Samz 110
110
Sé an sam David
Wa-a Bondyé Chwazi-a
1Bondyé Senyè-a palé bay wa-a, senyè mwen-an,
i diʼy, “Asid asou lanmen dwèt mwen
jis tan mwen fè lèlmiʼw tounen an ti ban pou mété pyéʼw.”
2Bondyé Senyè-a kay fèʼw kondwi plis péyi pasé Zayonn.
I di, “Kondwi sé lèlmiʼw-lan ki oliwon-an.”
3Jou-a ou kay goumen èk sé lèlmiʼw-lan,
tout sé moun ou-an kay vin édéʼw.
Menm kon séwen ka tonbé bonnè bonmaten,
sé kon sa sé jenn nonm ou-an kay vini jwenn ou asou sé mòn-an ki sa ou yonn-an.
4Bondyé Senyè-a ja fè sèman èk i pa kay pwan pawòl li viwé.
I di, “Ou sé an pwèt pou tout tan,
an pwèt menm kon Mèlkizidèk.”
5Senyè-a doubout asou lanmen dwèt ou.
Lè i faché, i kay kwazé sé wa-a.
6I kay pasé jijman asou sé nasyon-an,
la kay ni moun mò yonn asou lòt.
I kay détwi tout sé wa-a an tout latè-a.
7Wa-a kay bwè dlo an lawivyè-a ki bò chimen-an,
sé pou sa i kay ni fòs pou lévé tèt li.
Currently Selected:
Samz 110: acfDBL
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.
