YouVersion Logo
Search Icon

Táre-woo-ŋa 27

27
1Ífe yoŋka tèe tínaa mɛni ma, kpɛ́ni fɛ̂i, ífe m̀ɛnii kɔ̀lɔŋ pâi kɛ̂i tínaai. 2Ǹɛ̂lɛɛi núu da kpɛ́ni é ílaa maa tɛ́. Ífe íkpîŋ láa maa tɛ̀. Tɔɔ ŋɔ̃́ya é gɛ́, yá kpîŋ fêi.
3Kɔni wiɛ̂i, ŋãya ǹyaa máŋ wiɛ̂i, kɛ́lɛ ǹúui va mɛni ŋá kàa a ǹɛ́lɛɛi, m̀ɛni kpɔ̂lui a pâ lai, ŋ̀uyɛ̂i é tɛ́ɛ veerɛŋɔɔ ma.
4Ǹúui ŋ̀wɛ̂lii é mɛni kpa kulai, ǹáa fɛ̂ɛi a lii-ŋwana, maloŋ kâa fé ǹyêei. Kɛ́lɛ tólo-nuu sɔŋ nyɔ̂mɔi a ŋ̀ánaa é tɛ́ɛ ŋ̀ɔi ma.
5Núu kula-maa-kɛɛ panaŋ ma lɛ̂lɛɛi é tɛ́ɛ wɛli-kɛ-maa loɔɔ ma.
6Íwɛli-kɛ-maa nuu à ípɔara-maai lɛ̀ yâ, a sôli. Kɛ́lɛ íkpɔara-nuui a kpùlɔŋ yâ, gáa ípɛlɛ̂i.
7Ǹúui belâai va kɔ̃́iŋ-kpaŋ mìi, kɛ́lɛ ǹúui puru káa gɛ̂i, mii-sɛŋ ŋwánaa kélee nɛ̃ɛ̂i ǹá.
8Núu a kùla bɔ́-taai, gáa yɛ̂ɛ ŋɔni a kùla daa ŋá.
9Wúlɔ kúŋ nɛ̃ɛ da wúru-ya kúŋ nɛ̃ɛ da núu líi làa, kɛ́lɛ mɛni kpɔ̂lu a núu ŋɔmɔ̂leŋ kâra.
10Ífe kùla ínɛ̃ɛ-nuu kpaa máŋ ínâŋ ŋɔnɛ̃ɛ-nuui pôlu. Mɛni kpɔ̂lu à kùla yâ, ífe lì íkaayɔɔ pɔ́-bɔrɔŋ. Ínɛ̃ɛ-nuui gáa íkɔlɛ mai ǹɛ̂lɛɛi é tɛ́ɛ íkaayɔɔ ma nyii gɛ̂i kôyaai yâi.
11Ńoŋ, kɛ́ a ítâreɛɛ, gɛ̀ ní ńii a pâi lâai. À kɛ̀ tí, gɛ̀ ní ŋá pâi diai wóo su toôi dítɔɔ̂i ḿâi.
12Táre-nuu a mɛni kpɔ̂lu kàa pâi, a ǹoo mà, kɛ́lɛ ǹúui táre fé ŋuŋ sui, a pîli nɔ́ zu gɛ́ mɛni-soli kàa.
13Ǹúui a tɔ̂ɔ ŋɔ̃́ya ŋɔkpa soŋ mɛ̂ni mai, da gɔ̃lîŋ sɔ̀ŋ a sɛ́ɣɛ é lɛ́ɛ la zu é gbai kpɛ́ɛ.
14Ya í láa tì íƃarâŋ-nuu ma a ɣele-wala pɛ-pɛ a íwoo tɛ́ɛ ɣelêi-pere, gáa yɛ̂ɛ foo-woo.
15Laa-saa-nɛni káa yɛ̂ɛ pɛ́rɛ nyii a ƃɔ̂ a tãi kélee. 16Ǹúui a kɔ̀ é ǹɛnî sii tí kperâi, gáa yɛ̂ɛ núui a kɔ̂ é fãa kpera kpaa máŋ é wúlɔ kɔ́ɔ a ǹyée tɔnɔi.
17Berei da kɔli ŋá lì la a kɔlii, bere nɔ́ ƃé núu a m̀arâŋ-nuu tɔ̀ɔ la.
18Ǹúui a fîi wuru mɛi kâai, a m̀á mìi. Ǹúui a ŋɔmɛi-nuu mɛi kâai, a ƃaa-kɛ-maa sɔlɔ ƃô.
19Berei núu a ŋ̀ɛ́i kàa la yá sui, bere nɔ́ ƃé a gbîŋ kàa la ŋɔkili-ŋa sîai su.
20Berei saa da ƃolôŋ dílii fa wɔ́lɔ làa lai, bere nɔ́ ƃé núu-kpune líi fa wɔ́lɔ làa la ŋ̀éniɛi su.
21Berei da káne da gôo kɔ̀ɔŋ la ŋɔŋ ŋái, bere nɔ́ ƃé da núu kɔ̀lɔŋ la berei ma a ǹyée sèe la nûa díƃaa kɛ́-maa mui.
22Ǹúui va mɛni ŋá kàa a ǹɛ́lɛɛi à nɛ̃ɛ mà í ǹókwa a ŋánaa, ŋɔƃoo-tuai fa kûla ŋuŋ su.
23Íƃala-ŋai da ítaa-tulɛ-ŋai kɔ́lɔŋ tɛi-tɛi í dímɛi káa a ǹɛ́lɛɛ, 24kpɛ́ni fêi, tɔɔ-laa fa tûa zu. Lɔii-ŋuŋ-ŋa dífe pâi lɛɛ̂i naa wɔ́lɔ-wɔlɔ da wɔ́lɔ-wɔlɔ. 25À kɛ̀ da kpɛ̀ɛ a galai téɛɛ, gala ninai kɛ́ tɛ̀, tãi da ǹyée ma kala-ŋai ŋ̀á tɛ̀ la gîe mai, 26maa tãi tí ƃé íƃala-ŋai leɣa a pâi seɣe tɛɛ̂i la ípɔ, í lɔii yá a íƃoli-ŋai sɔ̃ɔ. 27Ƃoli-ŋini-ya támaa a pâi kɛ̂i naa ímɛni ma da ípɛrɛi-mu-ƃelai é pɛ́lɛ íyee-mu-nɛyãai dîa.

Currently Selected:

Táre-woo-ŋa 27: KWB

Highlight

Share

Copy

None

Want to have your highlights saved across all your devices? Sign up or sign in

Free Reading Plans and Devotionals related to Táre-woo-ŋa 27

YouVersion uses cookies to personalize your experience. By using our website, you accept our use of cookies as described in our Privacy Policy