Matiyo 23

Parisiḛje to gə́ majikojije el

Mar 12.38-39, Lug 11.43,46, 20.45-46

1Yen ŋga, Jeju pata ar boo-dəwje gə́ nai rəa’g ləm, gə njékwakiláje ləm tɔ pana: 2Njéndaji-maktubje gə Parisiḛje d’isi loo-si Moyis gə́ to no̰ dee’g. 3Néje lai gə́ d’ula sí lé aaje kər-kər ləm, gə raje areeje ɔr rɔd ləm tɔ nɛ ndajije néra dee el. Mbata deḛ pa taree ndá lal ra née. 4Deḛ tɔ nékodo gə́ wɔi d’unda dɔ tam dəwje’g nɛ ŋgaw ji dee kara d’ula keneŋ d’ɔrɔ ne kereŋ el. 5Deḛ ra né gə mba kəm dəwje ba. Yee gə́ bèe ɓa deḛ ndaŋg ji kubuje lə dee d’aree tad bəgə-bəgə ləm, deḛ tɔs kula ta kubuje’g d’aree ŋgal yao-yao ləm tɔ#Mat 6.1, BI 15.38, TtG 6.8. 6Loo-ra-naḭ’g lé deḛ ndigi si gə́ ŋgaw ta dəwje kédé ləm, mee kəi-kwa-dɔ-na̰je’g kara deḛ ndigi si gə́ ŋgaw ta dəwje keneŋ kédé ləm tɔ. 7Deḛ ndigi kar dəwje ra dee lapia loo-suk’d ɓar dee ne pana: Mbai, mbai. 8Nɛ seḭje lé ar deeje ɓar sí Mbai, mbai el. Mbata Mbai lə sí to gə́ kára ba kiao ndá seḭ toje gə́ ŋgako̰ na̰je ba. 9Ɓarje dəw kára kara gə́ dɔ naŋg nee bɔ síje el mbata Bɔ síje to gə́ kára ba, to yeḛ gə́ njesi dara lé tɔ. 10Seḭ a raje rɔ sí kar dee ɓar sí dəw dɔ dəwje el. Mbata dəw dɔ sí kára ba yeḛ ɓa gə́ Kristi. 11Yeḛ gə́ ur dɔ sí’g lai lé maji karee tel rəa gə́ kura lə sí ya#Mat 20.26-27, Mar 9.35, 10.43-44, Lug 22.26. 12Nana ɓa gə́ unda dəa gə́ tar ndá d’a karee ula dəa ya. Nɛ nana ɓa gə́ ula dəa lé ndá d’a karee unda dəa gə́ tar ya tɔ#Lug 14.11, 18.14.

Jeju ila ta dɔ néhulai lə njéndaji-maktubje gə Parisiḛje

Mar 12.40, Lug 11.39-42,44,52, 20.47

13Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.

14Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ rumje néje lə njékəisiŋgaje mbad-mbad ndá tel ləbje kəm dee gə ndukwɔi lé gə ta gə́ pa kɔm na̰ rib-rib, néra sí gə́ togə́bè lé taree a ndər dɔ sí’g di-di ya#23.14 Ta neelé godo mee maktubje gə́ ləw gə́ na̰je’g..

15Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ aḭje dɔ baa-boo gə dɔ naŋg nee ulaje na̰’d sub-sub mba kiŋga dəw kára telee gə́ ka̰ sí-seḭ, loo gə́ seḭ teleeje ndá seḭ teleeje gə́ ŋgon ka̰ gehene gə́ ur dɔ sí-seḭ’g ya.

16Seḭ njékəmtɔje gə́ ɔrje no̰ njékəmtɔ mar síje lé meeko̰ a koso dɔ sí’g mbata seḭ pajena ɓó lé dəw ubu rəa gə ri kəi-Ala ndá to gə́ né el ɓəi, nɛ ɓó lé yeḛ ubu rəa gə larlɔr gə́ to kəi-Ala’g ndá yee ɓa to gə́ kankəm né gə́ yeḛ tia̰ rəa dɔ’g ya. 17Seḭ mbəje gə́ njékəmtɔje, see ɗi ɓa boi ur dɔ maree’g wa. See to gə́ darɔ larlɔr əsé kəi-Ala gə́ tel larlɔr unda gə kəmee wa. 18Tɔɓəi seḭ pajena ɓó lé dəw ubu rəa gə ri loo-nékinjaməs ndá to maji sur el ɓəi, nɛ ɓó lé yeḛ ubu rəa gə ri né gə́ to dɔ loo-nékinjaməs’g ndá to gə́ kankəm naji ya kən. 19Njékəmtɔje, see ɗi ɓa to né gə́ boi ur dɔ maree’g wa. See to gə́ nékinjaməs əsé loo-nékinjaməs gə́ tel nékinjaməs unda gə kəmee wa. 20Yeḛ gə́ ubu rəa gə ri loo-nékinjaməs ndá yeḛ ubu rəa gə ri loo-nékinjaməs ləm, gə néje lai to dɔ’g lé ya ləm tɔ. 21Yeḛ gə́ ubu rəa gə ri kəi-Ala ndá yeḛ ubu rəa gə ri Ala lé gə́ njesi mée’g lé ya tɔ. 22Yeḛ gə́ ubu rəa gə ri dara ndá yeḛ ubu rəa gə ri kalimbai lə Ala lé ləm, gə ri njesi dɔ’g lé ya ləm tɔ#Esa 66.1, Mat 5.34.

23Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata kamnaḭje lə sí gə́ ri dee lə mantə gə anet gə kumin lé seḭ kaije loo-dɔg ɓa seḭ unje təa kára arje Ala lé nɛ kankəm ta godndu gə́ wɔji dɔ meekarabasur gə meekɔrjol gə meenda londoŋ gə́ d’ur dɔ taje lai lé seḭ ubaje ya̰je. Néje neelé to néje gə́ kəm ra ya nɛ a kubaje néje gə́ raŋg neelé kya̰je el tɔ#Ləb 27.30. 24Seḭ njékɔrno̰ dəwje gə́ toje njékəmtɔje lé seḭ ndəije manje lé nà banelə seḭ a kuruje girmisi, nɛ jambal ya ŋga seḭ uruje gə́ guburee ba magə meḛ sí’g.

25Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ togoje gir ŋgo-kai-mán gə ka nɛ meḛ dee gə́ kəi ɓa néje gə́ seḭ iŋgaje loo-ɓogo əsé loo-nərnéje wa keneŋ gɔgɔgɔ-gɔgɔgɔ. 26I Parisiḛ gə́ to njekəmtɔ lé togo mee ŋgo-kai-mán gə ka lé ar dee d’àr raŋg-raŋg ɓa gir dee gə́ raga a kàr raŋg-raŋg ɓəi.

27Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ toje asəna gə dɔɓarje gə́ ra né keneŋ d’ar dee nda kələw-kələw d’ar dee to ne né gə́ maji bèlm’g raga, nɛ meḛ dee gə́ kəi ndá siŋgaje gə néje gə́ ram ɓa rusu njḭ-njḭ#NNk 23.3. 28Seḭje kara seḭ undaje rɔ sí raga asəna gə njémeekarabasurje nɛ meḛ sí gə́ kəi lé hulai gə kaw kori-kori ɓa taa loo keneŋ pəl-pəl.

Jeju ula dee ta bo̰ néra dee gə́ a kɔs ta dee’g lé

Lug 11.47-51

29Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ raje dɔɓar njéteggintaje bur-bur ləm, dɔɓar njémeekarabasurje kara seḭ ndaŋgje né keneŋ mèr-mèr ləm tɔ. 30Seḭ pajena: Ɓó lé j’isi kəmba mee ndəaje’g lə ka síjeḛ lé loo gə́ deḛ tɔl njéteggintaje lé ndá jeḛ lé j’a korè rɔ sí na̰’d sə dee mba kula məs dee naŋg el. 31Seḭ ɔrje ta ilaje dɔ sí-seḭ’g ya, ar sí-seḭ lé ya toje ŋgan njé gə́ tɔl njéteggintaje lé ya. 32Néra bɔ síje-je lé seḭ tɔlje bém ya! 33Seḭ ŋgan li-meewaije lé gehene ɓa to gə́ loo gə́ bo̰ néra sí a kɔs ta sí’g keneŋ ya nɛ see ɗi ɓa seḭ a raje gə mba teḛje ne ta’g wa#Mat 3.7, 12.34, Lug 3.7. 34Gelee gə́ nee ɓa ma m’ula ne njéteggintaje gə njégosokəmkàrje gə njéndaji-maktubje rɔ sí’g. Seḭ a tɔlje njé gə́ na̰je ɗar deeje kaar kag’d ləm, seḭ a kundaje njé gə́ raŋg gə ndəi-kɔb mee kəi-kwa-dɔ-na̰je’g lə sí ləma, seḭ a kulaje kəm dee ndòo gə ɓee-ɓee ləm tɔ, 35mba kar məs njémeekarabasurje gə́ un kudee ka̰ Abel’g saar teḛ ne ka̰ Jakari gə́ to ŋgolə Baraki gə́ seḭ tɔleeje dan mee kəi-Ala’g no̰ loo-nékinjaməs’g lé wa dɔ sí ya#Gn 4.8, 2SgI 24.20-21. 36Ma m’ula sí təsərə, ta néje neelé lai a kwa dɔ ginka dəwje gə́ nee lé ya.

Bo̰ néra njé gə́ Jerusalem a kɔs ta dee’g

Lug 13.34-35

37Seḭ njéɓeeje gə́ Jerusalem, seḭ njéɓeeje gə́ Jerusalem lé seḭ gə́ tɔlje njéteggintaje gə tilaje deḛ gə́ d’ula dee rɔ sí’g gə kɔri-ərje lé see gɔl ka̰da ɓa ma m’ndiŋga rɔm mba mbo̰ sí gelm’g to gə́ ko̰ kṵja mbo̰ ne ŋganee gel bagee’g bèe nɛ seḭ ṵdamje ɓad nee ɓəi wa. 38Aa ooje, d’a kuba kəi lə sí kya̰ mée wəl kar sí#Jer 22.5. 39Mbata ma m’ula sí təsərə, seḭ a koomje gogo nda̰ bèe el saar njena seḭ a pajena: Maji kar dɔkaisəgərə nai gə yeḛ gə́ ree gə ri Mbaidɔmbaije lé ya#Pak 118.26.

Currently Selected:

Matiyo 23: SBA2015

Highlight

Copy