Táre-woo-ŋa 9
9
Táre-nuu da ƃoo-nuu tûa-pere
1Táre è ŋɔpɛ́rɛi tɔ̀ɔ, é mù-kɔɔ làa kɛ́ lɔ́ɔlu mɛi-feerɛ. 2È taa-tulɛ pàa, é ŋwã̂ai kpɛtɛ é zee têƃelei ŋá da m̀ii-sãai kpéli-ŋai kélee. 3È ǹyée-mu-nɛyãai tɛ̂ɛ daai su dí tɔ́ɔ ǹyéei ŋá díkɛ lolo tóo dîyɛɛi, 4“Diai díkili fé díyêei, tɔɔ dí pá.” Diai táre fé díyêei, táre a môi dîa ǹyɛɛi, 5“Ka pá ká ŋámii-sɛŋ míi ká ŋwã̂ai kpéle ŋá gbɛ̀tɛi. 6Ka tée ƃoo-mɛni ma ká kɛ́ ɣele ma, ka sía a táre ŋɔperei.”
7Ǹúui a yola kûla núu kponoi, ƃa ŋɔsɔnyɔ̂ŋ lɛ̀ ma, a pâi ɣɛ́lɛ maa kulâi íkponôi. Ǹúui a ŋwana-lɔ̂ɔ-nuu ŋɔsɔnyɔ̂ŋ lɛ̂ mai, a pâi ŋwana-lɔɔ kɛ̂i la. 8Ífe yola kula-nûu ŋɔsɔnyɔ̂ŋ lɛ̀ mà. Ƃà gɛ̀ tí a pâi íkpɔarâi. Kɛ́lɛ ƃà táre-nuu ŋɔpɔara-maai lɛ̀ mà, a pâi íwɛ̂lii. 9M̀ɛnii kélee ƃa nɛ̀ táre-nuu mai, a pâi ŋɔtárei da pûi ma. M̀ɛnii kélee ƃa mò tɔ̃yâ-nuu mai, a pâi ŋɔtárei láa fɛ̂ɛi.
10Ǹúui ŋ̀wɛ̂lii é tárei, fɛ̂ɛ é yao Ɣâla Yâwɛɛ ma a maa-ŋuŋ. Ǹúui nyii Ŋ̀âla Maa Waai kɔ́lɔŋ, a mɛni ŋá kàa. 11Táre a íɣele-kuu-ŋai tâma, gɛ́ íkoraŋ da pú mà. 12À kɛ̀ ítâreɛi, ítâreɛi íkpîŋ mɛni ma. Ƃà kɛ̀ a yola kuláa núu-kponoi nuu, ƃa mɛni-soli kàa.
13Ǹúui táre fé ŋuŋ sui, gáa yɛ̂ɛ nɛnî nyii a lôno a ɣelêi-pere vé mɛni da kɔ́lɔŋ, ŋumɛ fé ŋ̀ɛ́i. 14Gáa see-ni ŋɔpɛ́rɛi lá see-sɛŋ ŋá banaŋ ma kpaa máŋ ǹyée tôŋ su daai su. 15Diai da tɛ̂ɛ naa-perei, a dítôlii, diai tɛɛ̂i ǹaa-pere díkɛ lì dítii-ŋa kɛ̂i, 16nyii-ŋai dífe mɛni kɔ́lɔŋ a mò dîa ǹyɛɛi “Ka pa ká lɔ́ ƃɛ́.” Ǹúui táre fé ǹyêei, a mò mà ǹyɛɛi, 17“Ŋúma ya nɛ̃ɛ̂i, da gbóloi núu a ŋùma é mii loo-pere sui.” 18Maa ǹúui fé gɔ́lɔŋ a gɛɛ saa-ƃela díkaa naa, a gɛɛ diai da nâa lí naai díkaa saa-ƃela kɛ̂i.
Currently Selected:
Táre-woo-ŋa 9: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia
