Sal 32
32
SAALM 32 (31)
Sahil ch'oolej sa' xxootoninkil li qamaak
1Xk'utum laj David.
Us xaq re li kuyb'il xmaak,
a' li xsachmank chixjunil li xmaakob'k wi'!
2Us xaq re li maak'a' b'alaq'ik rik'in
ut maak'a' xmaak chiru li Qaawa'.#32,1-2 Ro 4,7-8.
3Naq xinkanaak chi ch'anch'o,
xe'ok chi lajk linb'aqel;
k'ajo' naq xinyaab'ak rajlal kutan!
4Xb'aan naq x'aalo' laawuq' sa' inb'een chi q'eq ut chi kutan;
xin'ok chi chaqik jo' naxk'ul li ch'och' sa' li saq'ehil.
5Xinch'olob' linmaak chawu ut maak'a' xinmuq:
“Tinxooto linmaa'usilal chiru li Qaawa'”, chankin.
Ut laa'at xakuy xasacheb' linmaak,
xinaakuy sa' chixjunil li xinmaakob'k wi'.#32,5 2 S 12,13; Sal 51,3-6.
6Jo'kan naq chixjunileb' laj paab'anel neke'xyaab'a laak'ab'a'
sa' xhonalil li xnimal rahilal;
us ta k'ajo' li b'ut' taachalq sa' xb'eeneb',
ab'anan ink'a' te'tawe'q xb'aan.
7Laa'at li xkolb'al wib',
laj tenq'ahom we sa' li rahilal:
wankat chinsutam re intenq'ankil.
8“Tatintzol, tink'ut chawu li b'e li tento taak'am, chan li Qaawa';
junelik yooqin chawilb'al naq tatinb'eres.
9Moko jo'kaqat ta li kawaay malaj li b'uur:
chixjunileb' a'an maak'a'eb' xna'leb';
na'ajmank ru li k'aam ut li ch'iich' sa' reheb'
re te'tuulanob'resiiq;
wi ut ink'a', moko te'jiloq ta chaq aawik'in”.
10K'ajo' li rahilal wank sa' xb'een li ink'a' us xna'leb';
a'ut li kaw xch'ool rik'in li Qaawa'
a' li xrahom li Yos nasutuk re.
11Chisaho'q sa' eech'ool rik'in li Qaawa',
b'ichanqex laa'ex li nekexpaab'ank;
japomaq eere xb'aan nimla sahilal
jo'k'ihalex li tiik ru leeyu'am!
Currently Selected:
Sal 32: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
