OMAPSALOME 93
93
Kalunga Oye ohamba omukali kolukalwapangelo laye
1Omwene Oye ohamba! Okwe lidika etumbalo;
etumbalo Omwene e lidjala,
ekwamo laye olo eenghono;
nongonga yedu alishe owe i pameka yo,
ihe linyengaanyenge.
2Olukalwa loye ola kala lapama nale noshito,
Ove wa dja nale alushe.
3Omwene, omilonga oda tukuluka,
omilonga oda tukuluka omipopomo,
omilonga oda tukuluka oihomo inene.
4Ndelenee Omwene moule wokombadambada,
oku dule ounene womeva manene efuta
mokungunguma kwao mokule,
oku dule ounene womakufikufi efuta
tae lidenge kumwe taa ngunguma.
5Omaufo oye oku shii kulineekelwa shili.
Ouyapuki tau wapalele eumbo loye
fiyo alushe, Omwene.
Currently Selected:
OMAPSALOME 93: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
