Rom 3
3
1¿Alcyetzun at-xix cye xjal judiy aju minti' cye txkantl xjal? ¿ex ti in ajben aju sircunsisyón? 2Tuj tcyakil nimxix tajben jlu. Porque tnejelxix tzaj tk'o'n Dios tyol cye xjal judiy. 3Katzun ka at junjun cyxol minti' xi cyocsla'n, ¿baka nok tu'nju minti' xi cyocsla'n, minti'wt ma japun tu'n Dios aju tyol? 4Ax toc ma japun. Porque axix toc te Dios tyol, masque cycyakil xjal in che nic'an yol, ic tza'n in tma'n tuj Tu'jil:
C'elel nic'baj ti'ja ka tz'aklxix tyola, ex cbel cyi'j xjal tu'na oc toca tuj xjel cyu'n, chi tuj Tu'jil.
5Katzun tu'nju mya ba'n in kbincha'n mas in k'ancha'lin ka tz'aklxix te Dios, ¿ti oc kma' ti'j jlu? (In chin yoline ic tza'n in che yolin xjal.) ¿Myapelo tz'aklxix te Dios tu'nju in tk'o'n castiw? 6Ax toc tz'aklxix. Porque nokwit mya tz'aklxix te Dios, ¿tza'ntzun tten tu'n tcub cycastiw xjal tu'n?
7At xjal in cyma'n cyja': Ka tu'nju in chin nic'ane yol mas in k'ancha'lin ka axix toc tyol Dios te nimbil te, ¿tiku'ntzun in k'manjtz wi'je ka aj il kine ex tu'n woque tuj xjel? Chi xjal. 8Ka ic tten ic tza'n in cyma'ne, kbinchamtzun mya ba'n tu'n tul aju ba'n. At junjun in che si'min yol wi'je ka ic in xi nma'ne; pero tuj tumelxix tu'n tcub cysentens ke jlu.
Mi jun xjal tz'aklxix; kcyakil at kil
9¿Tza'ntzun tten jlu? Ako' judiy xjal, ¿maspelo ba'n ko' cywitz xjal mya judiy ke? Mi'n. Porque o txi kma'ne cye xjal judiy ex cye xjal mya judiy ke, cycyakil ate' tjak' tipumal il. 10Ic tza'n in tma'n tuj Tu'jil:
Mi a'l jun xjal tz'aklxix, misicyer jun;
11mi jun nne'l tnic' ti'j, mi jun in jyon ti'j Dios.
12Cycyakil e je'l txalpuj, cycyakil e oc minti' cyajben. Mi jun in binchan ba'n, misicyer jun.
13Aju cykul mer ic tza'n tjulil cyimni catl. In che sbun tu'n cyak'. Ttx'abl lobaj at tuj cytzi'.
14Nim in che yasun tu'n cytzi' ex nim tc'ayil yol nne'tz tuj cytzi'.
15In che kelan tu'n tcub jun xjal cyu'n.
16In che bet in che xitun ex in che yajlanjtz xjal cyu'n;
17ex minti' ch'in cymojbabl cyib cyuc'il mastl.
18Minti' tchi Dios tuj cywitz, chi tuj Tu'jil.
19Ba'n ku'n, tcyakilju in tma'n tuj ojtxi ley, in tma'n cye keju ate' tjak' ley, tu'n tmaket cytzi' cycyakil xjal, ex tu'n cyoc cycyakil xjal tuj xjel tu'n Dios ti'j cybinchben mya ba'n; 20porque mi jun xjal jacu tz'oc tk'o'n Dios te tz'aklxix tu'nju in tbincha'n tcyakilju in tma'n ley, porque aju ley, atzun tajben tu'n tel knic' ti'j ka aj il ko'.
Ma ko oc te tz'aklxix nok tu'n kocslabl
21Atzun ja'lo ma tzaj yec'un jun tumel tza'n tten tu'n koc te tz'aklxix tu'n Dios, mya tu'n ley tu'n koc te tz'aklxix, nok o'cx in tzaj tyec'un ley alcye tumel tu'n koc te tz'aklxix, ax icx in cyma'n t-sanjel Dios. 22Nok tu'n kocslabl ti'j Jesucrist ko oquel te tz'aklxix twitz Dios. Ma tzaj tk'o'n Dios jlu cye cycyakil keju ma che ocslan ti'j Jesús. Porque jun elni ko' kcyakil. 23Porque kcyakil o ko binchan il, ex minti' in ko canun tu'n koc tz'aklxix ic tza'n te Dios tz'aklxixte. 24Pero nok cucx ko oquel te tz'aklxix nok tu'n t-xtalbil Dios, tu'nju ma ko colpet tu'n Jesucrist. 25Ma tzaj k'o'n Crist tu'n Dios tu'n tchjet kil tu'n tchc'el nok tu'n kocslabl ti'j, tu'ntzun tyec'unjtz ka tz'aklxix te Dios, ex tu'nju tpasens at, minti' cub tk'o'n cycastiw xjal tu'n tlaj cyil o cybincha ojtxi. 26Tu'ntzun tchic'banjtz tuj tk'ijlalil ja'lo ka tz'aklxix te Dios ex tu'n in che oc tk'o'n xjal te tz'aklxix nok tu'n cyocslabl ti'j Jesús.
27¿Tza'ntzun tten tu'n tjaw kniman kib? Minti' tumel tu'n tjaw kniman kib. ¿Tiku'ntzun tu'n mi'n tjaw kniman kib? ¿Tu'npeju ma txi kniman ju ley? Mi'n. Nok o'cx tu'nju ma ko ocslan ti'j Jesús. 28Cyja'tzun ma tz'el knic' ti'j, ate xjal nno'c te tz'aklxix tu'n Dios nok tu'n tocslabl, ex mya tu'nju in tbincha'n aju in tma'n ley.
29¿Ate Dios o'cxpe Dios cye xjal judiy? ¿Myapetzun ax Dios cye xjal mya judiy ke? Ax toc ax icx Cydios xjal mya judiy ke, 30porque nok o'cx jun Dios at. Ke xjal sircunsidarimaj che oquel k'o'n te tz'aklxix tu'n Dios nok tu'n cyocslabl, ax icx keju mya sircunsidarimaj ax icx che oquel k'o'n te tz'aklxix tu'n Dios nok tu'n cyocslabl. 31¿Tu'npetzunju kocslabl c'elel ki'n tipun ley? Mi'n. Tuj juntl tumel, mas c'oquel tipun ley ku'n.
Currently Selected:
Rom 3: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
