ᐃᓗᐊᖅᓮᔩᑦ ᐊᒡᓚᖏᑦ 17
17
ᒤᑲᐅᑉ ᒎᑎᓐᖑᐊᖏᑦ
1ᐊᖑᑎᑕᖃᓚᐅᖅᐳᖅ ᒤᑲᒥᒃ ᐊᑎᓕᖕᒥᒃ, ᓄᓇᖃᖅᑐᒥᒃ ᖃᖅᑲᔮᓂ ᐃᕗᕅᒥᒥ. 2ᑖᑦᓱᒪ ᐊᓈᓇᓂ ᐅᖃᐅᑎᕚ, “ᑎᒡᓕᒡᕕᐅᓪᓗᑎᑦ ᓯᐅᓪᕕᕆᓂᒃ 1,100ᓂᒃ, ᐅᖃᕐᖕᓂᖅᓗᒍᑎᒋᓚᐅᖅᐸᑦ ᑎᒡᓕᒃᑐᕕᓂᖅ. ᑍᒤᓕᑎᓪᓗᑎᑦ ᑐᓴᓚᐅᖅᐸᒋᑦ. ᑕᑯᒋᑦ, ᑮᓇᐅᔧᑦ ᐱᓯᒪᕙᒃᑲ; ᐅᕙᖎᓐᓇ ᑎᒍᓯᓚᐅᖅᑐᖓ.”
ᐊᓈᓈᖓ ᐅᖃᖅᐳᖅ, “ᐊᑕᓂᐅᑉ ᓮᒻᒪᖅᑎᓪᓕᑎᑦ ᐃᕐᖕᓃᒃ!” 3ᑮᓇᐅᔧᑦ 1,100 ᓯᐅᓪᕕᕇᑦ ᐅᑎᖅᑎᓚᐅᖅᐰᑦ ᐊᓈᓇᒥᓄᑦ, ᐊᓈᓇᖓᓗ ᐅᖃᖅᐳᖅ, “ᑐᓂᕐᕈᑎᒋᓂᐊᖅᐸᒃᑲ ᐊᑕᓂᕐᖕᒧᑦ ᓯᐅᓪᕕᕇᑦ ᐃᕐᖕᓂᕋ ᐱᑦᔪᑎᒋᓪᓗᒍ. ᐃᓄᓐᖑᐊᒥᒃ ᓴᕕᕋᔭᖕᒥᒃ ᒎᑎᓐᖑᐊᒥᒃ, ᐊᐅᒃᑎᓚᐅᖅᓗᒍ ᓴᓇᓯᒪᔪᒥᒃ ᓴᓇᔪᖃᖁᓪᓗᒍ; ᒫᓐᓇᓕ ᐅᑎᖅᑎᑉᐸᒃᑲ ᐃᓕᖕᓄᑦ.” 4ᐊᓈᓇᒥᓄ ᑮᓇᐅᔧᑦ ᐅᑎᖅᑎᒻᒪᒋᑦ. ᐊᓈᓇᖓᑕ ᑮᓇᐅᔧᑦ 200 ᓯᐅᓪᕕᕇᑦ ᑐᓂᕔᑦ ᓯᐅᓪᕙᓕᕆᔨᒧᑦ, ᑖᓐᓇᓗ ᒎᑎᓐᖑᐊᒥᒃ ᐃᓄᓐᖑᐊᓕᐅᖅᐳᖅ, ᐃᓕᓪᓗᒍᓗ ᒤᑲᐅᑉ ᐃᒡᓗᖓᓄᑦ.
5ᑖᓐᓇ ᐊᖑᑦ ᒤᑲ ᓇᖕᒥᓂᖅ ᑐᒃᓯᐊᕐᕕᖃᓚᐅᖅᐳᖅ. ᑐᓂᕐᕈᓯᖅᑎᑦᓯᔨᓯᐅᑎᒥᒃ ᓴᒡᕕᖕᒥᐅᑕᓕᐅᓚᐅᖅᐳᖅ ᐃᒡᓗᒥᐅᑕᓂᒡᓗ ᒎᑎᓐᖑᐊᓂᒃ, ᐃᕐᖕᓂᕐᖕᒥᓗ ᐃᓚᖓᓐᓂᒃ ᑐᓂᕐᕈᓯᖅᑎᑦᓯᔨᓐᖑᖅᑎᑦᓯᓪᓗᓂ. 6#ᐃᓗᐊᖅᓮᔩᑦ 21:25.ᑍᑦᓱᒪᓂ ᐊᖓᔪᖅᑳᕐᔪᐊᖃᓚᐅᖏᒻᒪᑦ ᐃᓴᕆᐊᓕᓂ, ᐃᓄᓕᒫᑦ ᓈᒻᒪᒐᓱᒋᔭᒥᖕᓂᒃ ᐃᓅᓚᐅᖅᐳᑦ.
7ᑍᑦᓱᒪᓂ ᐅᕕᒃᑲᖅᑕᖃᓚᐅᖅᐳᖅ ᐊᖑᒻᒥᒃ ᓄᓇᖃᖅᑐᒥᒃ ᐱᑦᓕᐊᒥ, ᔫᑕᒦᑦᑐᒥ, ᔫᑕᐅᑉ ᑭᖑᕚᖏᓐᓄᑦ ᓄᓇᖃᖃᑕᐅᔪᒥᒃ, ᑖᓐᓇᓗ ᓕᕔᑎᐅᕗᖅ; ᑕᒫᓂᓗ ᓂᐅᕐᕈᐊᖑᓚᐅᖅᐳᖅ. 8ᐊᐅᓪᓚᕐᖕᒪᓪᓗ ᓄᓇᓕᖕᓂᑦ ᐱᑦᓕᐊᒥᑦ ᔫᑕᒦᑦᑐᒥᑦ ᓄᓇᒋᓂᐊᖅᑕᒥᓂᒃ ᕿᓂᖅᓗᓂ; ᐃᖏᕐᕋᓚᐅᖅᓗᓂ, ᖃᖅᑲᓕᖕᓄᑦ ᐃᕗᕅᒥᒧᑦ ᑎᑭᓚᐅᖅᐳᖅ ᒤᑲᐅᑉ ᐃᒡᓗᖓᓄᐊᖅᓗᓂ. 9ᒤᑲᐅᑉ ᐊᐱᕆᕚ, “ᓇᑭᓐᖔᖅᐲᑦ?”
ᑭᐅᕚ, “ᓕᕔᑎᐅᕗᖓ ᐱᑦᓕᐊᒥᑦ ᔫᑕᒦᑦᑐᒥᑦ ᐱᕗᖓ, ᐃᖏᕐᕋᖃᑦᑕᖅᐳᖓ ᓄᓇᒃᓴᓐᓂᒃ ᕿᓂᖅᓗᖓ.”
10ᒤᑲᐅᑉ ᐅᖃᐅᑎᕚ, “ᐅᕙᓃᓕᕆᑦ, ᐊᑖᑕᒋᓚᐅᖅᓚᒋᑦ, ᑐᓂᕐᕈᓯᖅᑎᑦᓯᔨᒋᓗᑎᓪᓗ, ᑐᓂᖃᑦᑕᕐᖕᓂᐊᖅᐸᒋᑦ, ᑮᓇᐅᔭᓂᒃ ᓯᐅᓪᕕᕆᓂᒃ ᖁᓕᓂᒃ ᐊᕐᕌᒍᑕᒫᑦ, ᐊᓐᓄᕌᓂᒡᓗ, ᓂᕿᖃᖅᑎᓐᓂᐊᖅᐸᒋᓪᓗ, ᑕᕝᕙ ᓕᕔ ᑕᕝᕙᓃᓕᖅᐳᖅ.” 11ᐅᕕᒃᑲᕐᓗ ᓕᕔᑎ ᓈᒻᒪᒃᓴᖅᓗᓂ ᐃᒡᓗᒥᐅᖃᑎᒋᓕᖅᐹ; ᒤᑲᐅᓪᓗ ᐅᕕᒃᑲᖅ ᐃᕐᖕᓂᖏᓐᓄᑦ ᐃᓚᒋᔭᐅᓕᖅᓗᓂ. 12ᒤᑲᐅᑉ ᑐᓂᕐᕈᓯᖅᑎᑦᓯᔨᓐᖑᖅᑎᑉᐹ ᓕᕔᑎ, ᐅᕕᒃᑲᕐᓗ ᑖᓐᓇ ᑐᓂᕐᕈᓯᖅᑎᑦᓯᔨᑖᕆᓪᓗᒍ ᑕᕝᕙᓂ ᐊᖏᕐᕋᖃᓕᖅᐳᖅ ᒤᑲᐅᑉ ᐃᒡᓗᖓᓂ. 13ᑕᕝᕙ ᒤᑲ ᐅᖃᖅᐳᖅ, “ᖃᐅᔨᒪᕗᖓ ᐊᑕᓂᐅᑉ ᓮᒻᒪᖅᑎᓐᓂᐊᕐᖕᒪᖓ, ᒫᓐᓇ ᓕᕔᑎᒥᒃ ᑐᓂᕐᕈᓯᖅᑎᑦᓯᔨᖃᓕᕋᒪ.”
Currently Selected:
ᐃᓗᐊᖅᓮᔩᑦ ᐊᒡᓚᖏᑦ 17: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
