Popular Bible Verses from ሮሚያ 14

Share

ኣዪሲ ጎፔ፥ ፆሳ ካዉቴይ ጌሻ ኣያናይ ኢሚያ ፂሎቴ፥ ሳሮቴኔ ናሼቻ ጊዲያዋፔ ኣቲን፥ ሙሳኔ ኡሻ ጊዴና። ኣዪሲ ጎፔ፥ ኪሪስቶሳው ሃዋዳን ኦያ ኡራይ ኦኒኔ ፆሳ ናሼቼ፤ ኣሳይካ ኣ ጋላቴ።

ኑኒ ፓፃ ዴዖፔ፥ ጎዳው ዴዔቶ፤ ቃሲ ሃይቆፔካ፥ ጎዳው ሃይቄቶ። ሲሚ ኑኒ ፓፃ ዴዖፔ ዎይ ሃይቆፔካ ጎዳሳ።

ያቶፔ፥ ኣኔ ኑኒ ሳሮቴ ኣሂያባኔ ኑና ኢቱዋ ኢቱዋና ሚኒሲያባ ኡባ ኮዬቶ።

ሄዋ ዲራው፥ ኑኒ ኢቱ ኢቱዋ ቦላ ፒርዲያዋ ሃዋፔ ሲንው ኣኔ ኣጎይቴ። ሺን ኡባፔ ኣዴ፥ ሂንቴ ኢሻ ቢያባ ዎይ ናጋራን ኦሊያባ ኦናዳን ቆፋ ቃቺቴ።

ኣዪሲ ጎፔ፥ ፆሳ ማፃፋይ፥ « ‹ታኒ ጎዳይ ታ ዴዑዋን ጫቃይ፤ ኣሳይ ኡባይ ታ ሲንን ጉልባታና። ቃሲ ታኒ ፆሳ ጊዲያዋ ኣሳይ ኡባይ ማርካታና› ያጋይ» ያጌ። ሲሚ ኑኒ ሁጲያን ሁጲያን ኑባ ፆሳው ኦዳና።

ኣማኑዋን ኣዛሊያ ኡራ ሺሺ ኣኪቴ። ሺን ኢ ባሬ ሁጴው ቆፒያባን ኣናና ፓሉሜቶፒቴ።

ሃራ ኣሳ ቆማ ቦላ ፒርዲያዌ ኔኒ ኦኔ? ኢ ኩንዲና ዎይ ዴንዲና ባሬ ጎዳሳ፤ ሺን ጎዳይ ኣ ዴንናው ዳንዳዪያ ዲራው፥ ኢ ኤቃና።