Sal 13
13
Re' reey David xupahqaaj i rotob'il i Dios noq wilik panti' k'axik
1WaJaaw nuDios, ¿Ko jaruuj kink'ulik
cho panak'ux? ¿Mi xinsahchik panak'ux
chi jumpech re'? ¿Nik' chik najtiil
naa kaat wuy-eem chi nee kinatoob'eej?
2¿Ko nik' chik najtiil naa rutib'iik
i wánima ruum i ti' k'axik k'ahchi' nuk'ulum?
¿Kojaruuj i numay chi ntz'irik nuwach eqal eqal?
Eh ¿kojaruuj kinako'leej pan q'ab' inixowanik nuwach?
3Wajaaw nuDios, kinawilow, kinab'iraj tii.
Chasaquumb'isaj paam i naq'nuwach, reh chi ma' nee ta nchalik i kimik chi nunaah.
4Reh chi re' inixowanik nuwach, ma' nee ta ruq'or chi xub'an weh.
Reh chi ma' nee ta wo' insuuqb'ik kik'ux taqe i ruk'u'liil inixowanik nuwach.
5WaJaaw nuDios, re' hin ch'iklik nuk'ux chi naa aketelaam cho nuwach.
Naa rusuuqb'iik i wánima, ruum re' hat naa ako'liniik weh.
6Re' hin naa nutz'uyem awach, Jaaw,
ruum xayeew cho weh chi manlik aawotob'il.
Currently Selected:
Sal 13: POK
Highlight
Share
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
