Zôo 4
4
Dí zɛpɛ-woo maa-ŋuŋ
(4:1--14:22)
Ɛlifa è lòno Zôo pɔ
1Naa kɛ́ɛ tí, Ɛlifa nyii kùla Tema taa-leei sui, è nâa pɛ̀lɛ lónoɔɔ ma ǹyɛɛ mai,
2“Ya pâi íwoli tɔɔ̂i ḿâ à kɛ̀ ŋa lòno ípɔ?
Kpɛ́ni fêi ḿva pɔ̂ri kɛ̂i nɔ́ a ḿɛi sâa íkɔlɛ.
3Kɛ́ a gɔ́lɔŋɔɔ a gɛɛ yâ núu támaa téniŋ tɔ́ɔ
íkɛ diai dífii kpɛɛ̂i dí kponôi kpànaŋ.
4Deniŋ-ƃo woo-ŋai ya mò diai dîa díkaa mɛni kpɔ̂lu-ŋa sui,
a dí ŋá nɛ̀nɛ é gɛ́ dítɔɔ̂i é kpanaŋ.
5Kɛ́lɛ tãi íwɔ mɛni-kpɔlui ŋɔtãi aâ seri lai,
ílii aâ too pôlu a zu kɛ́tɛ.
6Í yao Ɣâla mai a gɛ́ kili-tɔɔ ma kɛ́ ƃò íyêei.
Mɛni ma fɛ̂ɛ í íkili tɔ́ɔ Ɣâla ma kili-kɛ-zu kɛ́ ƃò íyêei.
7Lé tãi ƃé ya tá sɔŋ lɛ̂lɛ-nuu káa Ɣâla é baai?
Kpaa máŋ lé tãi ƃé ya tá gáa Ɣâla kɛ́ mɛni kpɔ̂lu làa núu ma nyii zɔŋ fé zui?
8Ŋá kɛ̀ ɣéniɛi su, ŋá gɔ́lɔŋ a gɛɛ diai da sɔnyɔ̂ŋ sîi,
díkɛ ŋwana-lɔ̂ɔ kao sí yɛ̂ɛ berei tíi-kɛ-nuu a sí-sɛŋ kao sì la ŋɔkpâlaŋ ŋái,
bere nɔ́ ƃé a pâi ŋwana-lɔ̂ɔ da mɛni kpɔ̂lu ƃá kulâi la.
9Ɣâla è nɛ̂wo pù dîa dísaa.
È dífɛ̀ɛ díkelee dílaŋ.
10Ŋwana-lɔ̂ɔ-ƃelai da kɛ̂ kpêɣei díwoo su kpíniɛɛ yɛɛ yala-sulu-ŋa,
kɛ́lɛ Ɣâla a dínyiŋ ɣàle é dímɛi sáa.
11Ǹyala-sulu-ŋai nyii-ŋai dífe niî sɛŋ da paa-ni dí mii,
da sâa dílônii dí táa-taa díkɛ díkɔnɔŋ kɔ̀ri.
12“Zĩa è tɛ̀ɛ a ńyãa a kpíni tɔnɔ da.
Zĩâi ŋí su, núu da è lòno ḿbɔ ŋ̀óo lòŋ su.
Ŋ̀óo è kɛ̀ kpɔ́ a guro-te ḿve pɔrîi mɛnîi a ǹɛ́lɛɛ.
13Ḿve pɔ̂ri ní nyîi,
kpɛ́ni fêi zĩâi è kɛ̀ yɛ̂ɛ ƃili-sîi a kɛ̀ seêni ŋ́uŋ mɛi.
14Ŋá yào kpɔ́, ǹyaoi é tɛ́ɛ ńii pôlu.
È gɛ̀ ŋ́gbonôi gwaa kélee kɛ́ kpɛ̃liŋ.
15Gɛ́ɛ tíi, fãa-laɣi è pù ŋ́ɛi,
mĩli-mĩli é pú ḿâ.
16Ŋá sɛŋ-da kàa tɔɔ̂ni,
kɛ́lɛ gɛ́-pere kíli fé lɛɛ ní ŋ́gili ŋa. Naa è kɛ̀ tɔŋ.
Gɛ́ɛ tíi, ŋá wóo mɛ̀ni é kúla nàa pere.
Ŋ́ooi ŋí ƃé ŋá mɛ̀ni,
17‘Núu sîi kélee da fé teniŋ ƃô-ni é tɛ́ɛ Ɣâla ma.
Wála-wala-nuu kpîŋ maa fé waa ní é tɛ́ɛ gbɛ̀tɛ-nuu ma.
18À kɛ̀ Ɣâla fé láa ní a ǹyée mu-ƃelai nyii-ŋai díkaa bɔ́-taai,
à kɛ̀ a ŋɔkéla-ŋai sɔŋ kâa dîa,
19gɛ̀ ní a pɔ̂ri lâai a núu-kpune nyii è gbɛ̀tɛ a pɔ̂rɔi,
nyii è gbɛ̀tɛ a muluŋ, nyii ƃa gìiŋ a sâa a maa félaa yɛ̂ɛ núu a gôi-gono kîiŋ?
20Núu-kpune a pɔ̂ri kɛ̂i ɣele ma a vúlu a ɣele-wala,
kɛlɛ a pɔ̂ri saâi ɣele-wulii é lɛ́ɛ pâi kɛ̂i nyii maa mɛni fa lɛ̂ɛ núu da kíli-ŋa.
21Da gɔ̃liŋ kélee kùla ǹyêei.
Va kɛ̂ a Ɣâla ŋɔtûa-perei kɔ́lɔŋɔɔ é lɛ́ɛ la zu é sáa.’
Currently Selected:
Zôo 4: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia