ᒫᑯᓯᐅᑉ ᐊᒡᓚᖏᑦ 7
7
ᔩᓱᓯᐅᑉ ᐊᔪᕆᖅᑐᐃᓂᖓ ᐃᓄᐃᑦ ᓯᕗᓕᕕᓂᖏᓐᓂᒃ
ᒫᑎᐅᓯ 15:1-9
1ᑕᕝᕙ ᐹᕆᓯᑦ ᑲᑎᑉᕕᒋᒪᑦᔪᒃ ᐱᖁᔭᓂᒡᓗ ᐃᓕᓮᔩᑦ ᐃᓚᖏᑦ ᔨᕉᓴᓕᒻᒥᓐᖔᖅᓯᒪᔪᑦ. 2ᑕᑯᒐᒥᒃ ᐃᓕᓐᓂᐊᖅᑎᖏᑕ ᐃᓚᖏᑦ ᓂᕆᖕᒪᑕ ᐊᒡᒐᖕᒥᖕᓂᒃ ᐅᐊᓴᖅᓯᒪᓇᑎᒃ.
3ᐹᕆᓯᑦ, ᔫᑎᓕᒫᓪᓗ, ᓂᕆᕙᖏᒻᒪᑕ ᐊᒡᒐᖕᒥᖕᓂᒃ ᐅᐊᓴᓚᐅᕋᑎᒃ ᑭᓯᐊᓂ ᐅᐊᓴᓚᐅᕐᓗᑎᒃ ᓯᕗᓕᕕᓂᖏᑕ ᐊᔪᕆᖅᑑᓯᖏᓐᓂᒃ ᒪᓕᒡᓗᑎᒃ; 4ᓂᐅᕕᕐᕕᖕᓃᑦᑐᕕᓂᐅᒍᑎᒃᓗ ᐃᒻᒥᖕᓂᒃ ᐅᐊᓴᓚᐅᖏᓪᓗᑎᒃ ᓂᕆᓯᑐᐃᓐᓇᖅᐸᖏᒻᒪᑕ; ᐊᓯᖏᓐᓂᒃ ᐊᒥᓱᓂᒃ ᐱᐅᓯᖃᕆᕗᑦ ᓯᕗᓕᕐᖕᒥᖕᓂᑦ ᐊᔪᕆᖅᑐᖅᑕᐅᑦᔪᑎᒋᓯᒪᔭᒥᖕᓂᒃ, ᐅᐊᓴᖅᓯᔭᕆᐊᖃᕐᓗᑎᒃ ᑏᑑᑎᓂᒃ, ᓂᕿᓕᐅᕈᑎᓂᒃ, ᓴᕕᕋᔭᖕᓂᒡᓗ ᐴᒍᑕᐅᔨᖓᔪᓂᒃ.
5ᑍᒤᒻᒪᑦ ᐹᕆᓯᑦ ᐱᖁᔭᓂᒡᓗ ᐃᓕᓮᔩᑦ ᐊᐱᕆᕚᑦ, “ᓱᖕᒪᓄᑯᐊ ᐃᓕᓐᓂᐊᖅᑎᑎᑦ ᒪᓕᓐᖏᓚᑦ ᓯᕗᓕᑦᑕ ᐱᐅᓯᖏᓐᓂᒃ, ᐊᒡᒐᖕᒥᖕᓂᒃ ᓴᓗᒻᒤᓯᒪᓇᑎᒃ ᓂᕆᖕᒪᑕ?”
6 #
ᐂᓮᐊᓯ 29:13. ᔩᓱᓯᐅᑉ ᑭᐅᕔᑦ, “ᐂᓮᐊᓯ ᓇᓚᐅᑦᑍᓪᓗᓂ ᐅᖃᐅᓯᖃᓚᐅᖅᐳᖅ ᑕᒃᑯᕐᖕᒨᖅᑐᓂᒃ ᐃᓕᑦᓯᓐᓂᒃ, ᑎᑎᕋᖅᓯᒪᖕᒪᑦ,
‘ᐅᑯᐊ ᐃᓄᐃᑦ ᖃᓂᕐᖕᒥᖕᓄᑦ ᓂᖅᑐᖅᐹᖓ,
ᐆᒻᒪᑎᖏᑕᓕ ᐅᖓᓯᒋᕚᖓ;
7ᓱᓕᓇᑎᒃ ᑐᒃᓯᐊᕐᕕᒋᕚᖓ,
ᐊᔪᕆᖅᑐᐃᑦᔪᑎᖃᕋᒥᒃ ᐃᓄᐃᑦ ᐊᖅᑭᒃᑕᕕᓂᖏᓐᓂᒃ ᐅᒃᐱᕐᖕᓂᕐᖕᒧᑦ ᑐᓐᖓᕕᐅᓂᕋᖅᑕᒥᖕᓂᒃ.’
8“ᒎᑎᐅᑉ ᐱᖁᔭᖏᑦ ᕿᒪᒃᐸᓯ, ᐃᓄᐃᑦ ᐃᓕᖅᑯᓯᑐᐃᓐᓇᖏᑦ ᓈᓚᖔᕐᓗᒋᑦ.”
9ᐅᖃᐅᑎᒃᑲᓐᓂᖅᐰᑦ, “ᓯᓚᑐᐊᕿᓯᒪᔪᒥᒃ ᒪᓕᖏᑦᔪᑎᒃᓴᖃᖅᐸᒃᐳᓯ ᒎᑎᐅᑉ ᐱᖁᔭᖏᓐᓂᒃ, ᓇᖕᒥᓂᖅ ᐱᐅᓯᓯ ᓈᓚᒃᑕᐅᑎᖔᕈᒪᓪᓗᒋᑦ. 10#ᒨᓯᓯ ᐂᑉᐸᖏᑦ 20:12; ᒨᓯᓯ ᑕᓪᓕᒪᖏᑦ 5:16; ᒨᓯᓯ ᐂᑉᐸᖏᑦ 21:17; ᒨᓯᓯ ᐱᖓᔪᖏᑦ 20:9.ᒨᓯᓯ ᐅᖃᓚᐅᕐᖕᒪᑦ, ‘ᐊᑖᑍᑦ ᐊᓈᓁᓪᓗ ᐅᐱᒋᑦᓯᐊᒃᑭᒃ, ᓇᓪᓕᐊᓪᓗ ᐊᑖᑕᒥᓂᒃ ᐊᓈᓇᒥᓂᒡᓗ ᐅᖃᕐᖕᓂᕐᓘᑎᓕᒃ ᑖᓐᓇ ᑐᖁᑕᐅᔪᒃᓴᐅᕗᖅ.’ 11ᐃᓕᑦᓯᓕ ᐅᖃᖅᐳᓯ, ‘ᐃᓄᒃ ᓱᓇᑐᐃᓐᓇᕐᖕᒥᒃ ᐊᑖᑕᒥᓄᑦ ᐊᓈᓇᒥᓄᓪᓗ ᐃᑲᔪᕈᑎᒋᔪᓐᓇᖅᑕᒥᓂᒃ ᐱᑕᖃᕐᓗᓂ, ᐅᖃᖅᐸᑦ, ᑰᕐᐸᓐ’ (ᐃᒫᒃ ᑐᑭᖃᖅᑐᖅ, ᐅᓇᓕ ᒎᑎᒧᑦ ᑐᓂᔭᒃᓴᖅ), 12ᑖᓐᓇ ᑕᕝᕙ ᐊᑖᑕᒥᓄᑦ ᐊᓈᓇᒥᓄᓪᓗ ᐃᑲᔪᕈᓐᓃᖅᑎᖃᑦᑕᖅᐸᓯ. 13ᑕᕝᕙ ᑍᒤᓕᐅᕐᓗᓯ ᐱᐅᓯᓯ ᒪᓕᖔᕐᓗᒋᑦ ᒎᑎᐅᑉ ᐅᖃᐅᓯᖏᓐᓂᒃ ᐊᑐᕈᓐᓃᖅᑎᑦᓯᕙᒃᐳᓯ. ᐊᒻᒪᑦᑕᐅᖅ ᐊᓯᖏᓐᓂᒃ ᐊᒥᓱᓂᒃ ᑍᒤᓕᐅᖅᐸᒃᐳᓯ.”
ᐃᓄᖕᒥᒃ ᓴᓗᒪᔪᓐᓃᖅᑎᑦᓯᔪᑦ
ᒫᑎᐅᓯ 15:10-20
14ᑕᕝᕙ ᔩᓱᓯ ᐃᓄᒋᐊᒃᑐᕐᔪᐊᓂᒃ ᕾᖁᔨᒃᑲᓐᓂᖅᐳᖅ, ᐅᖃᐅᑎᓪᓗᒋᑦ, “ᑕᒪᑦᓯ ᓈᓚᒃᓯᓐᖓ, ᑐᑭᓯᓗᓯᓗ: 15ᐃᓅᑉ ᓯᓚᑖᓂᑦ ᐱᔪᖅ ᐃᓅᑉ ᐃᓗᐊᓂᒃ ᓴᓗᒪᔪᓐᓃᖅᑎᑦᓯᔪᓐᓇᓐᖏᓚᖅ; ᐃᓅᓪᓕ ᐃᓗᐊᓂᑦ ᐊᓂᔪᑦ ᑕᒪᒃᑯᐊ ᐃᓄᖕᒥᒃ ᐱᐅᔪᓐᓃᖅᑎᑦᓯᕗᑦ. [ 16ᑐᓵᔪᓂᒃ ᓯᐅᑎᓕᒃ ᐊᑏ ᑐᓴᕐᓕ.]”#7:16 ᐃᑦᔪᔪᑐᖃᐃᑦ ᐃᓚᖏᓐᓂ ᐱᑕᖃᖏᓪᓗᓂ ᐃᓚᖏᓐᓂ ᐃᓕᔭᐅᓯᒪᓪᓗᓂ. ᑕᑯᓗᒍ ᒫᑯᓯ 4:23
17ᔩᓱᓯ ᐃᒡᓗᒧᑦ ᐃᑎᕐᖕᒪᑦ, ᐃᓄᐃᑦ ᕿᒪᒡᓗᒋᑦ, ᐃᓕᓐᓂᐊᖅᑎᖏᑕ ᐊᐱᖅᓱᖅᐹᑦ ᐊᑦᔨᐅᔪᑦ ᑐᑭᖏᓐᓂᒃ ᑐᑭᓯᓇᖅᓯᑎᑦᓯᖁᓪᓗᒍ. 18ᐅᖃᐅᑎᕔᑦ, “ᐃᓕᑦᓯᑦᑕᐅᖅ ᑐᑭᓯᔪᓐᓇᓐᖏᓚᓰ? ᐃᓅᑉ ᓯᓚᑖᓂᑦ ᐱᔪᖅ ᐃᓅᑉ ᐃᓗᐊᓂᒃ ᐱᐅᔪᓐᓃᖅᑎᑦᓯᔪᓐᓇᓐᖏᓚᖅ, 19ᐅᐱᓐᓇᕋᓂ ᐃᓅᑉ ᐃᓱᒪᖓᓄᐊᖏᓐᓇᒥ, ᐊᕿᐊᕈᖓᓄᐊᖅᐳᓪᓕ, ᐊᓂᓕᕆᓪᓗᑎᒃ ᐱᐅᓯᕐᖕᒥᑐᑦ.” ᑕᒪᑐᒥᖓ ᔩᓱᓯ ᓇᓗᓁᖅᓯᕗᖅ ᓂᖀᑦ ᓂᕆᔭᐅᑦᑍᓕᔭᕆᐊᖃᖏᓐᓂᖏᓐᓂᒃ.
20ᐅᖃᕆᕗᖅ, “ᐃᓅᓪᓕ ᐃᓗᐊᓂᓐᖔᖅᑐᑦ ᑭᓯᒥ ᐃᓄᖕᒥᒃ ᐱᐅᔪᓐᓃᑎᑦᓯᕙᒃᑐᑐᕗᖅ. 21ᐃᓅᑉ ᐃᓗᐊᓂᓐᖔᖅᑐᑦ, ᐃᓅᑉ ᐆᒻᒪᑎᖓᓂᑦ, ᐱᐅᖏᑦᑐᑦ ᐊᓂᕙᒃᐳᑦ, ᓄᓕᐊᕈᒪᓃᑦ, ᑎᒡᓕᒍᒪᓃᑦ, ᑐᖁᑦᓯᔪᒪᓃᑦ, ᐊᓯᓐᓂᐊᕐᖕᓃᑦ, 22ᐱᔪᒪᕕᒡᔪᐊᕐᖕᓃᑦ, ᐱᐅᖏᑦᑐᓕᓃᑦ, ᓴᒡᓗᕿᑦᓯᔪᒪᓃᑦ, ᑲᓐᖑᓇᖅᑐᓕᖃᑎᖃᕐᖕᓃᑦ, ᒥᖕᓂᒍᑦᔨᓃᑦ, ᒎᑎᒥᒃ ᒥᑕᐅᑎᖃᕐᖕᓃᑦ, ᐱᐅᔪᕆᓃᑦ, ᓯᓔᑦᑑᓃᑦ, 23ᑕᒪᒃᑯᐊ ᑕᒪᑦᔭ ᑕᒪᕐᖕᒥᒃ ᐱᐅᖏᑦᑐᑦ ᐃᓅᑉ ᐃᓗᐊᓂᑦ ᐊᓂᔪᑦ ᐃᓄᖕᒥᒃ ᐱᐅᔪᓐᓃᖅᑎᑦᓯᕙᒃᑐᑑᕗᑦ.”
ᐊᕐᖕᓇᐅᑉ ᓮᕈᐱᓂᓯᐊᒥᐅᑕᐅᑉ ᐅᒃᐱᕐᖕᓂᖓ
ᒫᑎᐅᓯ 15:21-28
24ᑕᕝᕙᓐᖓᑦ ᐊᐅᓪᓚᕋᒥ ᐃᒡᓗᒐᓮᑦ ᑍᕆᐅᑉ ᓮᑐᓂᐅᓪᓗ ᖃᓂᒋᔮᓄᐊᖅᐳᖅ. ᐃᒡᓗᒧᑦ ᐃᑎᕋᒥ, ᖃᐅᔨᒪᔭᐅᔪᒪᓐᖏᓚᖅ ᑕᕝᕙᓃᓐᓂᕐᖕᒥᓂᒃ; ᑭᓯᐊᓂᓕ ᐃᔨᖅᓯᒪᔪᓐᓇᓚᐅᓐᖏᓚᖅ. 25ᐊᕐᖕᓇᖅ ᐸᓂᖃᖅᑐᖅ ᐊᓂᕐᖕᓂᕐᓗᖕᒥᒃ ᐃᓗᒻᒥᖅᑕᐅᓯᒪᔪᒥᒃ, ᑐᓴᕋᒥ, ᐃᑎᖅᐳᖅ ᐃᑎᒐᖏᓐᓄᑦ ᐹᒻᒪᒃᓗᓂ. 26ᐊᕐᖕᓇᖅ ᒍᕇᑭᐅᕗᖅ, ᓮᕈᐱᓃᓯᐊᒥᑦ ᐱᓯᒪᔪᖅ ᓯᕆᐊᒦᑦᑐᒥ. ᐊᕐᖕᓇᖅ ᕿᓄᓕᖅᐳᖅ ᐊᓂᕐᖕᓂᕐᓗᒃ ᐸᓂᖕᒥᓂᑦ ᐊᓂᑎᑕᐅᖁᓪᓗᒍ. 27ᔩᓱᓯᐅᑉ ᐅᖃᐅᑎᕚ, “ᓯᕗᓪᓕᕐᖕᒥᒃ ᕿᑐᕐᖎᑦ ᓂᕆᑎᑕᐅᖅᑳᕆᐊᖃᖅᐳᑦ, ᓈᒻᒪᖏᒻᒪᑦ ᕿᑐᕐᖕᒊᑦ ᓂᕆᓂᐊᖅᑕᖏᓐᓂᒃ ᐊᖅᓵᕐᓗᒋᑦ ᕿᒻᒥᓄᓪᓗ ᐃᒋᓪᓗᒋᑦ.”
28ᐊᕐᖕᓇᐅᑉ ᑭᐅᕚ, “ᐊᑕᓃᖅ ᓱᓕᕗᑎᑦ; ᑭᓯᐊᓂᓕ ᕿᒻᒥᑦ ᓵᑉ ᐊᑖᓂᑦ ᑲᑕᒐᕐᖕᓂᑯᓂᒃ ᓂᕆᕙᒃᐳᑦ, ᕿᑐᕐᖕᒊᑦ ᑲᑕᒐᖅᑕᖏᓐᓂᒃ.”
29ᐊᕐᖕᓇᖅ ᐅᖃᐅᑎᕚ, “ᑕᒪᓐᓇ ᑭᒡᒍᓯᕆᔧᑦ ᐱᓪᓗᒍ ᐃᒡᓗᖕᓄᑦ ᐊᖏᕐᕋᓕᕆᑦ; ᐊᓂᕐᖕᓂᕐᓗᒃ ᐸᓂᖕᓂᑦ ᐊᓂᓯᒪᓕᕐᖕᒪᑦ.”
30ᐊᕐᖕᓇᖅ ᐊᖏᕐᕋᖅᐳᖅ, ᐸᓂᓂ ᑕᑯᕚ ᐃᒡᓕᕐᖕᒥ ᓇᓚᔪᖅ, ᐊᓂᕐᖕᓂᕐᓗᒃ ᑖᑦᓱᒪᖓᑦ ᐊᓂᓯᒪᓕᖅᑐᖅ.
ᔩᓱᓯᐅᑉ ᑐᓵᖏᑦᑐᒥᒃ ᑐᓵᓕᖅᑎᑦᓯᓂᖓ
31ᑕᕝᕙ ᓄᓇᐅᑉ ᑍᕆᐅᑉ ᖃᓂᒋᔭᖓᓂᑦ ᐊᐅᓪᓚᖅᐳᖅ, ᓮᑐᓂ ᐊᖅᑯᓵᕐᓗᒍ ᑕᓯᕐᔪᐊᒧᐊᖅᐳᑦ ᒐᓕᓕᐊᑉ ᒥᒃᓵᓃᑦᑐᒧᑦ, ᓄᓇᓖᑦ ᑎᑲᐳᓖᓯᑦ ᖁᓕᓂᒃ ᐃᒡᓗᒐᓴᒡᔪᐊᓕᖕᓂᒃ ᑍᔭᐅᔪᑦ ᓄᓇᖓᓄᑦ. 32ᐋᑦᓯᕕᐅᕗᖅ ᑐᓵᓇᓂ ᐅᖃᕈᓐᓇᖏᑦᑐᒥᒃ; ᔩᓱᓯ ᕿᓄᕕᒋᕚᑦ ᐸᑎᒻᒥᓯᖁᓪᓗᒍ ᑖᑦᓱᒥᖓ. 33ᐃᓄᒐᓴᒡᔪᐊᓂᑦ ᕿᒪᕉᑎᑎᓪᓗᒍ ᐃᓄᑑᖃᑎᒋᓕᖅᐹ, ᐊᒡᒐᓂ ᓯᐅᑎᖕᒐᓄᐊᖅᐰᑦ, ᐊᒡᒐᖕᒥᓄᑦ ᑎᕗᐊᓚᐅᕐᓗᓂ, ᐅᖃᖓ ᐊᒃᑐᖅᐹ; 34ᕿᓚᖕᒧᑦ ᐋᕐᓗᖅᐳᖅ, ᐊᓂᖅᓴᐅᒥᓪᓗᓂ, ᐊᖑᒻᒧᑦ ᐅᖃᖅᐳᖅ, “ᐃᐸᐸᑕ,” ᐃᒫᒃ ᑐᑭᓕᒃ, “ᐊᖕᒪᕆᑦ.”
35ᓯᐅᑎᖏᒃ ᑕᕝᕔᓐᓇᖅ ᑐᓵᔪᓐᓇᓕᖅᐴᒃ, ᐅᖃᖓᑕ ᐅᖃᕈᓐᓇᖏᑦᔪᑎᖓ ᐲᖅᐳᖅ, ᐅᖃᕈᓐᓇᓯᐊᓕᕐᓗᓂ. 36ᔩᓱᓯᐅᑉ ᐃᓄᐃᑦ ᐃᓂᖅᑎᖅᐰᑦ ᑭᓇᑐᐃᓐᓇᒧᑦ ᐅᖃᐅᓯᖃᖁᓇᒋᑦ; ᐃᓂᖅᑎᕋᓗᐊᕐᖕᒪᒋᑦ ᑲᑦᓱᖕᒊᓪᓗᑎᒃ ᐅᖃᐅᓯᖃᓕᒃᑲᓐᓂᑐᐃᓐᓇᖅᐳᑦ. 37ᑕᒪᑐᒥᖓ ᑐᓴᖅᑐᑦ ᑲᒪᒻᒪᕆᒃᐳᑦ ᐅᖃᕈᓐᓇᖅᑕᖏᑕ ᐅᖓᑖᓄᑦ, ᐅᖃᕐᓗᑎᒃ, “ᖃᓄᐊᓗᖏᓐᓇ ᓱᓇᑐᐃᓐᓇᕐᖕᓂᒃ ᐊᔪᓐᖏᓚᖅ; ᐊᒡᓛᑦ ᑐᓵᖏᑦᑐᑦ ᑐᓴᓕᖅᑎᑉᐰᑦ ᐅᖃᕈᓐᓇᖏᑦᑐᓪᓗ ᐅᖃᕈᓐᓇᖅᓯᑎᓪᖢᒋᑦ.”
Currently Selected:
ᒫᑯᓯᐅᑉ ᐊᒡᓚᖏᑦ 7: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
