Samz 122
122
Sé an sam David
An chanté pou lè yo té ka mouté Jérouzalèm
An Chanté Pou Lévé Né Jérouzalèm
1Pa dé kontan mwen té kontan lè yo di mwen,
“Annou alé an Kay Bondyé Senyè-a.”
2Atjwèlman nou wivé la,
nou doubout andidan bayè-a an Jérouzalèm!
3Jérouzalèm sé an vil yo byen bati,
an vil koté tout bagay byen wanjé.
4Sé la tout sé bwanch fanmi-an ka vini,
tout sé bwanch fanmi Izwayèl-la.
Yo ka vini pou yo wimèsyé Bondyé Senyè-a,
menm kon i té konmandé yo.
5Sé an Jérouzalèm tout sé désandan Wa David-la
asid pou jijé sé moun-an.
6Sé pou zòt pwédyé pou vil Jérouzalèm sa ni lapé.
Mandé Bondyé pou fè tout moun ki enmen Jérouzalèm pwòspéwé.
7Mandé Bondyé pou la toujou ni lapé andidan bawad-la ki oliwonʼw-lan,
èk pou tout moun ki an kay wa-a viv san twaka.
8Pou lapéti fanmi mwen èk kanmawad mwen,
mwen ka mandé Bondyé pou voyé lapé anlè Jérouzalèm.
9Pou lapéti Kay Bondyé Senyè-a ki Bondyé nou-an,
mwen ka pwédyé pouʼy pwòspéwé.
Currently Selected:
Samz 122: acfDBL
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.
