IPERIU 5
5
Sa tukuna ko koya na noda Bete Levu ni sa uasivi cake vei ira na bete eliu, 1-10. A sa qai vunauci ira sa tamata lotu, ni ra sa lotu dede ka sega ni vuku sara, 11-14.
1Ia na bete levu yadua sa digitaki maivei ira na tamata, sa lesi vua na Kalou e na vukudra na tamata, me vakacaboi madrali kei nai soro e na vuku ni valavala ca: 2sa rawarawa vua me lomani ira era sa sesewa, ka cala; ni sa tiko talega vei koya na malumalumu. 3Ia e na vuku ni ka oqo, me vaka e na vukudra na tamata sa vaka talega kina e na vukuna, sa dodonu me vakacaboi soro ko koya e na vuku ni valavala ca.
4A sa sega e dua sa taura vakai koya na cakacaka vakarokoroko oqo, o koya ga sa lesi koya na Kalou, me vakataki Eroni. 5Sa vaka talega kina na Karisito sa sega ni dokai koya me via bete levu vakataki koya; e na vukuna ga sa kaya vua, O iko na Luvequ: Au sa vakatuburi iko e na siga oqo. 6Me vaka talega na nona vosa e na tikina tani, A bete tawa mudu ko iko Me vakataki Melikiseteki.
7O koya oqo e na veisiga ni nona tiko vakatamata, ni sa cabora oti na kerekere, kei na masumasu, kei na tagi vakararawa, ni sa vakawai na matana, vua sa rawata me vakabulai koya mai na mate, a sa rogoci ga e na ka sa rerevaka ko koya; 8ia sa dina ga sa Luvena ko koya, a sa vakatavulici ga e nai valavala ni talairawarawa, ni sa vosota tiko na ka rarawa; 9ia ni sa vakarautaki oti, sa yaco me vu ni bula tawa mudu vei ira kecega sa talairawarawa vua; 10sa kaciva na Kalou me bete levu me vaka nai valavala i Melikiseteki.
11E vuqa na ka sa vo me keitou tukuni koya kina, ia ka sa dredre ga na kenai balebale, ni sa sega vei kemudou na daliga rogo. 12Ni sa dodonu mo dou rawata makawa mo doui vakavuvuli, ia ka sa qai yaga mo dou vakatavulici tale se cava na vu ni vakavuvuli ni Kalou; sa yaga talega vei kemudou na wai-ni-sucu, ka segai na kakana dina. 13Ni sa sega ni kila vinaka nai vakavuvuli ni veivakadonui, ko koya sa gunuva walega na wai-ni-sucu; ni sa gone lailai ga. 14A sa yaga vei ira sa matua na kakana dina, o ira era sa vakarautaka na yalodra e nai valavala, me ra vakalewa rawa na ka se vinaka se ca.
Currently Selected:
IPERIU 5: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
