Sal 12
12
Re' reey David xupahqaaj i rotob'il i Dios
1WaJaaw nuDios, qoh ako'leej, ruum ma' jino'q chik i korik wach rik'ux chi nimanik.
Eh ma' awach ta chik jino'q i korik inq'orik.
2Xak'ul chik inkichuk i q'orik chikiwach, re' inkiq'or xak'ul inki a'n kiwach ruuk'.
Xa ma' xta rub'ehel kiq'orik.
3WaJaaw nuDios, chasach kiwach i xak'ul inki a'n kiwach,
re' taqe i nimaq kiwach inki a'n kiib',
4re' taqe i kiq'orik reh chi je' wili: Re' hoj qohchol q'orik chi qib'il qiib',
ruuk' qachii' neenqako'leej qiib'. Eh ma' awach ta neenq'ilwik qeh, inki taqe.
5Re' QaJaaw Dios je' wili xuq'or:
Re' taqe ma' xta rukowiil kik'ux
k'ahchi' kik'teesjiik chi ti' k'axik.
Re' taqe i k'axik wilkeeb' inkik'er
kichii' chi oq'ik ruum aj re',
re' hin naa nutob'eem taqe
je' rukab' i ruk'ul chi keh, inki.
6Re' ruq'oral i QaJaaw Dios xti korik, eh saq wach.
Je' rukab' i plata saq wach,
wuquub' pech saqb'isamaj wach pan q'aaq'.
7WaJaaw nuDios, re' hat neeticha'jinik qeh chi juneliik.
Eh nee qoh ako'leej chikiwach i tinamit yiib' wach i kina'ojb'al,
8ruum re' keh xak'ul chik kiooj chi jot'ooj.
Eh chu'nchel i tinamit kiye'wik runimaal wach i kiyiib' wach na'ojb'al.
Currently Selected:
Sal 12: POK
Highlight
Share
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
