Samz 121
121
Sé an sam David
An chanté pou lè yo té ka mouté Jérouzalèm
Sé Senyè-a Ki Ka Pwotèkté Mwen
1Mwen lévé zyé mwen an sé mòn-an.
Mwen di, “Ki koté mwen kay jwenn soukou?”
2Soukou mwen ka sòti an lanmen Bondyé Senyè-a
ki fè latè èk syèl-la.
3I pa kay kitéʼw tonbé,
moun-an ki ka pwotèktéʼw-la pa ka dòmi.
4Zyé moun-an ki ka véyé sé jan Izwayèl-la
pa ka fèmé ni i pa ka dòmi.
5Bondyé Senyè-a kay véyéʼw,
Bondyé Senyè-a doubout bò lanmen dwèt ou kon an lonbwaj pou baʼw fwéchè.
6Kon sa, lajouné sòlèy-la pa kay bat ou,
ni lalin-an pa kay fèʼw ditò lé swè.
7Bondyé Senyè-a kay pwotèktéʼw hòd tout movèzté,
i pa kay kité anyen wivéʼw.
8Bondyé Senyè-a kay pwotèktéʼw ni lè ou ka sòti ni lè ou ka antwé,
dépi apwézan èk pou tout tan.
Currently Selected:
Samz 121: acfDBL
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.
