OMAPSALOME 92
92
Ehambeleloimbilo lokufimaneka Kalunga
Epsalome, eimbilo mefiku leshabata.
1Osha wapala unene okupandula Omwene,
nokwiimbila edina loye ehambelelo,
Ove ou wOkombadambada;
2okuhepaulula ouwanghenda woye ongula inene,
nokutonga oudiinini woye oufiku;
3mokushika okauta nonyalilo,
nokushika okaxumbafeta.
4Osheshi Omwene, Ove wa hafifa nge mokulonga kwoye;
ohandi nyakukilwa oilonga yomake oye.
5Omwene, oilonga yoye oinene, i fike peni!
Omadiladilo oye omale unene neenghono.
6Omunhu ehe neendunge ite shi shiiva,
nelai itali shi koneke.
7Ovadinikalunga eshi tava twiyuka ngaashi omwiidi,
novaningi vowii aveshe ngeenge tava hape ngaashi omiti,
otashi ningwa, vo va yaumuke ko fiyo alushe.
8Ndelenee Omwene, Oove omunene
omutumbalekwa fiyo alushe!
9Heeno, oshili, ovatondi voye, Omwene,
ovakondjifi voye shili otava nyonauka po;
ovaningi vowii aveshe otava halakanifwa.
10Ndelenee oluvinga lange
oto li tumbifa pombada ngaashi olomhanda,
owa vaeka nge nomaadi mapelela;
11Omesho ange okwa mona okufindika kwovatondi vange,
nomatwi ange e udite ehafo
molwoshiponga shovanawii ava tava fikamene nge.
12Omukoshoki ota kulifwa,
a fa omuti womulunga, ota mene ta i pokule,
ngaashi omuti womusederi wokuLibanon.
13Ova twikwa meumbo lOmwene,
otava tutuma momukunghulo
wondjuwo yaKalunga ketu,
14vo nande nava kulupe, otava imike natango oiimati,
omiti ditalala da twiyauka omafo,
15vo va kale tava udifa,
nokutya Kalunga Oye omuyuki,
emanya lange, muye kamu na nande oushima.
Currently Selected:
OMAPSALOME 92: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
