Zacarías 2
2
Aju o til Zacarías ti'j jun cy'jaj te echbil
1Ax icx at juntl tzaj yec'un weye. O wile jun xinak k'i'n jun cy'jaj te echbil tu'n. 2Xi nkanine te cyja': ¿Jatum ma txi'ya? Atzun te tzaj ttzak'we'n: Ma chinxe echalte tnam Jerusalén, tu'ntzun twile jte' tnukbil ex jte' twitz. 3Atzunte anjel otok yolin wuc'ile xi lak'e' ch'intl ex oc noj juntl anjel twitz, 4ex tzaj k'ma'n te cyja': Chux ojkelanxa ex k'manxa teju cu'xun cyja': Minti' muro c'oquel ti'jele tnam Jerusalén, tu'nju nim xjal cnajal tuj ax icx alumaj. 5Chi Kman in tma'n: Akine chin oquele te muro puro k'ak' ti'jele tnam Jerusalén ex cxel nyec'une wajwalile tuj tnam.
Tu'n Kman che cletel ke xjal etzan tu'n
6Chi Kman in tma'n: Wu'ne o baj cysputin cyibe tuj cycyajil pac' twitz tx'otx', pero ja'lo in xi nma'ne cyeye: Jurat-x cyetz oke tuj tx'otx' tuj tbank'ab k'ij. 7Akeye aj Sión o che pon k'i'ne tuj Babilonia, cyetz oke. Akine Dios ma chin k'mante jlu.
8Ate Kman aju Tajaw Tcyakil ma chin tzaj sama'ne tu'n, tuc'il jun tkanil cyi'j ke nasyon e oc tzokpaj cyi'je tu'n t-xi cyi'n tcyakilju at cyeye, chi cyja': Alcye ma tz'oc tbincha'n mya ba'n ti'j tnam etzan wu'ne junx ta' ic tza'n ti'j t-santil tbak' nwitze nno'c tbincha'n jlu. 9Cyja'tzun ax kine chin k'ojile cyi'j ke nasyon lu, ex ax ke cymajen che oquel tzokpaj cyi'j ex cxel cyi'n tcyakilju at cye, chi Dios. Cyja'tzun c'elel cynic'e ti'j, ate Kman aju Tajaw Tcyakil ma tzaj samante weye.
10Chi Kman in tma'n: Che bitzane tuc'il tzalajbil akeye najl tuj tnam Jerusalén, porque chin ule najal cyxole. 11Octzun tpon tk'ijlalil lu, nim ke nasyon cxel cyniman tyol Kman ex cxel tma'n Kman cyja': Ax icx ke nasyon lu che oquel te weye. Oc chin najale cyxole chi Dios. Cyja'tzun c'elel cynic'e ti'j, ate Kman aju Tajaw tcyakil ma tzaj samante weye. 12C'oquel Kman juntl maj te tajwil tx'otx' Judá ex c'oquel te jun tetzbil nimxix toclen tuj tx'otx' Xjan ex cjawil t-sc'o'n juntl maj tnam Jerusalén.
13Cycyakilxwit xjal che cub txule' twitz Kman, porque ctzajel tuj tnajbil Xjan tuj cya'j.
Currently Selected:
Zacarías 2: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
