ᕼᐆᓯᐊᑉ ᐊᒡᓚᖏᑦ 8
8
ᐊᑕᓂᐅᑉ ᐱᐅᒃᓴᖏᓐᓂᖓ ᐃᓴᕆᐊᓕᒥᐅᑦ ᒎᑎᓐᖑᐊᓄᑦ ᑐᒃᓯᐊᖃᑦᑕᕐᖕᓂᖏᓐᓂᒃ
1“ᐅᓇᑕᖅᑐᖅᓯᐅᑏᑦ ᑎᑦᑐᓚᐅᑏᑦ ᐊᑐᐃᓐᓇᕈᓕᖅᓯᐅᒃ, ᑎᖕᒥᐊᑦ ᑎᒥᕕᓂᖅᑐᓲᑦ ᐊᐅᖅᓵᓕᕐᖕᒪᑕ ᐊᑕᓂᐅᑉ ᐃᒡᓗᖓᑕ ᖁᓛᓂ, ᐃᓄᖁᑎᒪ ᐊᖏᖃᑎᒌᒍᑎᒃᑲ ᓯᖁᒥᓚᐅᕐᖕᒪᒋᑦ, ᐊᑭᕋᖅᑐᓕᖅᓗᑎᒡᓗ ᐱᖁᔭᓐᓂᒃ. 2ᐅᕙᓐᓄᑦ ᓂᓪᓕᐊᓚᐅᖅᐳᑦ, ‘ᒎᑎᒐ, ᐃᓴᕆᐊᓕᒥᐅᖑᔪᒍᑦ ᖃᐅᔨᒪᕙᑦᑎᒋᑦ.’ 3ᐃᓴᕆᐊᓕ ᐱᐅᔪᒥᒃ ᐊᕕᑦᓯᓚᐅᕐᖕᒪᑦ; ᐊᑭᕋᖏᑕ ᒪᓕᒍᒫᖅᐹᑦ.
4“ᐊᖓᔪᖅᑳᕐᔪᐊᖅᑖᓚᐅᖅᐳᑦ ᐅᕙᒃᑰᖏᑦᑐᖅ. ᐊᖓᔪᖅᑳᖁᑎᑖᓚᐅᖅᐳᑦ ᐅᕙᓐᓂᒃ ᖃᐅᔨᑎᑦᓯᓚᐅᕋᑎᒃ. ᓯᐅᓪᕕᕆᒥᖕᓂᒃ ᒎᓗᒥᖕᓂᒡᓗ ᒎᑎᓐᖑᐊᓕᐅᓚᐅᖅᐳᑦ ᐊᓯᕈᖅᑕᐅᑦᔪᑎᒃᓴᒥᖕᓂᒃ. 5ᓄᕐᕋᐅᔮᖅᑐᓐᖑᐊᖅ ᒎᑎᓐᖑᐊᓯ ᓇᕐᕈᒋᕙᕋ ᓴᒥᐊᕆᐊ. ᓂᓐᖓᐅᒪᓂᕋ ᑖᒃᑯᓄᖓ ᑐᕌᓕᖅᐳᖅ. ᖃᓄᖅ ᐊᑯᓂᐅᑎᒋᔪᖅ ᐃᑦᔪᕐᖕᓁᓐᓂᕐᖕᒧᑦ ᑎᑭᐅᑎᓇᓱᐊᕐᖕᓂᐊᖅᐹᑦ? 6ᐃᓴᕆᐊᓕᒥ: ᓴᓇᔩᑦ ᓴᓇᓯᒪᔭᖓ, ᒎᑎᐅᓐᖏᓚᖅ; ᓴᒥᐊᕆᐊᒥ ᓄᕐᕋᐅᔮᖅᑐᓐᖑᐊᖅ ᓯᖁᒥᑕᐅᔪᒫᖅᐳᖅ. 7ᐊᓄᕆᒥᒃ ᑲᓐᖓᖅᓱᐃᒍᑎᒃ, ᐅᓚᔪᔭᕐᔪᐊᒥᒃ ᑲᑎᖅᓱᐃᔪᒫᖅᐳᑦ. ᓂᐊᖂᔭᒃᓮᑦ ᓂᐊᖁᖃᓐᖏᓚᑦ, ᓂᕆᔭᒃᓴᒥᒃ ᐱᕈᕐᕕᐅᓂᐊᓐᖏᓚᑦ; ᐱᕈᕐᕕᐅᒐᓗᐊᖅᐸᑕ ᓄᓇᖅᑲᑎᒋᓐᖏᑕᖏᑕ ᓂᕆᔪᒫᖅᐰᑦ. 8ᐃᓴᕆᐊᓕ ᐄᔭᐅᓯᒪᕗᖅ; ᒫᓐᓇ ᐃᓅᖃᑎᒌᒡᔪᐊᓃᓕᕐᖕᒪᑕ ᐴᒍᑕᖅᑎᑐᑦ ᐊᑑᑎᖃᖏᑦᑐᑎᑐᑦ ᑍᒤᓕᖅᐳᑦ. 9ᐊᓯᕆᐊᒧᐊᓚᐅᕐᖕᒪᑕ, ᐱᖁᓐᓂᖏᑦᑐᑐᑦ ᓯᐅᑎᖅᑯᖅᑐᔪᑐᑦ ᐃᓄᑐᐊᑎᑐᑦ; ᐃᕗᕅᑎ ᐱᖃᑎᒃᓴᖅᓯᐅᖅᐳᖅ ᓄᓕᐊᖅᑎᓂᒃ. 10ᐃᓇᑦᓯᓚᐅᕋᓗᐊᖅᐳᑦ ᐃᓚᑖᕈᒪᓪᓗᑎᒃ ᐃᓅᖃᑎᒌᒡᔪᐊᓂᑦ, ᑲᑎᖅᓱᕐᖕᓂᐊᖅᐸᒃᑲᓕ ᒫᓐᓇᑦᓴᐅᑎᒋᒃᑯᑦ. ᕿᒃᓵᒃᑎᑕᐅᑬᓐᓇᕈᒫᖅᐳᓪᓕ ᐊᖓᔪᖅᑳᕐᔪᐊᕐᖕᒧᑦ ᑎᓕᔭᐅᓯᒪᔪᒧᑦ ᐊᖓᔪᖅᑳᖁᑎᖏᓐᓄᓪᓗ ᐅᖁᒤᒃᓴᖅᑎᑕᐅᓕᕈᑎᒃ.
11“ᐃᕗᕅᑎ ᐅᓄᖅᑐᓂᒃ ᑐᓂᕐᕈᓯᕐᕕᓕᐅᖅᓯᒪᖕᒪᑦ ᐊᔪᖅᑐᓕᓂᕐᖕᒧᑦ, ᑖᒃᑯᓄᖓᓗ ᑐᓂᕐᕈᓯᕐᕖᑦ ᐊᔪᖅᑐᓕᓂᐅᓕᖅᐳᑦ. 12ᑎᑎᕋᕐᕕᒋᓚᐅᕋᓗᐊᖅᐸᒃᑲ ᐱᐅᔪᓂᒃ ᐱᖁᔭᓐᓂᒃ 10,000ᓂᒃ, ᐱᐅᒋᔭᐅᓚᐅᓐᖏᓚᓪᓕ ᑲᒪᓂᐊᕈᑕᐅᓪᓗᑎᒡᓗ. 13ᑐᓂᕐᕈᓯᕆᐊᒥᒃ ᐆᒪᔪᓂᒃ ᖁᕕᐊᒋᔭᖃᖅᐳᑦ; ᑐᓂᕐᕈᑎᕕᓃᓪᓗ ᓂᕆᕙᒡᓗᒋᑦ; ᐊᑕᓂᐅᓪᓕ ᖁᕕᐊᒋᓚᐅᓐᖏᓔᑦ. ᑕᕝᕙ ᐱᐅᖏᑦᑐᓕᓂᖏᑦ ᐃᖅᑲᓚᐅᖅᐰᑦ, ᐊᔪᕐᖕᓂᖏᓪᓗ ᓱᒋᐊᖅᓗᒋᑦ; ᐄᑦᔨᑉᑎᒧᑦ ᐅᑎᕐᖕᓂᐊᖅᐳᑦ.
14“ᐃᓴᕆᐊᓕᓕ ᐳᐃᒍᖅᓯᒪᖕᒪᑦ ᐱᓐᖑᖅᑎᑦᓯᔨᒥᓂᒃ, ᐃᒡᓗᕐᔪᐊᓕᐅᖅᓯᒪᓪᓗᓂᓗ ᐊᖓᔪᖅᑳᒃᑯᕕᖕᓂᒃ; ᔫᑕᓗ ᐅᓄᖅᑐᓂᒃ ᓴᐴᓗᑕᓕᖕᓂᒃ ᐃᒡᓗᒐᓴᓕᐅᖅᓯᒪᓕᖅᐳᖅ; ᐃᒡᓗᒐᓴᖏᓪᓕ ᐃᑯᐊᓪᓚᒃᑕᐅᑎᑦᓱᒫᖅᐸᒃᑲ, ᑐᓐᖓᕕᒋᔭᖏᓪᓗ ᓄᖑᑕᐅᔪᒫᖅᐳᑦ.”
Currently Selected:
ᕼᐆᓯᐊᑉ ᐊᒡᓚᖏᑦ 8: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
