ᐃᓗᐊᖅᓮᔩᑦ ᐊᒡᓚᖏᑦ 18
18
ᒤᑲᓗ ᑖᓐᓗ ᑭᖑᕚᖏᑦ
1ᐅᓪᓗᓂ ᑍᒃᑯᓇᓂ ᐊᖓᔪᖅᑳᕐᔪᐊᖃᓚᐅᖏᒻᒪᑦ ᐃᓴᕆᐊᓕᒥ. ᑍᑦᓱᒪᓂᓗ ᑖᓐ ᑭᖑᕚᖏᑦ ᕿᓂᓚᐅᖅᐳᑦ ᓇᖕᒥᓂᖅ ᓄᓇᒃᓴᒥᖕᓂᒃ. ᑍᑦᓱᒪᓂ ᐃᓴᕆᐊᓕᐅᑉ ᑭᖑᕚᖏᓐᓂ ᓇᖕᒥᓂᖅ ᓄᓇᑖᖅᓯᒪᔪᓂ ᓄᓇᑖᖅᓯᒪᖏᑦᑐᑑᓚᐅᕐᖕᒪᑕ. 2ᑖᓐ ᑭᖑᕚᖏᑦ ᑎᓕᓯᓚᐅᖅᐳᑦ ᐊᖑᑎᓂᒃ ᑕᓪᓕᒪᓂᒃ ᐱᔪᓐᓇᑦᓯᐊᖅᑐᓂᒃ ᑭᖑᕚᖑᖃᑎᒌᓕᒫᒥᖕᓂᑦ ᐃᒡᓗᒐᓴᖕᓂᑦ ᔫᕋᒥᑦ ᐃᒡᓗᒐᓴᒡᔪᐊᓂᓪᓗ ᐃᔅᑕᐅᓪᒥᑦ ᓄᓇᒥᒃ ᖃᐅᔨᓇᓱᐊᖁᓪᓗᒋᑦ. ᐅᖃᐅᑎᓪᓗᒋᑦ, “ᓄᓇ ᕿᒥᕐᕈᐊᕆᐊᖅᑐᖅᓯᐅᒃ.” ᓄᓇᒧᐊᕋᒥᒡᓗ ᐃᕗᕅᒥᐅᑉ ᖃᖅᑲᖏᓐᓄᑦ, ᒤᑲᐅᑉ ᐃᒡᓗᖓᓄᐊᓚᐅᖅᐳᑦ, ᑕᕝᕙᓂᓗ ᑐᔪᕐᖕᒥᓪᓗᑎᒃ. 3ᒤᑲᐅᓪᓗ ᐃᒡᓗᖓᑕ ᖃᓂᒋᔭᖓᓃᑎᓪᓗᒋᑦ, ᐃᓕᑕᖅᓯᕗᑦ ᐅᕕᒃᑲᒥᒃ ᓕᕔᑎᒥᒃ ᐅᖃᐅᓯᖓᒍᑦ; ᑖᑦᓱᒧᖓᓗ ᐂᕗᑦ ᐊᐱᕆᓪᓗᒍᓗ, “ᑭᓇᒨᑦ ᑕᒪᐅᓐᖓᖅᑕᐅᓐᓂᖅᐲᑦ? ᓱᕕᑦ ᑕᒫᓂ? ᑕᒪᐅᖓᓗ ᖃᓄᐃᓕᐅᕆᐊᖅᑐᖅᓯᒪᕕᑦ?”
4ᑭᐅᕔᓪᓕ, “ᒤᑲᐅᑉ ᐱᓂᐊᕐᕕᒋᓯᒪᕚᖓ; ᐱᓇᓱᐊᖅᑎᑉᐹᖓᓗ ᑐᓂᕐᕈᓯᖅᑎᑦᓯᔨᐅᖁᓪᓗᖓ ᑖᑦᓱᒧᖓ.”
5ᐅᖃᐅᑎᕚᓪᓗ, “ᒎᑎ ᐊᐱᕆᓚᐅᕈᒃ, ᕿᓄᕕᒋᕙᑦᑎᒋᑦ, ᖃᐅᔨᒪᖁᓪᓗᑕ ᐃᖏᕐᕋᓗᑕ ᐱᓇᓱᐊᕆᐊᖅᑐᖅᑕᑦᑎᓐᓂᒃ ᐱᔪᓐᓇᑦᓯᐊᕐᖕᓂᐊᕐᖕᒪᖔᑦᑕ.”
6ᑐᓂᕐᕈᓯᖅᑎᑦᓯᔨᐅᑉ ᑭᐅᕔᑦ, “ᐃᓱᒫᓗᖏᓪᓗᓯ ᐊᐅᓪᓚᓕᕆᑦᓯ, ᐊᑕᓂᐅᑉ ᓇᔪᕐᖕᓂᐊᖅᐹᓯ ᐊᖅᑯᑎᒋᓂᐊᖅᑕᑦᓯᓐᓂ.”
7ᑖᒃᑯᐊ ᐊᖑᑎᑦ ᑕᓪᓕᒪᑦ ᐊᐅᓪᓚᖅᐳᑦ ᐂᓪᓗᑎᒡᓗ ᓄᓇᓕᖕᒧᑦ ᓔᓯᒧᑦ. ᐃᓄᖏᓪᓗ ᑍᑲᓃᑦᑐᑦ ᑕᑯᓪᓗᒋᑦ, ᓄᓇᖃᖅᑐᑦ ᐊᑭᕋᖅᑐᖅᑎᖃᕋᑎᒃ, ᓮᑐᓂᒥᐅᑎᑐᑦ ᐃᓂᓪᓚᖓᑦᓯᐊᖅᓗᑎᒃ, ᐅᐃᒪᖏᑦᑑᓚᐅᖅᐳᑦ, ᐊᑭᕋᖅᑐᕐᖕᓂᖃᕋᑎᒃ ᑭᓇᒧᓪᓘᓐᓃᑦ; ᓈᒻᒪᑦᓯᐊᓚᐅᖅᐳᑦ. ᓄᓇᖃᓚᐅᖅᐳᑦ ᓮᑐᓂᒥᐅᑦ ᐅᖓᓯᒋᔭᖓᓂ, ᐃᓅᖃᑎᖃᓚᐅᕐᖕᓇᑎᒡᓗ ᖃᓂᒋᔭᒥᖕᓂ. 8ᑍᒃᑯᐊ ᐊᖑᑎᑦ ᑕᓪᓕᒪᑦ ᐃᓚᒥᖕᓄᑦ ᐅᑎᕋᒥᒃ ᔫᕋᒦᑦᑐᓄᑦ ᐃᔅᑕᐅᓪᒦᑦᑐᓄᓪᓗ, ᓄᓇᖃᑎᖏᑕ ᐊᐱᖅᓱᖅᐰᑦ, “ᓱᓇᒥᒃ ᐅᓂᒃᑳᒃᓴᖃᖅᐱᓰ?” 9ᑖᒃᑯᐊ ᑭᐅᕗᑦ, “ᐸᕐᖕᓇᒡᓗᑕ, ᐅᓇᑕᕆᐊᓚᐅᖅᓚᕗᑦ, ᓄᓇᖓᑦ ᕿᒥᕐᕈᓚᐅᖅᐸᕗᑦ, ᐱᕈᖅᓰᑦᓯᐊᕐᖕᓇᖅᑐᖅ, ᓱᓕᕆᖏᓪᓗᓯ ᑕᒪᓃᑦᓱᓐᓇᖅᐱᓰ? ᐅᐃᒪᓕᕆᑦᓯ! ᑲᔪᓯᓕᕆᑦᓯ ᐃᑎᕐᕕᒋᓗᒍ ᐱᑖᕆᔭᖅᑐᓕᖅᓚᕗᑦ! 10ᑍᑯᓐᖓᕈᑦᓯᓗ, ᖃᐅᔨᓂᐊᖅᐳᓯ ᐃᓄᐃᑦ ᓂᕆᐅᖏᒻᒪᑕ ᓱᔭᐅᓂᐊᕐᖕᓂᕐᖕᒥᓂᒃ. ᓄᓇᖓ ᐊᖏᔪᒻᒪᕆᐊᓘᖕᒪᑦ; ᓱᓇᑐᐃᓐᓇᓕᒫᖃᖅᑐᖅ ᐃᓅᑉ ᐱᔪᒪᔭᓕᒫᖏᓐᓂᒃ, ᒎᑎᐅᑉ ᑐᓂᕚᓯ ᑖᑦᓱᒥᖓ.”
11600 ᐊᖑᑏᑦ ᑖᓐ ᑭᖑᕚᖏᓐᓂᑦ ᐅᓇᑕᐅᑎᒥᖕᓂᒃ ᓇᒃᓴᖅᓗᑎᒃ ᐊᐅᓪᓚᓚᐅᖅᐳᑦ, ᔫᕋᒥᑦ ᐃᔅᑕᐅᓪᒥᓪᓗ ᐅᓇᑕᕆᐊᓕᖅᓗᑎᒃ. 12ᐊᐅᓪᓚᕋᒥᒡᓗ ᑕᖕᒫᖅᐳᑦ ᑭᕆᐊᑦ-ᔨᕆᒻᒧᑦ ᔫᑕᒦᑦᑐᒧᑦ. ᑖᓐᓇ ᓄᓇ ᐅᓪᓗᒥᒧ ᓱᓕ ᑍᔭᐅᕗᖅ ᑖᓐ-ᒪᕼᐊᓂᒥᒃ; ᑖᓐ ᑭᖑᕚᖏᑕ ᑕᖕᒫᕐᕕᖓᓂᒃ. 13ᑕᕝᕙᓐᖓᑦ ᐱᓪᓗᑎᒃ ᐃᕗᕅᒥᐅᑉ ᖃᖅᑲᖏᓐᓄᐊᖅᐳᑦ, ᑎᑭᓪᓗᑎᒡᓗ ᒤᑲᐅᑉ ᐃᒡᓗᖓᓄᑦ.
14ᑍᒃᑯᐊ ᐊᖑᑏᑦ ᑕᓪᓕᒪᑦ ᐃᔨᕋᖅᑐᖅᓗᑎᒃ ᖃᐅᔨᓴᕆᐊᓚᐅᖅᑐᑦ ᓔᓯᒥᒃ ᐃᓚᑎᒃ ᐅᖃᐅᑎᕔᑦ, “ᖃᐅᔨᒪᓐᖏᓚᓰ ᐃᒡᓗᓂ ᑖᒃᑯᓇᓂ ᑐᓂᕐᕈᓯᖅᑎᑦᓯᔨᐅᑉ ᐊᑐᖅᐸᒃᑕᖓᓂᒃ ᐊᓐᓄᕌᖅᑕᖃᕐᖕᒪᑦ, ᒎᑎᓐᖑᐊᓂᒡᓗ ᒥᑭᔪᓂᒃ ᐃᒡᓗᒥᐅᑕᕐᖕᓂᒃ, ᕿᔪᖕᒥᒡᓗ ᓴᓇᓐᖑᐊᖅᓯᒪᔪᒥᒃ ᒎᑎᓐᖑᐊᒥᒃ, ᐊᐅᒃᑎᓯᒪᔪᒥᒡᓗ ᒎᑎᓐᖑᐊᓕᐊᕆᓯᒪᔪᒥᒃ ᓴᕕᕋᔭᖕᒥᒃ? ᒫᓐᓇᓕ ᐃᓱᒪᒃᓴᖅᓯᐅᓕᕆᑦᓯ ᖃᓄᐃᓕᐅᕐᖕᓂᐊᕐᖕᒪᖔᑦᓯ.” 15ᑕᕝᕙ ᐂᓕᖅᐳᑦ ᑍᑯᖓ, ᑎᑭᓪᓗᑎᒡᓗ ᐅᕕᒃᑲᐅᑉ ᓕᕔᑎᐅᑉ ᐊᖏᕐᕋᖓᓄᑦ, ᒤᑲᐅᑉ ᐃᒡᓗᖓᓃᑦᑐᒧᑦ, ᐊᐱᕆᓪᓗᒍᓗ ᖃᓄᐃᒻᒪᖔᑦ. 16600ᐃᓪᓗ ᑖᓐ ᑭᖑᕚᖏᑦ ᐅᓇᑕᐅᑎᓂᒃ ᑎᒍᒥᐊᖅᑐᑦ, ᓇᖏᓚᐅᖅᐳᑦ ᐃᑎᖅᑕᕐᕕᖓᓂ. 17ᑖᒃᑯᐊ ᑕᑦᓕᒪᑦ ᐃᔨᕋᖅᑐᖅᓗᑎᒃ ᓄᓇᒥᒃ ᖃᐅᔨᓴᕆᐊᓚᐅᖅᑐᑦ ᐃᒡᓗᖓᓄᑦ ᐃᑎᖅᐳᑦ ᑎᒍᓪᓗᒋᓪᓗ ᑐᓂᕐᕈᓯᖅᑎᑦᓯᔨᐅᑉ ᐊᑐᖅᐸᒃᑕᖓ ᐊᓐᓄᕌᖅ, ᒎᑎᓐᖑᐊᓪᓗ ᒥᑭᔪᑦ ᐃᒡᓗᒥᐅᑍᑦ, ᕿᔪᒡᓗ ᓴᓇᓐᖑᐊᖅᓯᒪᔪᖅ ᒎᑎᓐᖑᐊᖅ, ᐊᐅᒃᑎᓯᒪᔪᕐᓗ ᒎᑎᓐᖑᐊᓕᐊᕆᓯᒪᔪᑦ ᓴᕕᕋᔭᒃ, ᑐᓂᕐᕈᓯᖅᑎᑦᓯᔨᓕ ᐃᑎᖅᑕᕐᕕᖕᒦᖏᓐᓇᓚᐅᖅᐳᖅ 600 ᐊᖑᑏᑦ ᐱᖃᑎᒋᓪᓗᒋᑦ.
18ᐊᖑᑏᑦ ᑖᒃᑯᐊ ᒤᑲᐅᑉ ᐃᒡᓗᖓᓄᐊᓚᐅᖅᑐᑦ ᑎᒍᓯᓪᓗᑎᒡᓗ ᑐᓂᕐᕈᓯᖅᑎᑦᓯᔨᐅᑉ ᐊᑐᖅᐸᒃᑕᖓᓂᒃ ᐊᓐᓄᕌᒥᒃ, ᒎᑎᓐᖑᐊᓪᓗ ᒥᑭᔪᑦ ᐃᒡᓗᒥᐅᑍᑦ, ᒎᑎᓐᖑᐊᓪᓗ ᐊᐅᒃᑎᓯᒪᔪᖅ ᒎᑎᓐᖑᐊᓕᐊᕆᓯᒪᔪᖅ ᓴᕕᕋᔭᒃ, ᑐᓂᕐᕈᓯᖅᑎᑦᓯᔨᐅᑉ ᐊᐱᕆᕔᑦ, “ᖃᓄᐃᓕᐅᖅᐱᓰ?”
19ᑖᒃᑯᐊᓗ ᐅᖃᐅᑎᕚᑦ, “ᓂᐱᖃᓐᖏᓚᐅᕆᑦ, ᐊᒡᒐᖕᓄᑦ ᖃᓃᑦ ᒪᑐᓯᒪᒍᒃ, ᒪᓕᒡᓗᑎᓪᓗ ᐅᕙᑦᑎᓐᓄᑦ ᐊᑖᑕᐅᓂᐊᕋᕕᑦ ᑐᓂᕐᕈᓯᖅᑎᑦᓯᔨᐅᓗᑎᑦ ᐃᓅᑉ ᐊᑕᐅᓯᐅᑉ ᐃᒡᓗᖓᓂ, ᐅᕝᕙᓘᓐᓃᑦ ᑭᖑᕚᖑᖃᑎᒌᓄᑦ ᐃᓚᒌᓄᑦ ᐃᓴᕆᐊᓕᒥᐅᓄᑦ?” 20ᑐᓂᕐᕈᓯᖅᑎᑦᓯᔨ ᖁᕕᐊᓱᒻᒪᕆᓚᐅᖅᐳᖅ; ᑍᒤᒻᒪᑦ ᑐᓂᕐᕈᓯᖅᑎᑦᓯᔨᐅᑉ ᐊᑐᖅᐸᒃᑕᖓ ᐊᓐᓄᕌᖅ, ᒎᑎᓐᖑᐊᓪᓗ ᒥᑭᔪᑦ ᐃᒡᓗᒥᐅᑍᑦ, ᕿᔪᒡᓗ ᓴᓇᓐᖑᐊᖅᓯᒪᔪᖅ ᒎᑎᓐᖑᐊᖅ, ᐊᐅᒃᑎᓯᒪᔪᕐᓗ ᒎᑎᓐᖑᐊᖅ ᓴᕕᕋᔭᒃ ᑎᒍᕔᑦ ᒪᓕᓕᖅᓗᒋᓪᓗ.
21ᐅᑎᓕᓚᐅᖅᐳᓪᓗ, ᕿᑐᕐᖓᑎᒃ ᐃᓚᒋᓪᓗᒋᑦ, ᐆᒪᔪᖁᑎᑎᒡᓗ, ᓱᓇᑐᐃᓐᓇᖏᓪᓗ ᓯᕗᓪᓕᐅᓪᓗᑎᒃ. 22ᐃᒡᓗᒥᓪᓗ ᐅᖓᓯᒃᓯᑎᓪᓗᒋᑦ. ᒤᑲᐅᑉ ᓯᓚᖅᑲᑎᓂ ᕾᖁᓚᐅᖅᐰᑦ ᐅᓇᑕᕆᐊᖁᓪᓗᒋᑦ. ᐊᖑᓪᓗᒋᓪᓗ ᑖᓐ ᑭᖑᕚᖏᑦ. 23ᕾᒐᓛᕐᕕᒋᓪᓗᒋᓪᓗ, ᑖᓐ ᑭᖑᕚᖏᑦ, ᑖᒃᑯᐊᓗ ᐅᑎᒧᑦ ᕿᕕᐊᖅᓗᑎᒃ ᒤᑲ ᐊᐱᕆᕚᑦ, “ᓱᕖᑦ ᐃᓄᒋᐊᕌᓗᖕᓂᒃ ᐃᓚᖃᖅᓗᑎᑦ ᕾᕕᑦ?”
24ᒤᑲᐅᑉ ᑭᐅᕔᑦ, “ᒎᑎᓐᖑᐊᒃᑲ ᑎᒍᒐᑦᓯᐅᒃ ᓴᓇᓚᐅᖅᑕᒃᑲ, ᑐᓂᕐᕈᓯᖅᑎᑦᓯᔨᒐᓗ ᐊᐅᓪᓚᕈᑎᓪᓗᒋᑦ ᓱᓇᒥᒡᓕ ᐊᒥᐊᒃᑯᕕᓯᓐᖔ ᖃᓄᐃᒻᒪᑦ ᑍᒤᓕᐅᖅᐱᓰ?”
25ᑖᓐ ᑭᖑᕚᖏᑕ ᐅᖃᐅᑎᕚᑦ, “ᐅᕙᑦᑎᓐᓄᑦ ᑐᓵᔭᐅᓂᐊᕐᖕᓇᒃ, ᐊᖑᑎᓄᑦ ᓂᓐᖓᐅᒪᔪᓄᑦ ᐅᐸᒃᑕᐅᓪᓚᕐᓂᐊᕋᕕᑦ, ᑐᖁᑕᐅᓗᑎᑦ ᐃᒡᓗᒥᐅᖃᑎᑎᑦ ᐃᓚᒋᓗᒋᑦ.” 26ᑖᓐ ᑭᖑᕚᖏᑦ ᐊᐅᓪᓚᖅᐳᑦ; ᒤᑲᓕ ᖃᐅᔨᒐᒥ ᑖᒃᑯᐊ ᓲᖑᓂᖅᓴᐅᖕᒪᑕ ᐃᒻᒥᓂᑦ, ᐅᑎᖅᐳᖅ, ᐊᖏᕐᕋᖅᓗᓂᓗ.
27ᒤᑲᐅᑉ ᓴᓇᓚᐅᖅᑕᖏᑦ ᓇᒃᓴᖅᓗᒋᑦ, ᑖᑦᓱᒪᓗ ᑐᓂᕐᕈᓯᖅᑎᑦᓯᔨᖁᑎᖓ, ᑖᓐ ᑭᖑᕚᖏᑦ ᑎᑭᑉᐳᑦ ᓔᓯᒧᑦ, ᐃᓄᖕᓄᑦ ᓮᓕᔪᓄᑦ ᓱᓇᒥᒡᓗ ᓂᕆᐅᖏᑦᑐᓄᑦ, ᓴᕕᒡᔪᐊᒧᓪᓗ ᑐᖁᓪᓗᒋᑦ, ᐃᒡᓗᒐᓮᓪᓗ ᐃᑯᐊᓪᓚᒡᓗᒋᑦ. 28ᑖᒃᑯᐊᓕ ᓴᐳᑎᔭᐅᔪᓐᓇᓚᐅᓐᖏᓚᑦ ᐊᓯᒥᖕᓄᑦ, ᓔᓯ ᐅᖓᓯᒃᑐᒻᒪᕆᐅᓚᐅᕐᖕᒪᑦ ᓮᑐᓂᒥᑦ, ᐃᓅᖃᑎᖃᓚᐅᖏᒻᒪᑕ ᐊᓯᒥᖕᓂᒃ, ᓇᖅᓴᒥᐅᖑᓚᐅᕐᖕᒪᑕ ᐱᑦ-ᕆᕼᐅᑉᒥ. ᑖᓐ ᑭᖑᕚᖏᑕ ᐃᒡᓗᒐᓮᑦ ᓴᓇᒋᐊᓪᓚᓚᐅᖅᐰᑦ ᓄᓇᑖᕆᓪᓗᒍᓗ. 29ᐊᑎᖅᑖᖅᑎᓪᓗᒍᓗ ᐃᒡᓗᒐᓴᒡᔪᐊᑦ ᑖᓐᒥᒃ, ᓯᕗᓕᕕᓂᖓᑦᑕ ᐊᑎᖓᓂᒃ, ᐃᓴᕆᐊᓕᐅᑉ ᐃᕐᖕᓂᕆᓚᐅᖅᑕᖓᓂᒃ; ᓯᕗᓪᓕᕐᖕᒥᒃ ᐃᒡᓗᒐᓮᑦ ᐊᑎᖃᓚᐅᖅᐳᑦ ᓔᓯᒥᒃ. 30ᑖᓐ ᑭᖑᕚᖏᑦ ᐃᓄᓐᖑᐊᒥᒃ ᓴᓇᓐᖑᐊᖅᓯᒪᔪᒥᒃ ᐋᖅᑭᒃᓯᓚᐅᖅᐳᑦ ᐃᒻᒥᖕᓄᑦ; ᔫᓇᑕᓂᓗ, ᒌᕐᓲᒥᐅᑉ ᐃᕐᖕᓂᖓ, ᒨᓯᓯᐅᑉ ᐃᕐᖑᑕᖓ, ᑐᓂᕐᕈᓯᖅᑎᑦᓯᔨᐅᓚᐅᖅᐳᖅ ᑖᓐ ᑭᖑᕚᖏᓐᓄᑦ ᐃᓄᐃᑦ ᐊᐅᓪᓚᐅᑦᔭᐅᓂᖓ ᑎᑭᓪᓗᒍ. 31ᒤᑲᐅᑉ ᒎᑎᓐᖑᐊᖏᑦ ᑖᑦᓱᒪ ᓴᓇᓚᐅᖅᑕᖏᑦ ᑍᑲᓃᖏᓐᓇᓚᐅᖅᐳᑦ ᒎᑎᐅᑉ ᑐᐱᖓᓂ ᑐᒃᓯᐊᕐᕕᐅᑎᓪᓗᒍ ᓮᓗᐊᒦᓐᓂᖓᓂ.
Currently Selected:
ᐃᓗᐊᖅᓮᔩᑦ ᐊᒡᓚᖏᑦ 18: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
