Zôo 3
3
Zôo è wɔ̀lɔ Ɣâla ma
1Naa kɛ́ɛ tíi, Zôo è nâa pɛ̀lɛ lónoɔɔ ma, gɛ́ m̀aa sɔlɔ-ƃo foloi náɣaŋ-laa. 2È mò ǹyɛɛi,
3“Óo Ɣâla, ye gbínii díwɔlɔ maa kôo sìɣe lai náɣaŋ láa.
Ívoloi náɣaŋ láa nyii díwɔlɔ maa sɔlɔ-ƃo lai.
4Óo Ɣâla, vóloi tí díwɔlɔ maa sɔlɔ ƃô lai é pene a kpíni.
Ífe ŋɔ́nɔ kpàaŋ m̀ɛni ma a dɔnɔ kpîŋ.
Ífe ŋɔ́nɔ nɛ̀ɛ naa kwaa pɔnɔɔɔ é pîlaŋ mà.
5Tɔɔ kpíni maa-pɔlɔɔ-pɔlɔɔ é tóo màa ɣêlei tí ma.
M̀ɛi pɛ́lɛ a ŋ̀ele-kɔlɔŋ-kɔlei, vólo-kaoi kúla ŋ̀elei kpîŋ mà.
6Ye gbínii ŋí láa kúla góraŋ su
núu da fé ŋɔ́nɔ lòno é pîlaŋ ma.
7Ífe ŋɔ́nɔ nɛ̀ɛ naa nɛnî da é koo síɣe a gbínii tí díwɔlɔ ḿaa kôo sìɣe lai.
Núu da fé ŋɔ́nɔ lii-nɛ̃ɛ kùla a gbínii kpîŋ.
8Tɔɔ dia-ŋai da fólo náɣaŋ làai dí vóloi kpîŋ náɣaŋ láa.
Tɔɔ diai da lôno yúo-zele-kali pɔ́i dílono bɔ́ é vóloi kpîŋ kpele.
9Tɔɔ ɣele-ƃɔi pɛmɛlɛŋ-kao fé fòlo a gbínii dí ḿaa kôo sìɣe lai ŋɔɣele ƃɔ̂i tãi.
Tɔɔ gbínii é kɛ́ nɔ́ a dóɔɔ ɣele fé ŋɔ́nɔ ƃɔ̀.
10É kɛ́ tí kpɛ́ni fêi gbínii tí ƃé dí maa kôo sìɣe la,
é nɛ̀ɛ naa ŋ́gɛ mɛni kpɔ̂lu kɛ́ɛ ŋí kàa.
11“Eêi kɛ̀ a ǹɛ́lɛɛ mɛni nyɔ́mɔɔ é ńee kɛ́,
kpaa máŋ ŋá ńɛ̂wo gbɛɛ-ŋai tóo a tãi ńee maa è fùloŋ lai.
12Lé ƃé kɛ̀ ńee kɛ́ ŋ́gbèɣaŋ gɔ́ɔ mɛi?
Lé mɛni ƃé è ŋíni tòo la ńai?
13Eêi kɛ̀ ŋ́âi sàa, gɛ̀ ní ŋ́gaa laâ-ni mî fii tɔ̂ɔ su saa táa,
14kwa gâloŋ-ŋai da dítii kɛ́-ƃelai kɛ̀ ǹɔii mai,
nyii-ŋai wɔ́lɔ dítaa pîleŋ-ŋai tɔ̂ɔ díkpîŋ mɛni mai,
15kpaa máŋ kwa gâloŋ pɛlɛ-pɛlɛ-ŋai,
nyii-ŋai dípɛrɛ-ŋai láa fɛ̂ɛi a tɔɔ-sãai.
16Èei pɔ̂ri kɛ̂i a ǹɛ́lɛɛ èei kɛ̀ dí ńoo yɛ̂ɛ lôloŋ nyii sàa dí lɛ́ɛ pâi dɛ̂i taai,
yɛ̂ɛ lôloŋ nyii vé wɔ́lɔ kwaa ponoɔɔ káa nii.
17Ƃolôŋ su ƃe ŋwana-lɔ̂ɔ-ƃela da kpera naa díŋwana-lɔɔi ma,
nàa ƃé diai tíi-kɛɛ a dífii kpɛ̀ɛi da dífii tɔ̀ɔ naa,
18ƃɛ́i diai dí dísòŋ kɔ́ sui díkɛ dí mɔ̃lɛi da pâi lii-see sɔlɔ ƃôi naa,
dímɛi-ƃelai dífa ŋɔ́nɔ lâɣi dîa.
19Ǹûa kpaya-kpayai da ǹîa-pɛlɛ-ŋai díkelee dí pɔ̂riɛɛi,
ǹuɛ-ŋai da ŋuŋ-maa ƃô sɔlɔ ƃó.
Dífe ŋɔ́nɔ dí mɛi-ƃelai yée mu.
20“Lé mɛni ƃé Ɣâla a nɛ̀ɛ la naa nûa díkɛ mɔ̃lɛ,
gɛ́ kwaa ponoɔɔ tɛ̀ɛ diai pɔ́ díkaa nɔ́ ɣele ma díkɛ mɔ̃lɛi?
21Díkaa a ǹûai nyii ŋ̀wɛ̂lii dí sáa kɛ́lɛ saa fa pâ dípɔ̀.
M̀ɛni ƃé díkaa saa kɔ̂ri là yɛ̂ɛ núu ƃé tɔɔ-sãa kɔ̂rii.
22Dífa lii-nɛ̃ɛ kùla é lɛ́ɛ la zu dí sáa dí díloo.
23Lé mɛni ƃé Ɣâla a ŋ́gɛ la ŋ̀éniɛi su
ḿaa tínaŋɔɔ a siɣãŋ fa berei kâai?
24Ŋa ńaa miî maloŋ-too maa su,
ŋ́gɛ nyiɣɛ nɔ́ gɔ́yɛŋ fé ma.
25M̀ɛni-ŋai ŋa yao dîai, dia nɔ́ ƃé da ŋ́gɛ̂,
ŋuŋ kpɔ́-kpɔɔi ƃa nyii-ŋai ŋa yào dîa a ŋa-ŋanaai.
26Lii-see kélee kpaa máŋ fii-tɔɔ tɔnɔ kpîŋ fé ḿâ,
kɛ́lɛ ŋá mɛni-kpɔlui su káa nɔ́ kɛ̂tɛi.”
Currently Selected:
Zôo 3: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia