Zacarías 3
3
Aju o til Zacarías ti'j tnejel pal Josué
1Tzaj tyec'un Kman weye ate Josué aju tnejel pal wa'l tcubtok twitz t-anjel Kman. Tuj tbank'ab Josué tcubtok Satanás in k'mantok ti'j alcye til Josué. 2Xitzun tma'n t-anjel Kman te Satanás: Awt Kman mayonte teya. Awt Kman aju in c'ujlante tnam Jerusalén mayonte teya. Ate xjal lu ic tten ic tza'n jun ttxan si' ma tz'etz k'i'n tuj k'ak'. 3Toctok t-xbalun Josué nim tz'il ti'j ex wa'l tcubtok twitz t-anjel Kman. 4Atzunte anjel xi tma'n cye ke onil te tu'n tel cyi'n t-xbalun Josué, akeju nimtok tz'il cyi'j. Xi tma'n anjel te Josué cyja': Bintza, atzun t-xilen jlu, ma tz'el wi'ne tila ex ma tz'oc nk'o'ne t-xbaluna tbanilxix. 5Xi tma'ntl anjel cye ke onil te tu'n toc cyk'o'n jun c'albil wibaj sakxix ti'j wen ti'j twi' Josué. Octzun cyk'o'n jun c'albil twi' Josué ex te tibajxi oc cyk'o'n t-xbalun tbanilxix wen, acux wa'lxtok ju anjel.
6Xi tma'ntl t-anjel Kman te Josué cyja': 7Atzun jlu in tma'n Kman, aju Tajaw Tcyakil: Ka ma beta tuj tumelxix nwitze ex ka ma japun tu'na tcyakilju o txi nma'ne teya, ax icx cyjel ten njaye tuj tcwenta, cyuc'ix ke ttxa'n pe'n, ex cxel nk'o'ne toclena cyxol keju in che ajben weye. 8Bintza Josué, aya tnejel pal, ax icx e ttzaj cybi'n ke tuc'ila, porque akeye jun techal ti'j ju tzul: Lu ctzajel wi'ne nmajene, aju toc tbi t-xul. 9Lu ma cub nk'o'ne jun abj twitz Josué, at wuk pac' ttxlaj, ex ax kine chin bel tz'ibante junjun yol twitz. Ex tuj junx k'ij c'elel baj wi'ne cyil cycyakil xjal ate' tuj tx'otx' lu. 10Octzun tul canun ju k'ij lu, tuj txubtxaj che ank'ile; teyle junjun cyeye ctzajel ttxco'n tamiw tu'n cyojlane tjak' t-xlecumal tkan higo ex tjak' tkan uva at cyuc'ile. A kine Dios Tajaw Tcyakil in chin k'mante jlu.
Currently Selected:
Zacarías 3: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
