Sal 36
36
SAALM 36 (35)
Li xmaa'usilal li winq ut li rusilal li Yos
1Re li xjolomileb' laj b'ichanel. Xsaalm laj David, laj k'anjel chiru li Qaawa'.
2Li ink'a' us xna'leb',
a' li maak na'aatinak sa' xchamal li xch'ool;
tik ink'a' naxxiwa ru li Yos.#36,2 Ro 3,18.
3K'ajo' naq naxra rib'
ut ink'a' naxk'e reetal li xmaak
chi moko naxtz'eqtaana li xmaa'usilal.
4Junes tz'ajn aj aatin naxye ut ka'aj chik b'alaq'ik naxb'aanu;
ink'a' naraj xtawb'al ru chi moko xb'aanunkil li us.
5Naq jiljo sa' xwarib', junes maak naxk'uub' ru;
kaw xch'ool sa' li b'e ink'a' us
ut ink'a' naxtz'eqtaana li maa'usilal.
6At Qaawa', toj sa' choxa nawulak laarahom,
toj sa'eb' li choql nawulak xnimal laachaab'ilal;#36,6 Sal 57,11.
7li xtiikilal laach'ool chanchan xterameb' li ninqi tzuul,
ut laak'uub'ahom chanchan xchamal li nimla palaw.
At Qaawa', laa'at nakat-ilok reheb' li poyanam ut eb' li xul.
8At inYos, k'ajo' xchaq'al ru laarahom!
Jo'kan naq eb' li poyanam neke'muhenk rub'el laakupuhom.
9Neke'xch'oolani rib' rik'in li saa'us wank sa' laawochoch;
chanchan xkawil oq li nima',
li sahilal nakak'e chi ruk'eb'.
10Xb'aan naq aawik'in wank li xyo'leb'aal li yu'am;
ut wi nokoohaakutanob'resi,
wanko sa' saqenk.
11Chahoy xnimal laarahom
sa' xb'eeneb' li neke'xnaw aawu;
chak'ut xtiikilal aak'a'uxl
rik'ineb' li tiikeb' xch'ool.
12Ink'a' taxaq tinxyeq'i sa' roq li q'etq'et,
chi moko chinrisi sa' linna'aj li ink'a' us xna'leb'.
13Chek'e reetal chanru neke't'ane'k laj b'aanuhom maa'usilal:
xe'kute'k chi ch'och', ut ink'a' chik neke'ruhank chi xaqliik.
Currently Selected:
Sal 36: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
