at;
jun apunk ajwi' li xyu'am chixjunileb' li poyanam.
7Li junjunq nanume'k chanchan junaq mu;
chixjunil li b'ihomal naqach'utub' yal jun apunk ajwi':
ink'a' naqanaw ani aj ik'in taakanaaq.#39,5-7 Job 7,16; 8,9; 14,1-2; Sal 90,9-10; 102,12; 109,23; Ek 6,2; Eklo 40,1-10; Sab 2,1-4.
8Jo'kan, at Qaawa', k'aru nawoyb'eni?
Ka'aj chik aawik'in kaw linch'ool.
9Chakuy chasach chixjunil linmaak,
minaak'e chi se'eek xb'aaneb' li maak'a'eb' xna'leb'.
10“Ch'anch'o xinkanaak, maak'a' chik ninye,
xb'aan naq laa'at xatb'aanunk re.
11Chawisi taxaq sa' inb'een li rahilal a'in;
oso'k we rub'el xwankil laawuq'.
12Naq nakak'ajtesi ru li winq xb'aan li xmaak,
nakatij ut nakachaab'ilob'resi li xna'leb'.
Chanchan naxb'aanu li xmaxel li che'
naq nakaq'aares li k'aru nawulak chiru.
Li xyu'am li winq yal jun apunk ajwi'.
13“At Qaawa', chak'ul taxaq lintij,
chawab'i taxaq naq japjo we chayaab'ankil;
maatz'apxiki aawib' naq yookin chi yaab'ak.
Xb'aan naq yal aj numelin chawu,
yal aj ula'in aawe,
jo'keb' ajwi' chixjunil linna' linyuwa'.#39,13 Lv 25,23; Sal 119,19; 1 P 2,11.
14Ch'anab' b'ayaq rilb'al wu re taak'ojlaaq li waanm,#39,14 Job 7,19; 10,20-21; 14,6.
rub'elaj tinq'ajq tinsutq'iiq
ut ink'a' chik tinwanq chawu”.
Currently Selected:
Sal 39: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
