Samz 127
127
Sé an sam Sòlomonn
An chanté pou lè yo té ka mouté Jérouzalèm
Glowifyé Bondyé Pou Bontéʼy
1Si sé pa Bondyé Senyè-a ki bati kay-la,
twavay sé moun-an ki ka batiʼy-la pa vo anyen.
Si sé pa Bondyé Senyè-a ki pwotèkté vil-la,
twavay sé moun-an ki ka véyéʼy-la pa vo anyen.
2I pa ka voʼw anyen pouʼw lévé bonnè èk alé dòmi ta,
ka twavay wèd pouʼw viv.
Paski lè Bondyé enmen an moun,
i ka ba li tout sa i bizwen paditan i ka dòmi.
3Manmay sé an kado Bondyé Senyè-a baʼw,
yo sé an bennédiksyon.
4Sé gason-an yon nonm fè paditan i jenn-an
sé menm kon flèch ki an lanmen an sòlda.
5An nonm ki ni sak flèch li plen kay kontan an pil.
I pa kay hont
lè i ka dispité èk lèlmiʼy an bayè vil-la.
Currently Selected:
Samz 127: acfDBL
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.
