ᐃᓯᑭᐊᓕᐅᑉ ᐊᒡᓚᖏᑦ 2
2
1ᐅᖃᐅᑎᕚᖓᓗ, “ᐃᓅᑉ ᐃᕐᖕᓂᖓ, ᓂᑯᕕᓕᕆᑦ, ᐅᖃᐅᓯᒃᓴᖃᕐᕕᒋᒐᒃᑭᑦ.” 2ᐅᖃᓪᓚᒃᑎᓪᓗᒍ ᓱᓕ, ᒎᑎᐅᑉ ᐊᓂᕐᖕᓂᖓᓄᑦ ᐃᑎᕐᕕᐅᓪᓗᖓ ᓂᑯᕕᑎᑕᐅᕗᖓ; ᑐᓵᕙᕋᓗ ᐅᕙᓐᓄᑦ ᐅᖃᓪᓚᒃᑎᓪᓗᒍ. 3ᐅᖃᐅᑎᕚᖓᓗ, “ᐃᓅᑉ ᐃᕐᖕᓂᖓ, ᑎᓕᕙᒋᑦ ᐃᓴᕆᐊᓕᒥᐅᓄᑦ, ᐃᓅᖃᑎᒌᒡᔪᐊᓄᑦ ᐊᑭᕋᖅᑐᖅᑎᓄᑦ, ᐅᕙᓐᓂᒃ ᐊᑭᕋᖅᑐᖅᑎᑐᖃᐅᒐᒥᒃ; ᑖᒃᑯᐊᓗ ᓯᕗᓕᕕᓂᖏᓪᓗ ᐅᕙᓐᓄᑦ ᐱᐅᖏᑦᑐᓕᓯᒪᕗᑦ ᐅᓪᓗᒥᒧᑦ ᐊᒡᓛᑦ ᑎᑭᓪᓗᒍ. 4ᓯᑎᔪᓄᑦ ᑐᓵᖏᑦᑐᓄᓪᓗ: ᑖᒃᑯᓄᖓ ᑎᓕᕙᒋᑦ; ᑖᒃᑯᓄᖓ ᐅᖃᖅᑐᒃᓴᐅᕗᑎᑦ, ‘ᐊᑕᓂᖅ ᒎᑎ ᐃᒫᒃ ᐅᖃᖅᐳᖅ.’ 5ᓈᓚᖕᓂᐊᖅᐸᑕ ᓈᓚᖕᓂᐊᖏᑉᐸᑕᓘᓐᓃᑦ ᐊᑭᕋᖅᑐᖅᑎᐅᓂᕐᖕᒥᖕᓄᑦ ᖃᐅᔨᔪᒫᖅᐳᑦ ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖓᓄᑦ ᑎᑭᑕᐅᖅᓯᒪᔪᕕᓂᐅᓂᕐᖕᒥᖕᓂᒃ.
6“ᐃᕝᕕᓪᓕ, ᐃᓅᑉ ᐃᕐᖕᓂᖓ, ᑲᑉᐱᐊᒋᓂᐊᕐᖕᓇᒋᑦ, ᐅᖃᐅᓯᖏᓪᓗ ᓯᕘᕋᒋᓇᒋᑦ, ᑲᑭᓪᓚᕐᖕᓇᖅᑐᑎᑐᑦ ᑲᐱᔭᐅᓐᓇᖅᑐᑎᑐᓪᓗ ᓯᑯᐊᕐᐱᐅᓃᑦ ᐊᑯᓐᓂᖓᓃᑦᑐᑎᑐᑦ ᑍᒤᑦᑑᖃᑦᑕᕐᖕᓂᐊᖅᐳᑎᑦ, ᑍᒤᒃᑲᓗᐊᖅᐸᑕ ᑲᑉᐱᐊᒋᑦᑍᓕᒃᑭᑦ ᐅᖃᐅᓯᖏᓪᓘᓐᓃᑦ ᓯᕘᕋᒋᑦᑍᓕᓗᒋᑦ, ᑕᐅᑦᑐᖏᓐᓄᑦ ᓴᐱᓕᖅᑎᑕᐅᑦᑍᓕᒋᑦ, ᑖᒃᑯᐊ ᐊᑭᕋᖅᑐᖅᑎᐅᖕᒪᑕ. 7ᐅᖃᖅᑕᐅᖁᔭᓂᒃ ᐅᖃᐅᓯᖃᖅᑐᒃᓴᐅᕗᑎᑦ, ᓈᓚᒃᑕᐅᓂᐊᕈᕕᑦ ᓈᓚᒃᑕᐅᔮᖏᒃᑯᕕᓪᓘᓐᓃᑦ, ᑖᒃᑯᐊ ᐊᑭᕋᖅᑐᖅᑎᐅᖕᒪᑕ.
8“ᐃᕝᕕᓪᓕ ᐃᓅᑉ ᐃᕐᖕᓂᖓ, ᐃᓕᖕᓄᑦ ᐅᖃᐅᓯᕆᔭᒃᑲ ᓈᓚᒃᑭᑦ; ᑍᒃᑯᑎᑐᓇᖅ ᐊᑭᕋᖅᑐᖅᑐᑎᑐᑦ ᐊᑭᕋᖅᑐᖅᑍᓕᒋᑦ; ᖃᓃᑦ ᐂᑦᑕᓕᕈᒃ, ᓂᕆᓂᐊᕋᕕᑦ ᑐᓂᔭᓐᓂᒃ.” 9#ᑕᑯᑎ 5:1.ᑕᑯᓴᕋᒪ, ᑕᑯᒋᑦ ᐊᒡᒐᓂᒃ ᑕᑯᓕᖅᐳᖓ ᐅᕙᓐᓄᑦ ᑐᓂᒻᒥᔪᓂᒃ, ᑎᒍᒥᐊᖅᓗᑎᒃ ᐊᒡᓚᖕᓂᒃ ᐃᒧᓯᒪᔪᓂᒃ; 10ᓯᕗᕋᓐᓄᑦ ᐃᓯᕕᒻᒪᒋᑦ; ᐃᒡᓗᒃᑐᑦ ᑎᑎᕋᕐᕕᒋᓯᒪᕗᑦ, ᑕᕝᕙᓂᓗ ᑎᑎᕋᖅᓯᒪᕗᑦ ᐅᒡᒍᐊᕐᖕᓂᖅ, ᕿᒃᓵᒃᓗᑎᒃ ᕿᐊᓂᖅ, ᑲᑉᐱᐊᓱᖕᓂᕐᓗ.
Currently Selected:
ᐃᓯᑭᐊᓕᐅᑉ ᐊᒡᓚᖏᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.