Táre-woo-ŋa 24
24
M̀ɛnii -19-
1Ífe tólo kùla sɔnyɔ̂ŋ-ƃela dîa díkɔ̃liŋ mɛni ma kpɛ́ni fêi da fé íyêei. Ífe tela kɔ̀ a gɛɛ í kɛ́ a díƃarâŋ-nuu. 2Kpɛ́ni-fei díkili-ŋa-siai pîlaŋɔɔi ŋwana-lɔɔ ma, m̀ɛnii nɔ́ da lôno é pîlaŋ mai ƃa ŋwana-lɔɔ.
M̀ɛnii -20-
3Núu a pɛ́rɛ pìlaŋ a táre é dɔɔ a mɛni-ŋa-kaa. 4Núu a sãâ sɔ̃ɔ kpanaŋɔɔ lɛ́lɛɛ-ŋa pù lôŋpo su táre sârai.
M̀ɛnii -21-
5Táre lɛ̂lɛi é tɛ́ɛ wála-wala ma. Táre-nuu a wála-wala-nuu ŋɔwála-walai yée mɛi ɣâle. 6Mɛni kpɛtɛɛ lɛ́lɛɛ kɛ́ í lɛ́ɛ pâi kɔ́ têei. Ya íwoli tɔ̀ɔ lia-woo támaa a pâ a yee-tɛɛ-maa.
M̀ɛnii -22-
7Ƃoo-nuu fa táre-woo ŋá kàa. Da kɛ̀ mɛni kpânaŋ ƃôi koyâŋ su da ƃó târe fé ǹyêei.
M̀ɛnii -23-
8Ǹúui a mɛni nyɔ́mɔɔ kpɛ̀tɛ gíli ŋái, da dòli a wôya-nuu. 9Ƃoo-tua a pâ a sɔnyɔ̂ŋ. Ǹúui a ɣɛ́lɛ-maa kùla núu kponôi, da gbɔ̀ara.
M̀ɛnii -24-
10Ya pìli mɛni kpɔ̂lu su, ílii a tòo pôlu, gɛ̀ ní íkaa a fii kpɛ̂ɛ-nuu.
M̀ɛnii -25-
11Diai nûa da pá dí paâi m̀ɛnii ma nyii dísɔŋ fé zui, dí ŋuŋ ma ƃó. 12Ƃà mò yɛ̂ɛ, “Ífe kɛ́ ní a gɔ́lɔŋɔɔ,” Ɣâla é núu-kpune ŋɔkíli-ŋa-siai kɔ́lɔŋ da ǹii-su-mɛni-ŋai. Nyaa ƃé ímaa kpɛɛ̂i. È í kɔ́lɔŋ. A pâi ífela-fei ítii kɛ-perei ma.
M̀ɛnii -26-
13Ńoŋ, kɔ̃́iŋ-wulɔ kpeleɛ lɛ̂lɛɛi. Kɔ̃iŋ-wulɔ nyii gbaŋ mai, nɛ̃ɛ̂i. 14Bere nɔ́ táre lɛ̂lɛɛi la máŋ ímɔ̂leŋ mɛni ma. Ƃà gàa, ímɛnii a pâi kɛ̂i a ǹɛ́lɛɛ tínaa tuɛ-pere ǹyaŋ núu fa pɔ̂ri íkili-kɛ-zui kulâi íyêei.
M̀ɛnii -27-
15Ífe kɛ̀ yɛ̂ɛ ŋwana-lɔ̂ɔ-nuu nyii a ŋ̀wɛ̂lii é teniŋ ƃô-nuu kɔ̃liŋ kpaa máŋ é ŋɔpɛ́rɛi kúla ǹyêei. 16Tɔ̃yâ-nuu a tòo pôlu lɔ́ɔlu mɛi feerɛ, a mu sìɣe ŋɔ́nɔ. Kɛ́lɛ mɛni kpɔ̂lu a wôya-nuu yée mɛi ɣâle.
M̀ɛnii -28-
17Íkpɔara-nuui a tòo pôlu, ílii fé nɛ̃ɛ. Dà ǹyée mɛi ɣâle, ífe ǹii-nɛ̃ɛ kùla. 18Ƃà gɛ̀ tí, Ɣâla Yâwɛɛ à gàa, ǹíi fa lâa íyêei. Tãi da a ŋɔlii-ŋwanai sìɣe pôlu.
M̀ɛnii -29-
19Ílii fè ŋwàna núu nyɔ́mɔɔ-ŋa mɛni ma. Ífe ŋwana lɔɔ-ƃela maa lii tèe, 20kpɛ́ni fêi, ŋwana-lɔ̂ɔ-nuu ŋɔmɛni gbɛɛ ŋá fé lɛ́lɛ ní. Wôya-nuu ŋɔlâŋpoi a pâi líinîi.
M̀ɛnii -30-
21Ńoŋ, yao Ɣâla Yâwɛɛ ma da gâloŋ. Ífe pìli diai sáma da ŋ̀wɛ̂lii dí tɔ́ɔ dîai.
22Kpɛ́ni fêi, mɛni kpɔ̂lu a pâi pâi dípɔ a maa félaa da su-karaa. Gbɛ̂ɛ ƃé m̀ɛni kpɔ̂lui kɔ́lɔŋ Ɣâla Yâwɛɛ da gâloŋ da pâi ǹâai dîai?
Dáre-wooi da-ŋa ká ŋí
23Dáre-ƃelai dí ŋɔ́nɔ m̀ɛni-ŋai ŋí ƃò:
Mɛni ŋá téɛɛ a wôya-pere fé lɛ́lɛ-ni. 24Ǹúui a mò ŋ̀wana-lɔ̂ɔ-nuui ma, “Ímɛnii lɛ̂lɛɛi,” ǹúui kélee a maa nûui tí kpɔ̀ara, díkɛ vòo. 25Kɛ́lɛ diai da ŋwana-lɔ̂ɔ-nuu ŋɔpɔara mɛni maai lɛ̀ mai, dílaa lɛ́lɛɛ a taa-taa, lûwa kɛ́ ƃò dîa.
26Tɔ̃yâ-nuu a núu wóo su tòo a zã́a. Ǹyaŋ nyíŋi a ǹɛ a gɛɛ gáa a m̀arâŋ-nuu lɛ́lɛɛ.
27Ílɔii maa mɛ̂ni su sã́a a maa-ŋuŋ da íkpâlaŋ ŋá tíi. Ǹaa pôlu ma, ƃa pɔ̂ri ípɛrɛi tɔɔ̂i.
28Ífe wôya-sere-faa kɛ̀ a íkɔlɛ-ma-nuui. Ífe mɛni nyɔ́mɔɔ ƃò a ǹáa. 29Ífe mò yɛ̂ɛi, “M̀ɛnii è gɛ̀ a ńyãai, ŋa pâi bɔɔ-too kulâi. Ŋa pâi gba kulâi mà.”
30Ŋá tɛ̀ɛ nyɛ̃ŋ-nyɛŋ-nuu ŋɔkpâlaŋ ŋá, ǹúui va mɛni ŋá kâai, ŋá ŋɔkpɔmɔ-kpalaŋ kâa. 31Gáa, ŋalêŋ-kpɔlɔ a nàa mɛi pɛ́lɛ, ǹɔii gwaa kélee káa a kala tee-tee. Gbâlaŋ ŋɔzĩɣaŋ nyii dí dɔ̀ɔ a kɔnii, gélee a wólo. 32Tãi ŋá m̀ɛnii ŋí naa kàa lai, ŋá kɛ̀ ŋ́gili ŋá siâi. Nya ƃe ŋá sɛŋ maa kɔ̂ri zu.
33Ǹyɛ̃-nyɛŋ-nuui a mò ǹyɛɛi, “Ŋa pâi nyîi a guro, ŋá ḿvii tɔ́ɔ a guro ŋá ńyee kpulɔ̂ŋ ḿâ ŋá láa.” 34Gɔ́lɔŋ a gɛɛ tãi íkaa nyiî lai, kôlo-laa a pâi pâi ípɔ yɛ̂ɛ ŋúma-nuu, zãâi ǹɛ̂lɛɛi íkɛ-ɣeniɛi kɛ́ mɛni mai a pâi kulâi íyêei yɛ̂ɛ sɛŋ kula yêei kɛ́-nuu a gùla íyêei.
Currently Selected:
Táre-woo-ŋa 24: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia
