ᐃᓯᑭᐊᓕᐅᑉ ᐊᒡᓚᖏᑦ 3
3
1 #
ᑕᑯᑎ 10:9,10. ᒎᑎ ᐅᕙᓐᓄᑦ ᐅᖃᖅᐳᖅ, “ᐃᓅᑉ ᐃᕐᖕᓂᖓ, ᓂᕆᒋᑦ ᐃᓕᖕᓄᑦ ᑐᓂᔭᐅᔪᓂᒃ; ᐊᒡᓔᑦ ᑖᒃᑯᐊ ᐃᒧᓯᒪᔪᑦ ᓂᕆᒃᑭᑦ, ᐂᓕᕆᑦ, ᐃᓴᕆᐊᓕᐅᑉ ᑭᖑᕚᖏᑦ ᐅᖃᓪᓚᒡᕕᒋᔭᖅᑐᖅᓗᒋᑦ.”
2ᐂᑦᑕᕋᒪ, ᐊᒡᓚᖕᓂᒃ ᐃᒧᓯᒪᔪᓂᒃ ᓂᕆᑎᑉᐹᖓ. 3ᐅᖃᖅᓗᓂᓗ, “ᐃᓅᑉ ᐃᕐᖕᓂᖓ ᐊᒡᓔᑦ ᐃᓕᖕᓄᐊᖅᑕᒃᑲ ᓂᕆᒃᑭᑦ ᐊᕿᐊᑦᑐᕈᑎᒋᓗᒋᑦ.” ᓂᕆᒐᒃᑭᑦ ᐃᒍᑦᑕᐅᑉ ᓰᕐᖕᓇᐅᑎᖓᑐᑦ ᒪᒪᖅᑎᒋᕗᑦ.
4ᐅᖃᐅᑎᒋᕚᖓᓗ, “ᐃᓅᑉ ᐃᕐᖕᓂᖓ, ᐃᓴᕆᐊᓕᒥᐅᓄᐊᖅᓗᑎᑦ ᐅᖃᐅᓯᒃᑲ ᑖᒃᑯᓄᖓ ᐅᖃᐅᓯᕆᒃᑭᑦ. 5ᐅᖃᐅᓯᖃᖃᑎᒋᓐᖏᑕᕐᖕᓄᑦ ᑎᓕᖏᓐᓇᒃᑭᑦ ᓇᓗᓇᖅᑐᒥᒡᓘᓐᓃᑦ ᐅᖃᐅᓯᓕᖕᓄᑦ, ᐃᓴᕆᐊᓕᐅᓪᓕ ᑭᖑᕚᖏᓐᓄᑦ. 6ᑎᓕᒐᔭᕈᒃᑭᑦ ᐅᖃᐅᓯᖃᑎᒋᓐᖏᑕᕐᖕᓄᑦ ᓇᓗᓇᖅᑐᓂᒡᓘᓐᓃᑦ ᐅᖃᐅᓯᓕᖕᓄᑦ, ᐅᖃᐅᓯᖏᑦ ᑐᑭᓯᔪᓐᓇᖏᒃᑲᓗᐊᕈᕕᒋᑦ, ᑎᓕᒍᒃᑭᓪᓕ ᑖᒃᑯᓄᖓ, ᑖᒃᑯᐊ ᓈᓚᒃᑲᔭᖅᐳᑦ ᐅᖃᐅᓯᕆᔭᕐᖕᓂᒃ. 7ᐃᓴᕆᐊᓕᐅᓪᓕ ᑭᖑᕚᖏᑦ ᐃᓕᖕᓂᒃ ᓈᓚᖕᓂᐊᓐᖏᓚᑦ; ᐅᕙᓐᓂᒃ ᓈᓚᒍᒪᖏᒻᒪᑕ; ᐃᓴᕆᐊᓕᐅᑦ ᑭᖑᕚᖏᑦ ᐱᔭᕐᖕᓂᖏᑦᑑᕗᑦ ᓯᑎᔪᒥᒡᓗ ᐆᒻᒪᑎᖃᖅᓗᑎᒃ. 8ᑕᑯᒋᑦ, ᑍᒫᑦᓮᓐᓇᖅᑕᐅᖅ ᓯᑎᔫᑎᓐᓂᐊᕆᕙᒋᑦ, ᑍᒃᑯᑎᑐᓇᕐᓗ ᐱᔭᕐᖕᓂᖏᑦᑑᑎᓪᓗᑎᑦ. 9ᓴᖑᑎᑕᒃᓴᐅᑎᓐᓂᐊᓐᖏᓚᒋᑦ ᐅᔭᕋᒃᑎᑐᑦ ᓯᑎᔪᑎᑐᑦ ᐊᐅᒫᒡᒋᓲᑎᑐᑦ ᓯᑎᑎᒋᑎᓪᓗᑎᑦ; ᑍᒤᒻᒪᑦ ᓯᕘᕋᒋᓂᐊᕐᖕᓇᒋᑦ, ᑕᐅᑦᑐᖏᓐᓄᓪᓗ ᓴᐱᓕᖅᑎᑕᐅᑦᑍᓕᒋᑦ, ᑖᒃᑯᐊ ᐊᑭᕋᖅᑐᖅᑎᐅᖕᒪᑕ.”
10ᓱᓕ ᐅᖃᐅᑎᒃᑲᓐᓂᖅᐹᖓ, “ᐃᓅᑉ ᐃᕐᖕᓂᖓ, ᐅᖃᐅᓰᑦ ᐃᓕᖕᓄᑦ ᐅᖃᐅᓯᕆᔭᓕᒫᒃᑲ ᐆᒻᒪᑎᖕᓄᐊᒃᑭᑦ, ᑐᓴᖅᓗᒋᓪᓗ ᓯᐅᑎᖕᓄᑦ. 11ᐂᓕᕆᑦ, ᐃᓅᖃᑎᖕᓄᑦ ᐊᐅᓪᓚᕈᑦᔭᐅᓯᒪᔪᓄᑦ, ᐅᖃᐅᑎᓗᒋᓪᓗ, ‘ᐊᑕᓂᖅ ᒎᑎ ᐃᒫᒃ ᐅᖃᖅᐳᖅ’; ᓈᓚᖕᓂᐊᖅᐸᑕ ᓈᓚᖏᒃᑲᓗᐊᖅᐸᑕᓘᓐᓃᑦ ᑲᔪᓯᓂᐊᖅᐳᑎᑦ.”
12ᑕᕝᕙ ᐊᓂᕐᖕᓂᐅᑉ ᖃᖓᑦᑕᖅᑎᑉᐹᖓ, ᐊᑕᓂᐅᑉ ᓂᖅᑐᕐᖕᓇᕐᖕᓂᖓᑕ ᐃᓂᒥᓂᑦ ᖁᒻᒧᒃᑎᑕᐅᓂᖓᑐᑦ, ᓂᐱᕐᔪᐊᒥᒡᓗ ᑐᓴᖅᐳᖓ ᑐᓄᓐᓂᑦ ᑲᓪᓕᐅᑉ ᓂᐱᕐᔪᐊᖓᑐᑦ ᑍᒤᑦᑐᒥᒃ; 13ᑐᓴᕆᕗᖓᓗ ᐆᒪᔪᐊᓗᐃᑦ ᐃᓴᕈᖏᑕ ᐃᒻᒥᖕᓄᑦ ᐊᒃᑐᖅᑕᕐᕙᓗᖏᓐᓂᒃ, ᓴᓂᐊᓃᑦᑐᓪᓗ ᐊᒃᓴᓗᐊᑦ ᑐᓴᖅᓴᐅᓂᖏᓐᓂᒃ, ᑖᒃᑯᐊᓗ ᑲᓪᓕᐅᑉ ᐃᒃᑑᓕᔮᕐᖕᓂᖓᑐᑦ ᑐᓴᖅᓴᐅᕗᑦ. 14ᐊᓂᕐᖕᓂᐅᓪᓗ ᖃᖓᑦᑕᖅᑎᓪᓗᓂᖓ ᐊᐅᓪᓚᕈᑎᕚᖓ, ᑕᕝᕙ ᖁᕕᐊᓇᖏᑦᑐᕐᔪᐊᕐᖕᒧᑦ ᓂᓐᖓᐅᒪᓇᖅᑐᒧᑦ ᐊᓂᕐᖕᓂᒃᑯᑦ ᑎᑭᑕᐅᕗᖓ, ᐊᑕᓂᐅᓪᓕ ᐊᒡᒐᖏᑕ ᓲᖑᔪᕐᔪᐊᓄᑦ ᑎᒍᒥᐊᖅᐹᖓ; 15ᐊᐅᓪᓚᕈᑦᔭᐅᓯᒪᔪᓪᓗ ᓇᔪᖅᑕᖓᓐᓄᐊᖅᐳᖓ ᑎᐅᓪ-ᐋᐱᑉᒧᑦ, ᑰᑉ ᓰᐸᕆᐅᑉ ᓴᓂᐊᓃᑦᑐᓄᑦ. ᐅᓪᓗᓂᒃ 7ᓂᒃ ᑕᕝᕙᓂ ᐃᒃᓯᕙᓚᐅᖅᐳᖓ ᑲᒪᓂᐊᒻᒪᕆᒃᓗᖓ.
ᐃᓯᑭᐊᓕᐅᑉ ᖃᐅᔨᓴᖅᑎᓐᖑᖅᑎᑕᐅᓂᖓ
ᐃᓯᑭᐊᓕ 33:1-9
16ᐅᓪᓗᐃᑦ 7 ᐊᓂᒍᖅᑎᓪᓗᒋᑦ ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᖅᓗᓂ: 17“ᐃᓅᑉ ᐃᕐᖕᓂᖓ, ᖃᐅᔨᓴᖅᑎᓐᖑᖅᑎᑉᐸᒋᑦ ᐃᓴᕆᐊᓕᐅᑉ ᑭᖑᕚᖏᓐᓄᑦ; ᑍᒤᒻᒪᑦ ᐅᖃᐅᓯᒃᑲ ᑐᓴᕈᕕᒋᑦ ᖃᓂᓐᓂᑦ ᐊᓂᔪᑦ, ᐃᓂᖅᑎᒃᑭᑦ ᐅᕙᓐᓂᑦ ᐱᔪᓂᒃ. 18ᐱᐅᖏᑦᑐᓕᔪᒧᑦ ᐅᖃᕈᒪ, ‘ᑐᖁᓂᐊᓕᖅᐳᑎᑦ,’ ᐃᓂᖅᑎᖏᒃᑯᕕᐅᒃ ᐱᐅᖏᑦᑐᓕᓂᕐᖕᒥᓂᑦ ᖃᕿᐊᓕᖁᓗᒍ, ᐃᓅᖁᓪᓗᒍᓗ, ᐊᔪᖅᑐᓕᓂᕐᖕᒥᓂᑦ ᖃᕿᐊᓕᓚᐅᕋᓂ ᑐᖁᑐᐃᓐᓇᖅᐸᑦ; ᑐᖁᓂᖓᓄᑦ ᐸᓯᔭᒃᓴᐅᑎᒃᑲᔭᖅᐸᒋᑦ. 19ᐊᔪᖅᑐᓕᔪᕐᓕ ᐃᓂᖅᑎᕈᕕᐅᒃ, ᑐᓴᕈᒪᖏᓐᓂᕐᖕᒥᓄᑦ ᐊᔪᖅᑐᓕᓂᕐᖕᒥᓂᒃ ᖃᕿᐊᓕᖏᓪᓗᓂ ᑐᖁᒃᐸᑦ; ᐸᓯᔭᒃᓴᐅᒐᔭᓐᖏᓚᑎᑦ.
20“ᓇᓛᒎᖅᑐᕐᓕ ᐊᑲᐅᔪᒥᒃ ᕿᒤᓗᓂ ᐊᔪᖅᑐᓕᒃᐸᑦ, ᐹᓪᓚᒍᑎᒃᓴᒧᑦ ᑎᑭᑎᒃᑯᒃᑯ, ᑐᖁᒃᐸᑦ ᐊᔪᖅᑐᓕᓂᕐᖕᒦᓪᓗᓂ, ᐃᓂᖅᑎᓚᐅᖏᒃᑯᕕᐅᒃ, ᐱᐅᔪᑦ ᐱᓂᐊᓚᐅᖅᑕᖏᑦ ᐃᖅᑲᐅᒪᔭᐅᓂᐊᓐᖏᓚᑦ; ᑐᖁᓂᖓᓄᑦ ᐸᓯᔭᒃᓴᐅᑎᒃᑲᔭᖅᐸᒋᑦ. 21ᓇᓛᒎᖅᑐᕐᓕ ᐃᓂᖅᑎᕈᕕᐅᒃ ᐊᔪᖅᑐᓕᖁᓇᒍ, ᐊᔪᖅᑐᓕᔪᓐᓃᖅᐸᑦ, ᑖᓐᓇ ᐃᓅᔪᒫᖅᐳᖅ, ᐃᓂᖅᑎᖅᑕᐅᓂᕐᖕᒥᒃ ᓈᓚᖕᓂᕐᖕᒥᓄᑦ; ᐃᕝᕕᓪᓗ ᐸᓯᔭᒃᓴᐅᒐᔭᓐᖏᓚᑎᑦ.”
ᐃᓯᑭᐊᓕᐅᑉ ᐅᖃᕈᓐᓁᓪᓕᓂᖓ
22ᐊᑕᓂᐅᓪᓗ ᐱᔪᓐᓇᕐᖕᓂᖓᑕ ᑕᕝᕙᓂ ᓇᔪᖅᐹᖓ; ᐅᖃᐅᑎᓪᓗᖓᓗ, “ᒪᑭᓪᓗᑎᑦ ᓇᑎᕐᖕᓇᒧᑦ ᐂᓕᕆᑦ, ᑍᑲᓂ ᐅᖃᐅᑎᓂᐊᖅᐸᒋᑦ.”
23ᒪᑭᓐᓇᒪ ᓇᑎᕐᖕᓇᒧᓐᖓᐅᕗᖓ; ᑕᑯᒋᓪᓗ, ᐊᑕᓂᐅᑉ ᐱᓐᓇᕐᖕᓇᕐᖕᓂᖓ ᑕᑯᓕᕆᕙᕋ, ᑰᑉ ᓰᐸᕆᐅᑉ ᖃᓂᒋᔮᓂ ᑕᑯᓚᐅᖅᑕᑦᑐᑦ ᐱᓐᓇᕐᖕᓇᖅᑎᒋᔪᖅ; ᑕᕝᕙ ᓄᓇᒧᑦ ᐹᒻᒪᒃᐳᖓ ᑮᓇᕋ ᓄᓇᒧᑦ ᐳᓪᓗᒍ, 24ᐊᓂᕐᖕᓂᐅᓪᓕ ᐃᑎᕐᕕᒋᓪᓗᖓ ᓂᑯᕕᑎᑉᐹᖓ; ᐅᖃᐅᑎᓪᓗᖓᓗ, “ᐊᖏᕐᕋᖅᓗᑎᑦ ᐃᒡᓗᖕᓂ ᐅᒃᑯᐊᕈᑎᔭᖅᑐᕆᑦ. 25ᐃᓅᑉ ᐃᕐᖕᓂᖓ, ᑕᑯᒋᑦ, ᐃᒡᓗᖕᓃᓪᓗᑎᑦ ᐊᒃᓱᓈᓄᑦ ᕿᓚᒃᓱᖅᑕᐅᔪᒫᖅᐳᑎᑦ, ᐊᓂᔪᓐᓁᓪᓕᓗᑎᑦ ᐃᓄᖕᓄᐊᕈᓐᓁᓪᓕᔪᒫᖅᐳᑎᑦ. 26ᐅᕾᑦ ᖃᓂᖅᐱᑦ ᕿᓚᖓᓄᑦ ᓂᐱᑎᑦᓱᒫᖅᐸᕋ, ᑕᕝᕙ ᐅᖃᕈᓐᓁᓪᓕᔪᒫᖅᐳᑎᑦ ᐃᓅᖃᑎᒌᒡᔪᐊᓪᓗ ᐊᑭᕋᖅᑐᖅᑐᑦ ᐃᓂᖅᑎᕈᓐᓇᕐᖕᓂᐊᓐᖏᓚᑎᑦ. 27ᐅᖃᕐᕕᒋᓕᕐᖕᒥᒍᒃᑭᓪᓕ, ᐅᖃᕈᓐᓇᖅᓯᑎᑦᓱᒫᖅᐸᒋᑦ, ᑕᕝᕙ ᐅᖃᐅᑎᓕᕈᒫᖅᐸᑎᑦ, ‘ᐊᑕᓂᖅ ᒎᑎ ᐃᒫᒃ ᐅᖃᖅᐳᖅ’; ᑐᓴᕈᓐᓇᖅᑐᑦ ᑐᓴᕐᖕᓂᐊᖅᐹᑎᑦ; ᑐᓴᕈᒪᖏᑦᑐᓪᓗ ᑐᓴᕐᖕᓂᐊᓐᖏᓛᑎᑦ; ᐊᑭᕋᖅᑐᖅᑎᐅᓪᓗᑎᒃ ᐃᓅᖃᑎᒌᖑᖕᒪᑕ.”
Currently Selected:
ᐃᓯᑭᐊᓕᐅᑉ ᐊᒡᓚᖏᑦ 3: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
