Sal 14
14
Re' i yiib' wach na'ojb'al inki a'n i ma' kinimanik ta ree Dios
1Re' taqe i ma' kinimanik taj inkiq'or
chi ma' xta Dios.
Chi kunchelaal xkiq'eb' kiib', xa re' chik i yiib' wach inki a'n
Ma' awach ta jino'q i korik wach ruk'ux, jinaj ta naq reje.
2Re' QaJaaw Dios kopan taxaaj
i rilow chaloq i tinamit
mi wilik jino'q chi kixilak i wilik
runa'ojb'al reh chi nee nimjik i reh.
3Xa re' la' chi kunchelaal xiooj chupaam i yiib' wach b'eeh.
Xkiq'eb' kiib'.
Ma' awach ta' keh imb'anik reh i holohik laj na'ojb'al,
jinaj ta naq reje.
4Eh ma' xta kina'ojb'al, ma' holohik ta kib'anik,
inkik'ux i nutinamiit, je' nk'uxarik kaxlanwi'k inki a'n
Eh ma' nkikapaaj ta kitiij, inki.
5Re' keh naakib'arb'otiik ruum kiyo'jiik,
ruum re' QaJaaw Dios naa rutoob'iniik keh i korik wach kik'ux.
6Re' keh inkikaqse'laaj, inki a'n i xama' nimaq ta kiwach,
xanaah re', re' QaJaaw Dios naa rutoob'iniik kee keh.
7Ar Sión ta naq nee rutaq'aaj chaloq i Dios i ko'lemb'al kiib' i aj Israel.
Re' noq naa resam taqe chaloq pan tokoom tinamit,
nee naq insuuqb'ik kik'ux i aj Israel, re' taqe i riih rumaam i Jacob.
Currently Selected:
Sal 14: POK
Highlight
Share
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
