ሮሚያ 14

ኣሳ ቦላ ፒርዴናን ኣጉሳ

1ኣማኑዋን ኣዛሊያ ኡራ ሺሺ ኣኪቴ። ሺን ኢ ባሬ ሁጴው ቆፒያባን ኣናና ፓሉሜቶፒቴ። 2ኢቲ ኡራ ኣማኑ ኢ ኣያ ሚናኔ ዲጌና። ሺን ኣማኑዋን ኣዛሊያ ኡራይ ጋዴን ሞኬዳባ ፃላላ ሜ። 3ኡባባ ሚያ ኡራይ ኡባባ ሜና ኡራ ካፖ፤ ኡባባ ሜና ኡራይካ ኡባባ ሚያ ኡራ ቦላ ፒርዶፖ። ኣዪሲ ጎፔ፥ ፆሳይ ኣ ሺሺ ኣኬዳ። 4ሃራ ኣሳ ቆማ ቦላ ፒርዲያዌ ኔኒ ኦኔ? ኢ ኩንዲና ዎይ ዴንዲና ባሬ ጎዳሳ፤ ሺን ጎዳይ ኣ ዴንናው ዳንዳዪያ ዲራው፥ ኢ ኤቃና።

5ኢቲ ኡራይ፥ «ሂቃ ጋላሳይ ሃራ ጋላሳቱዋፔ ኣ» ያጊዴ ቆፒያ ዎዴ፥ ሃራይ፥ «ኡባ ጋላሳቱካ ኢቲ ማላ» ጊዴ ቆፔ። ኣሳይ ኡባይ ሁጲያን ሁጲያን ሄዋዳን ኣዪሲ ቆፒንቶ ኣኬኮ። 6ኢቲ ጋላሳ ሃራ ጋላሳቱዋፔ ኣዴ ቦንቺያ ኡራይ ጎዳ ቦንቾ ቦንቼ፤ ቁማ ሚያ ኡራይካ ጎዳ ቦንቾ ሜ። ኣዪሲ ጎፔ፥ ኢ ሄ ቁማ ዲራው፥ ፆሳ ጋላቴ። ቁማ ሜናዌካ ጎዳ ቦንቾ ሜናን ኣጌዳ፤ ቃሲ ፆሳ ጋላቴ። 7ኣዪሲ ጎፔ፥ ኑፔ ኦኒኔ ባሬ ሁጴ ፃላላው ዴዔና፤ ቃሲ ኦኒኔ ባሬ ሁጴ ፃላላው ሃይቄና። 8ኑኒ ፓፃ ዴዖፔ፥ ጎዳው ዴዔቶ፤ ቃሲ ሃይቆፔካ፥ ጎዳው ሃይቄቶ። ሲሚ ኑኒ ፓፃ ዴዖፔ ዎይ ሃይቆፔካ ጎዳሳ።

9ሄዋ ዲራው፥ ኪሪስቶሲ ፓፃ ዴዒያዋንቶኔ ሃይቄዳዋንቶ ጎዳ ጊዳናው ሃይቂዴ፥ ሃይቁዋፔ ዴንዴዳ። 10ያቲና፥ ኔኒ ኔ ኢሻ ቦላ ኣዪሲ ፒርዳይ? ዎይ ኔኒ ኔ ኢሻ ኣዪሲ ካይ? ኑኒ ኡባይካ ፆሳ ፒርዳ ኦይዲያ ሲንን ኤቃና። 11ኣዪሲ ጎፔ፥ ፆሳ ማፃፋይ፥

« ‹ታኒ ጎዳይ ታ ዴዑዋን ጫቃይ፤

ኣሳይ ኡባይ ታ ሲንን ጉልባታና።

ቃሲ ታኒ ፆሳ ጊዲያዋ

ኣሳይ ኡባይ ማርካታና› ያጋይ»

ያጌ። #ኢሳ 45፡23 12ሲሚ ኑኒ ሁጲያን ሁጲያን ኑባ ፆሳው ኦዳና።

ናጋራ ኦሱዋሲ ጋሱዋ ጊዶፓ

13ሄዋ ዲራው፥ ኑኒ ኢቱ ኢቱዋ ቦላ ፒርዲያዋ ሃዋፔ ሲንው ኣኔ ኣጎይቴ። ሺን ኡባፔ ኣዴ፥ ሂንቴ ኢሻ ቢያባ ዎይ ናጋራን ኦሊያባ ኦናዳን ቆፋ ቃቺቴ። 14ታኒ ጎዳ ዬሱሲ ኪሪስቶሳና ዴዒያዋን፥ ባሬ ሁጴው ቱና ጊዲያባይ ባይናዋ ኤራይኔ ኣኬካይ። ሺን ኢቲ ኡራይ ኢቲባ ቱና ጊዴ ቆፖፔ፥ ሄዌ ኣው ቱና ጊዴ። 15ኔኒ ሚያባ ዲራው፥ ኔ ኢሻ ቆሆፔ፥ ሲሚ ኔኒ ሲቁዋን ዴዓካ። ኪሪስቶሲ ኣ ዲራው ሃይቄዳ ኣሳ ኔ ሚያ ቁማን ባዪዞፓ። 16ሲሚ ኔኒ ሎዖባ ጊያዋ ኣሳይ ካፖ። 17ኣዪሲ ጎፔ፥ ፆሳ ካዉቴይ ጌሻ ኣያናይ ኢሚያ ፂሎቴ፥ ሳሮቴኔ ናሼቻ ጊዲያዋፔ ኣቲን፥ ሙሳኔ ኡሻ ጊዴና። 18ኣዪሲ ጎፔ፥ ኪሪስቶሳው ሃዋዳን ኦያ ኡራይ ኦኒኔ ፆሳ ናሼቼ፤ ኣሳይካ ኣ ጋላቴ።

19ያቶፔ፥ ኣኔ ኑኒ ሳሮቴ ኣሂያባኔ ኑና ኢቱዋ ኢቱዋና ሚኒሲያባ ኡባ ኮዬቶ። 20ፆሳ ኦሱዋ ቁማ ዲራው ባዪዞፓ። ቁማይ ኡባይ ጌሻ፤ ሺን ሃራ ኡራ ናጋራን ዬጊያዋ ሙሳይ ኢታ። 21ሄዋሲ ኣሹዋ ሜናን ዎይ ኡሻ ኡሼናን ኣጊያዌ ዎይ ኔ ኢሻ ቢያባ ኣያኔ ኦናን ኣጊያዌ ሎዓ።

22ሃ ዬዉዋን ኔ ኣማኑዋ ኔፔኔ ፆሳፔ ጊዱዋን ናጋ። ኢቲ ኡራይ ሎዓ ጊዴ ኢ ኣማኔቴዳዋ ኦያ ዎዴ፥ «ታኒ ሎዑዋ ኦዲ» ጊዴ ባሬ ዎዛናኒ ኣማኔቶፔ፥ ሄ ኡራይ ቱሙ ኣንጄቴዳዋ። 23ሺን ኢ ሄ ሚያባን ሲፔ፥ ኣ ሙሳይ ኣማኑዋና ጊዴና ዲራው፥ ፆሳይ ኣ ቦላ ፒርዴ፤ ቃሲ ኣማኑ ባይናን ኦዳዌ ኣያዪኔካ ናጋራ።

Currently Selected:

ሮሚያ 14: dwrENT

Highlight

Copy