Jakari 9
9
ISRAƐLJE GƎ ƁEEKO̰JE GƎ RA̰G
Njesigənea̰ dum dɔ ɓeeko̰je
1Ndərta gə́ Njesigənea̰ pa wɔji ne dɔ ɓee gə́ Hadrak ləm,
Ta neelé wɔji dɔ ɓee-boo gə́ Damas ləm tɔ.
Mbata kəm Njesigənea̰ to dɔ dəwje gə́ raŋg’d
To gə́ to dɔ ginkoji Israɛlje’g bèe tɔ#Esa 17.1-3, Jer 49.23-27, Amɔ 1.3-5 #Esa 23.1-18, Ejk 26.1–28.26, Joɛ 4.4-8, amɔ 1.9-10, Mat 11.21-22, Lug 10.13-14,
2Ta neelé wɔji dɔ Amat
Gə́ to rəw-nim-ɓee gə́ Damas ləma,
Gə dɔ Tir gə Sido̰
Gə́ gosɔkəmkàr lə dee to yaa̰ lé ləm tɔ.
3Njé gə́ Tir d’unda kəi-kaar-kɔgərɔ lə dee,
Deḛ daa larnda dɔ na̰’d to gə́ babur bèe ləm,
Gə larlɔr asəna gə bɔrɔ gə́ mba̰-rəwje’g bèe ləm tɔ.
4Aa ooje, Mbaidɔmbaije a dum dɔ dee ləm,
A ɓugu siŋgamoŋ lə dee dan baa-boo’g ləma,
A roo ɓee lé dula-dula ləm tɔ.
5Njé gə́ Askalo̰ d’a kée ndá d’a si dan ɓəl’g,
Njé gə́ Gaja kara d’a ɓəl kunda bala tigi-tigi ləma,
Njé gə́ Ekro̰ kara d’a ɓəl ləm tɔ,
Mbata meekundayel lə dee tel to nérɔkul.
Mbai gə́ Gaja a sané pá ləm,
Ɓee gə́ Askalo̰ kara dəwje d’a godo keneŋ ləm tɔ#Esa 14.29-31, Jer 47.1-7, Ejk 25.15-17, Joɛ 4.4-8, Amɔ 1.6-8, Sop 2.4-7.
6Dəwje gə́ d’ula ginkoji dee na̰’d ɓa d’a ra ɓee Asdod.
Ndá n’a kunda néti-rɔ lə Pilistije lé naŋg rab-rab.
7N’a kɔr da məs gə́ to ta dee’g ləm,
Gə néje gə́ mina̰ gə́ to pə̰ ŋgaŋ dee’g ləm tɔ,
Njé’g lə dee gə́ nai lé kara d’a tel to gə́ ka̰ Ala lə sí,
D’a to kasəna gə mbaije gə́ Juda ləm,
Njé gə́ Ekro̰ d’a tel to kasəna gə Yebusje bèe ləm tɔ.
8N’a kaḭ dɔ kəi lə neḛ sub gə mba kɔs njérɔje rəw
Koma̰ ne gə deḛ gə́ d’a gə dəs kaw əsé deḛ gə́ d’a gə tel,
Bèe ɓa njekula kəm loo ndòo a dəs mbɔr dee’g dəb el,
Mbata ɓasinè n’orè kəm neḛ dɔ dee’g sḭ.
Mbai gə́ a kar loo to lɔm
9Seḭ gə́ Sio̰ lé alje rɔ sí!
Seḭ gə́ Jerusalem kara ɔsje pa rɔlel to!
Aa ooje, mbai lə sí si aw gə́ dɔ sí’g nee,
Yeḛ to njemeekarabasur ləm,
Gə njedumdɔloo ləm tɔ,
Yeḛ to dəw gə́ kul yururu gə́ uba dɔ mulayḛ̀je gao si’g,
To ŋgon mulayḛ̀je gə́ aḭ goo kea̰je’g ɓa yeḛ ubá#Mat 21.5, Ja̰ 12.15.
10N’a tuji pusu-rɔje lə Eprayimje ləm,
Gə kundaje gə́ Jerusalem ləm tɔ,
Ɓandaŋ-rɔje lé d’a tuji.
Yeḛ a kila mber meekulɔm
Kar ginkoji dəwje gə raŋg ləm,
Yeḛ a ko̰ɓee un kudee dɔ baa-boo-kad’d gə́ kára saar teḛ ne yee gə́ raŋg’d ya
Un kudee dɔ mán baa-boo’g saar kɔr rudu naŋg njal ləm tɔ#Pak 72.8.
Kɔr ɓər dɔ ɓərje’g
11Seḭ lé ndá mbɔl dɔ manrɔ gə́ neḛ man ne rɔ neḛ n’ar sí lé ɓa
N’a kɔr ne ɓərje lə sí
Mee bwa gə́ mán godo keneŋ kɔm dee tar#Tr 24.8.
12Seḭ ɓərje gə́ undaje meḛ sí yel lé
Maji kar sí telje awje kəi-kaar-kɔgərɔ’g!
Ɓogənè neḛ m’pa njaŋg ya tɔɓəi,
N’a tel kar sí némaji dɔ maree’d gɔl joo.
13N’a kə́ Judaje to gə́ kə́ ne ɓandaŋg mber-mber bèe ləm,
N’a kar Eprayimje to nérɔ lə neḛ
Gə́ asəna gə ɓandaŋg bèe ləma,
Ǝi Sio̰, n’a kar ŋganije d’uba loo d’ḭ tar
Mba rɔ gə ŋgalə Jaban ləm tɔ.
N’a kari tel to asəna gə kiambas lə bao-rɔ bèe.
14Njesigənea̰ a nduba rəa dɔ dee’g tar
Ndá kandə ɓandaŋg ləa a teḛ to gə́ tel lə ndi bèe,
Mbaidɔmbaije gə́ Njesigənea̰ a kar to̰to̰ ləa ɓar,
Yeḛ a kaw kəmee gə́ kédé dan lel-boo gə́ dɔkɔl.
15Njesigənea̰ gə́ njeboo-néje a kaa dɔ dee,
D’a tuji loo pugudu ləm,
D’a dum dɔ kɔri-ər yɔroŋ-dooje lə njéba̰je lə dee ləm tɔ,
D’a kai né ləm,
D’a kunda bula to gə́ njékai mán-nduú gə́ mḭje bèe ləm tɔ,
Nékai a rusu meḛ dee to gə́ mán gə́ rusu ŋgo-dɔ-mán bèe ləm,
To gə́ məs gə́ aḭ dɔkum loo-nékinjaməs’g bèe ləm tɔ.
16Njesigənea̰, Ala lə dee a kaji dee mee ndəa’g neelé
To gə́ koso-nékulje lə koso-dəwje ləa bèe,
Mbata deḛ to d’asəna gə jərje gə́ ndɔḭ mee dɔgugu’d
Gə́ d’a ndogó mee ɓee’g ləa bèe.
17Ǝi, boo-némeemaji ləa mbata lə dee to yaa̰ ləm, kura yaa̰ ləm tɔ.
Ko gə́ sigi gə mán-nduú gə́ kul lé
A kar siŋga basaje gə ŋgama̰dje to ne kɔgərɔ-kɔgərɔ tɔ.
Currently Selected:
Jakari 9: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
