ᕼᐆᓯᐊᑉ ᐊᒡᓚᖏᑦ 9
9
ᕼᐆᓯᐊᑉ ᓇᓗᓁᖅᓯᓂᖓ ᐃᓴᕆᐊᓕᒥᐅᑦ ᓱᒋᐊᖅᑕᐅᓂᒃᓴᖓᓂᒃ
1ᖁᕕᐊᓱᒃᑍᓕᒋᑦ, ᐆ ᐃᓴᕆᐊᓖ, ᐃᓅᖃᑎᑦᓯ ᓇᓪᓕᐅᓐᓂᖅᓯᐅᕐᖕᓂᖏᑎᑐᑦ ᖁᕕᐊᓲᑎᖃᕐᖕᓂᐊᕐᖕᓇᒃ; ᐊᑐᒐᕐᖕᓂᒃ ᐱᓇᓱᐊᖃᑦᑕᕋᑦᓯ, ᒎᑎᑦᓯᓐᓂᒃ ᕿᒤᓪᓗᓯ. ᐊᑐᒐᕐᖕᓂᒃ ᐊᑭᓖᓪᓗᓯ ᐱᓇᓱᐊᖅᓯᒪᒐᑦᓯ ᐃᕖᔧᕖᑦ ᓇᑎᖏᓐᓂ. 2ᐃᕖᔧᕕᐅᑉ ᓇᑎᖓᑕ ᕔᓂᓕᐅᕐᕕᐅᓪᓗ ᓂᕆᑎᓐᓂᐊᓐᖏᓔᑦ, ᕔᓂᐅᓪᓗ ᓄᑖᑉ ᐱᔪᓐᓇᖅᑎᑦᓱᒫᓐᖏᓔᑦ. 3ᐃᓂᕾᓐᓇᕈᒫᓐᖏᓚᓪᓗ ᐊᑕᓂᐅᑉ ᓄᓇᖓᓂ; ᐃᕗᕅᒥᓕ ᐅᑎᕈᒫᖅᐳᖅ ᐄᑦᔨᑉᑎᒧᑦ, ᓂᕆᔪᒫᖅᐳᓪᓗ ᓂᕿᓂᒃ ᓇᕐᕈᓇᖅᑐᓂᒃ ᐊᓯᕆᐊᒥ. 4ᕔᓂᒥᒡᓗ ᑐᓂᕐᕈᓯᕈᒫᓐᖏᓚᑦ ᐊᑕᓂᕐᖕᒧᑦ, ᑐᓂᕐᕈᑎᖏᓪᓗ ᖁᕕᐊᒋᔭᐅᔪᒫᓐᖏᓚᑦ ᑖᑦᓱᒧᖓ. ᓂᐊᖂᔭᖏᓪᓗ ᕿᒃᓵᒃᑐᑦ ᓂᐊᖂᔭᖁᑎᖏᑎᑑᕈᒫᖅᐳᑦ; ᓂᕆᔪᓕᒫᓪᓗ ᓇᕐᕈᓇᖅᓯᑎᑕᐅᔪᒫᖅᐳᑦ; ᓂᐊᖂᔧᑦ ᑳᒍᓐᓁᕈᑎᒋᓇᓱᐊᑐᐃᓐᓇᕈᒫᕐᖕᒪᒋᑦ; ᐊᑕᓂᐅᑉ ᐃᒡᓗᖓᓄᐊᕈᑦᔭᐅᔪᒫᓐᖏᓚᑦ. 5ᖃᓄᐃᓕᐅᕈᒫᖅᐱᓰ ᓇᓪᓕᐅᓐᓂᖅᓯᐅᕐᕕᐅᖁᔭᐅᓯᒪᔫᑉ ᐅᓪᓗᖏᓐᓂ, ᐊᑕᓂᐅᓪᓗ ᓇᓪᓕᐅᓐᓂᖅᓯᐅᖅᑕᐅᓂᖓᑕ ᐅᓪᓗᖓᓂ? 6ᑕᑯᒋᑦ, ᐊᓯᕈᖅᑕᐅᓂᕐᖕᒥᑦ ᕿᒫᓇᓱᐊᖅᐳᑦ; ᐄᑦᔨᑉᑎᒥᐅᓪᓕ ᑲᑎᖅᓱᕈᒫᖅᐰᑦ, ᒥᒻᐱᓯᒥᐅᓪᓗ ᐃᓗᕕᕈᒫᖅᐰᑦ. ᓯᐅᓪᕕᕆᖁᑎᖏᑕᓗ ᐃᓂᖏᑦ ᐱᕈᕐᖕᓂᖅᓗᒃᑐᓄᑦ ᐱᕈᕐᕕᐅᔪᒫᖅᐳᑦ, ᐅᖅᐱᒊᓪᓗ ᑲᑭᓪᓚᕐᖕᓇᖅᑐᑦ ᑐᐱᖏᓐᓂ ᐱᕈᕈᒫᖅᐳᑦ.
7 #
ᓘᑲᓯ 21:22. ᐅᓪᓗᐃᑦ ᓱᒋᐊᖅᑕᐅᕖᑦ ᑎᑭᑉᐳᑦ, ᐅᓪᓗᐃᓪᓗ ᐊᑭᓕᖅᑕᐅᕖᑦ ᑎᑭᑉᐳᑦ; ᐃᓴᕆᐊᓕ ᖃᐅᔨᓂᐊᖅᐳᖅ. ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖓ ᓯᓔᑦᑑᕗᖅ, ᐊᓂᕐᖕᓂᓕᕆᔪᕐᓗ ᐃᓱᒤᕈᑎᕗᖅ, ᐱᐅᖏᑦᑐᓕᓂᓯ ᐊᖏᓗᐊᕐᖕᓂᖓᓄᑦ ᐆᒥᓱᖕᓂᓯᓗ ᐊᖏᓗᐊᕐᖕᓂᖓᓄᑦ. 8ᐃᕗᕅᑎᐅᑉ ᖃᐅᔨᓴᖅᑎᖓ ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᒋᕚ, ᒎᑎᒪ ᐃᓄᖁᑎᖏᓐᓂ, ᑍᒪᓐᖓᓪᓕ ᓂᒐᖅᑎᑕᐅᓇᓱᐊᖅᐳᖅ ᐆᒥᓱᒃᑎᒧᑦ, ᒎᑎᖓᑕᓗ ᐃᒡᓗᖓᓂ ᐆᒥᒋᔭᐅᕗᖅ. 9#ᐃᓗᐊᖅᓮᔩᑦ 19:1-30.ᑖᒃᑯᐊ ᐃᒻᒥᖕᓂᒃ ᐃᑎᔪᒥᒃ ᓱᒃᑯᑎᖅᓯᒪᕗᑦ ᒋᐱᐊᑉ ᐅᓪᓗᖏᓐᓂ ᐱᔪᖃᓚᐅᖅᑐᑎᑐᑦ: ᐱᐅᖏᑦᑐᓕᓂᖏᑦ ᐃᖅᑲᐅᒪᓂᐊᖅᐰᑦ, ᐊᔪᕐᖕᓂᖏᓪᓗ ᓱᒋᐊᕈᒫᖅᐰᑦ.
ᐃᓴᕆᐊᓕᐅᑉ ᐊᔪᕐᖕᓂᖏᑦ ᐱᓂᐊᕐᖕᓂᖏᓪᓗ
10 #
ᒨᓯᓯ ᓯᑕᒪᖏᑦ 25:1-5. “ᐃᓴᕆᐊᓕ ᓇᓂᕙᕋ, ᐸᐅᕐᖓᑎᑐᑦ ᐃᓄᖃᔪᐃᑦᑐᒦᑦᑐᑎᑐᑦ, ᓇᐹᖅᑑᑉ ᐱᒋᓕᖕᓂᒃ ᐸᐅᕐᖓᓕᐅᑉ ᓯᕗᓪᓕᖅᐹᒥᒃ ᐱᕈᖅᑎᑕᖏᑎᑐᑦ ᐊᕐᕌᒍᖏᑕ ᓯᕗᓪᓕᖅᐹᖓᓂ, ᓯᕗᓕᓯ ᑕᑯᓚᐅᖅᐸᒃᑲ. ᐂᓚᐅᖅᐳᓪᓕ ᐰᓕ-ᐱᐅᕆᒧᑦ, ᐃᒻᒥᖕᓂᒡᓗ ᓴᓂᕐᕙᒃᑎᓚᐅᖅᐳᑦ ᐰᓕᒧᑦ, ᐃᒻᒥᖕᓂᒡᓗ ᐱᐅᖏᑦᑐᒧᐊᖅᑎᓚᐅᖅᐳᑦ ᐱᐅᒋᔭᒥᓂ ᐊᑐᕐᖕᓂᕐᖕᒥᖕᓄᑦ. 11ᐃᕗᕅᑎᒥᐅᓪᓕ ᐱᓐᓇᕐᖕᓇᕐᖕᓂᖓ ᑎᖏᔪᒫᖅᐳᖅ ᑎᖕᒥᐊᑎᑐᑦ ᐃᕐᖕᓂᐊᖑᔪᖃᕋᓂ, ᓯᖎᔪᖃᕋᓂ, ᕿᑐᕐᖓᒃᓴᖅᑖᖅᑐᖃᕋᓂᓗ. 12ᕿᑐᕐᖓᒥᖕᓂᒡᓗ ᐱᕈᐃᒐᓗᐊᕈᑎᒃ, ᕿᒃᓵᒃᑎᑦᓱᒫᖅᐸᒃᑲ ᐊᒥᐊᒃᑯᖃᕈᓐᓃᖅᑎᓪᓗᒋᑦ. ᑲᑉᐱᐊᓐᓇᒦᒃ ᑖᒃᑯᐊ ᕿᒪᒍᒃᑭᑦ!”
13ᐃᕗᕅᑎᐅᑉ ᕿᑐᕐᖓᖏᑦ ᑍᕆᒥᐅᑦ ᑕᑯᓚᐅᕋᒃᑭᑦ, ᐂᑦᑑᑕᐅᓕᖅᑎᓪᓗᒋᑦ ᓂᕿᒃᓴᐅᓂᐊᖅᑐᑐᑦ; ᐃᕗᕅᑎᐅᓪᓗ ᕿᑐᕐᖓᓂ ᐊᓂᑎᓐᓂᐊᖅᐰᑦ ᑐᖁᑕᐅᖁᓪᓗᒋᑦ. 14ᑐᓂᓯᕕᒋᓚᐅᒃᑭᑦ ᐊᑕᓃᖅ, ᓱᓇᒥᒃ ᑐᓂᓯᕕᒋᓂᐊᖅᐱᒌᑦ? ᐃᒡᓕᐊᖏᑦ ᐃᕐᖕᓂᐊᖅᓗᖁᓪᓗᒋᑦ ᐊᒫᒪᖏᓪᓗ ᐃᒻᒧᐃᕈᑎᖁᓪᓗᒋᑦ.
ᐊᑕᓂᐅᑉ ᐃᖅᑲᖅᑐᐃᓂᖓ ᐃᓴᕆᐊᓕᒥᒃ
15“ᐱᐅᖏᑦᑐᓕᓂᓕᒫᖏᑦ ᒋᐅᓪᒐᐅᓪᒦᑉᐳᑦ; ᑕᕝᕙᓃᑦᑐᑦ ᐆᒥᒋᕙᒃᑲ. ᐊᔪᖅᑐᓕᓂᖏᑦ ᐱᑦᔪᑎᒋᓪᓗᒋᑦ ᐃᒡᓗᓐᓂᑦ ᐊᓂᑎᓐᓂᐊᖅᐸᒃᑲ. ᓇᒡᓕᒋᓂᐊᕈᓐᓁᖅᐸᒃᑲ; ᐊᖓᔪᖅᑳᖁᑎᓕᒫᖏᑦ ᐊᑭᕋᖅᑐᕐᖕᒪᑕ. 16ᐃᕗᕅᑎ ᓱᒋᐊᖅᑕᐅᕗᖅ, ᐊᒫᖏᑦ ᐸᓂᕐᖕᒪᑕ, ᐱᕈᕐᕕᐅᓂᐊᕈᓐᓁᖅᐳᖅ. ᕿᑐᕐᖓᖅᑖᕋᓗᐊᖅᐸᑕ, ᓇᒡᓕᒋᒻᒪᕆᒃᑕᖏᑦ ᑐᖁᓐᓂᐊᖅᐸᒃᑲ.”
ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖓᑕ ᐅᖃᐅᓯᖏᑦ ᐃᓴᕆᐊᓕᒥᐅᑦ ᐱᓪᓗᒋᑦ
17ᒎᑎᒪ ᐃᒋᑦᓱᒫᖅᐰᑦ, ᑖᑦᓱᒥᖓ ᓈᓚᓚᐅᖏᒻᒪᑕ; ᓇᓂᑐᐃᓐᓈᖅᑐᓄᑦ ᐃᓅᖃᑎᒌᒡᔪᐊᓄᑦ ᐂᖃᑦᑕᕈᒫᖅᐳᑦ ᓄᓇᖃᓪᓚᕆᖏᓪᓗᑎᒃ.
Currently Selected:
ᕼᐆᓯᐊᑉ ᐊᒡᓚᖏᑦ 9: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
