2 Timoteus 2
2
Omukwavita omuwa waKristus Jesus
1Iya ove, ndele yandje, likolethela met̯ilonkenda ndii li muKristus Jesus. 2Ovipuka mbyoka mbiwa tyaa mwaame ame popi movipathi vyodhombangi odhingi, vi longa ovantu mbave tji i okuliun̯ikwa, mbamava ulu wo oku vi longa ovakwawo.
3Hepa ngomukwavita omuwa waKristus Jesus. 4Kape na tja omukwavita nguu litwaa mokuundapa ovipuka vye omwene, mena lyokutya u tha okuthevelwa ngwee mu twaa moukwavita. 5Omudhamuki auhe amave lipatele kaa pewa ondjambi, andaa kaa dhamuka wo ngahi tja tuwa po. 6Omunatjana nguma undapa unene, oye ma li olutenga hitje ya motjana tje. 7Lipula nawa ouhunga nahimbe ku heela, mena lyokutya Muhona me ke ku pa ounongo movipuka hembi avihe
8Thipaluka Jesus Kristus, ombuto yaDavid, ngwaa imunwa kout̯e ngahi matji popiwa mondaka ombwa ndjime teetha. 9Me tatethwa hindji teetha ondaka ombwa, mba kutwa ndji ngala omputji. Iya odhondaka dhaKalunga kadhi kutilwe. 10Iya me likambulithile movipuka avihe, opo ovaholowolwa vaKalunga va mone ehupitho ndii li muKristus Jesus nelaimo lyaapehe. 11Ondaka hendji i tjiiwa okuliun̯ikwa ndjimai tyaa:
“Iya andaa twa t̯i pamo naye,
matu ka kala wo nomwenyo pamo naye.
12Andaa matu likambulithile,
matu ka tumina wo pamo naye.
Andaa matu litendele ye,
naye me ke litendela nt̯e.#Mat. 10:33; Luk. 12:9
13Andaa nt̯e katuvaliun̯ikwa,
ye ma kala omuliun̯ikwa,
mena lyokutya ye omwene kaa ulu okulitendela.”
Omulongi wondaka yatjatjili
14Thipalukitha ovakwen̯i ovipuka hembi. Ve londola kotjipala tjaKalunga, ahamava kala amava tanguna. Omalutangu hamawa, a lundha vala ovateeleli. 15U tha okukondja ngahi mo ulu, Kalunga e ku itavele, u kale ngomuundapi nguhama t̯a ohon̯i otjilinga tje, nguu longa ovantu otjatjili hitja vyuuka tjodhondaka dhaKalunga. 16Litjaela okupopya odhondaka odhombi nomipopyo vyomawoova mbii twala vala ovantu kokule naKalunga. 17Elongo ndii li hinyahi li ngala otjiwalo tjontontola. Ovalumentu vavali mbava longa ovantu ovipuka mbyee litha hoka oHimeneus naFiletus. 18Wo va yetha ondjila yatjatjili. Va ngwangwaneka eitavelo lyovantu vamo, hiva tya eimuko kout̯e lya ningwa ae lukulu. 19Iya ekulameno ndyaa tungwa kuKalunga, lya kola, kaali tenguka. Kekulameno ndyoka kwa sonekwa odhondaka ndhimadhi tyaa: “Muhona ovantu ve u ve i,” omukwawo mau tyaa: “Auhe nguma tumbula ena lyaMuhona nga yethe oulundhi.”#Num. 16:5
20Monganda onene kamu kala vala omalonga otjingoldo notjisilveri aeika, mu kala wo omatiti nodhombiya dholuma, vimo vya tumbala, vimo kavi tumbalele. 21Andaa omuntu we liningi nawa, ha kohoka mo movipuka ovivi, ma ulu okuundapethwa movilinga mbyaa tumbala. Omuntu nguu li nyahoka we likalekelwa, e thevelwe omuhona we. Ye we lilongekedha okuundapethwa motjilinga atjihe otjiwa. 22Yepa omahalo omavi omatele, kondjela ouvyuuki, eitavelo, ohole nouwa pamo nambava undapela Muhona nomitima mbyaa kohoka. 23Hó litwaa modhombata dhomawoova ndhihadhi na odhondunge, mena lyokutya u tji i okutya odhombata dhe eta vala omalutangu. 24Omuntu waMuhona ka tha okutanguna, iya u tha okukala omuntu omuwa, nguu hole ovantu avehe, nguma ulu okulonga ovantu, nguu na olweembya. 25Mbave mu kondjetha, nge ve pukulule nawa nonkenda, pamo Kalunga ma ulu oku ve pa oluvedhe, ve liteyulule, va iwe otjatjili. 26Iya mava pukuluka, hava eta odhondunge, hava kutuluka mo momoo womudiapoli ngwee ve kutile, va undape ehalo lye.
Currently Selected:
2 Timoteus 2: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.