ᑯᕆᓐᑎᐊᒥᐅᓄᑦ ᓯᕗᓪᓖᑦ 3
3
ᒎᑎᒥᒃ ᐱᔨᑦᓯᕐᑏᑦ
1ᐃᓚᒃᑳ, ᒎᑎᐅᑉ ᐊᓂᕐᓂᖓᓂᒃ ᐱᖃᕐᑐᑎᑐᑦ ᐅᖃᐅᑎᔪᓐᓇᓚᐅᓐᖏᓚᑦᓯ, ᐊᓂᕐᓂᕐᒥᓕ ᐱᓯᒪᖏᑦᑐᑎᑐᑦ ᐅᖃᐅᑎᔭᕆᐊᖃᓚᐅᕐᐸᑦᓯ, ᓲᕐᓗ ᙭ᔅᑑᓯᒥ ᓄᑕᕋᐅᔪᑎᑐᑦ. 2#ᐄᑉᕈᐃᓄᑦ 5:12,13.ᐃᒻᒧᖕᒥᒃ ᐃᒥᕐᑎᓚᐅᕐᐸᑦᓯ, ᓂᕿᓪᓚᕆᖕᒥᒃ ᐱᔪᓐᓇᖏᓐᓇᑦᓯ; ᓂᕿᓪᓚᕆᖕᒧᑦ ᓱᓕ ᐊᑐᐃᓐᓇᐅᓚᐅᖏᓐᓇᑦᓯ. ᒫᓐᓇ ᓱᓕ ᐊᑐᐃᓐᓇᐅᓐᖏᓚᓯ. 3ᓱᓕ ᑎᒥᐅᑉ ᐃᓕᖅᑯᓯᖏᓐᓂᒃ ᐊᑐᕋᑦᓯ. ᐱᒃᑲᐅᓂᕐᓴᐅᔪᒪᓂᖃᕋᑦᓯ ᐊᑭᕋᕐᑐᕐᑎᒌᒃᓗᓯᓗ, ᑕᕝᕙ ᑎᒥᐅᑉ ᐃᓕᖅᑯᓯᖏᑎᑐᑦ ᐃᓕᖅᑯᓯᖃᓐᖏᓚᓰ? ᐃᓄᑐᐃᓐᓇᐅᓪᓗ ᐃᓕᖅᑯᓯᖓᓂᒃ ᐊᑐᓐᖏᓚᓰ? 4#1 ᑯᕆᓐᑎ 1:12.ᐃᓚᓯ ᐅᖃᕐᒪᑦ, “ᐸᐅᓗᓯᒥᒃ ᒪᓕᒃᑎᐅᕗᖓ,” ᐊᓯᐊᓗ ᐅᖃᕆᕗᖅ, “ᐊᐴᓗᓯᒥᒃ ᒪᓕᒃᑎᐅᕗᖓ,” ᑕᕝᕙ ᐃᓄᑐᐃᓐᓇᕐᑎᑐᑦ ᐃᓕᖅᑯᓯᖃᓐᖏᓚᓰ?
5ᑍᒪᓕ ᐊᐴᓗᓯ ᑭᓇᐅᕚ? ᐸᐅᓗᓯᓗ ᑭᓇᐅᕚ? ᒎᑎᒥᒃ ᐱᔨᑦᓯᕐᑎᑐᐃᓐᓇᐅᕘᒃ ᑖᒃᑯᑎᒎᓇᖅ ᐅᒃᐱᕐᑐᓐᖑᕐᑎᑕᐅᕗᓯ, ᐊᑕᓂᐅᑉ ᐱᔭᒃᓴᖏᖕᓂᒃ ᐊᑐᓂᑦ ᑐᓂᓯᕕᒋᓚᐅᕐᒪᒋᒃ. 6#ᐋᐴᓯᑕᓖᑦ 18:4-11; ᐋᐴᓯᑕᓖᑦ 18:24-28.ᐅᕙᖓ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᓚᐅᕐᐳᖓ, ᐊᐴᓗᓯ ᐃᒥᕐᒥᒃ ᑯᕕᓯᓚᐅᕐᐳᖅ, ᒎᑎᓕ ᐱᕈᕐᑎᑦᓯᓚᐅᕐᐳᖅ. 7ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᖅ ᐃᒥᕐᒥᒡᓗ ᖁᕕᓯᔪᖅ ᓱᓇᐅᓐᖏᓚᒃ, ᒎᑎᓕ ᐱᕈᕐᑎᑦᓯᔪᑑᕗᖅ. 8ᐱᕈᕐᓯᐊᒃᓴᒥᒃ ᑲᓐᖓᕐᓱᐃᔪᖅ, ᐃᒥᕐᒥᒡᓗ ᑯᕕᓯᔪᖅ ᐊᑦᔨᒌᒃᐴᒃ, ᐊᑐᓂᓪᓗ ᐊᑭᓕᕐᑕᐅᔪᒫᕐᐴᒃ ᐱᓇᓱᐊᕐᓂᖏᒃ ᒪᓕᒡᓗᒋᒃ. 9ᒎᑎᐅᑉ ᐱᓇᓱᐊᖃᑎᒌᒃᑎᒻᒪᑎᒍᑦ; ᒎᑎᐅᑉ ᐱᕈᕐᓰᕕᖁᑎᒋᕚᓯ, ᒎᑎᐅᑉ ᐃᒡᓗᖁᑎᒋᕚᓯ. 10ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓄᑦ ᑐᓂᔭᐅᓯᒪᔪᖅ ᐊᑐᕐᓗᒍ, ᑐᓐᖓᕕᓕᐅᓚᐅᕐᐳᖓ ᐃᒡᓗᓕᐅᕐᑎᒻᒪᕆᒃᑎᑐᑦ, ᐊᓯᓐᓂᒡᓗ ᖄᖓᒍᑦ ᐃᒡᓗᓕᐅᕐᑐᖃᓕᕐᐳᖅ. ᐃᒡᓗᓕᐅᕐᑐᓪᓕ ᐊᑐᓂᑦ ᑲᒪᑦᓯᐊᕆᐊᖃᕐᐳᑦ ᓴᓇᔭᒥᖕᓂᒃ. 11ᑐᓐᖓᕕᖕᒥᒃ ᐊᓯᐊᓂᒃ ᑐᓐᖓᕕᓕᐅᕐᑐᖃᕈᓐᓇᓐᖏᓚᖅ ᐃᓕᔭᐅᔭᕇᕐᓯᒪᔫᑉ ᐊᓯᐊᓂᒃ, ᑕᕝᕙ ᔩᓱᓯ ᙭ᔅᑑᓯᒥᒃ. 12ᑐᓐᖓᕕᐅᓪᓕ ᖄᖓᒍᑦ ᐃᒡᓗᓕᐅᕐᑐᖃᕐᐸᑦ ᒎᓗᒥᒃ, ᓯᐅᓪᕕᕆᒥᒃ, ᐅᔭᕋᖕᓂᒡᓗ ᐊᑭᑐᔪᓂᒃ, ᕿᔪᖕᒥᒃ, ᐃᕕᖕᒥᒃ ᐃᕕᑦᓱᒐᕐᓂᒡᓘᓐᓃᑦ, 13ᓴᓇᓯᒪᔭᖏᑦ ᐊᑐᓂᑦ ᖃᓄᐃᑦᑑᖕᒪᖔᑕ ᓴᖅᑭᑎᑕᐅᔪᒫᕐᐳᑦ; ᐅᓪᓘᑉ ᑍᑦᓱᒪ ᖃᐅᒪᔪᒧᑦ ᓴᖅᑭᑎᑦᓯᐊᕈᒫᕐᒪᒋᑦ, ᓇᓗᓁᕐᑕᐅᔪᒫᕐᒪᑕ ᐃᑯᒪᒧᑦ, ᐃᑯᒪᒧᓪᓗ ᐊᑐᓂᑦ ᐆᒃᑐᕐᑕᐅᔪᒫᕐᐳᑦ ᓴᓇᓯᒪᔭᖏᑦ ᖃᓄᖅ ᐱᓇᓱᐊᕐᑕᐅᓯᒪᖕᒪᖔᑕ. 14ᑐᓐᖓᕕᐅᑉ ᖄᖓᓂ ᓴᓇᔭᐅᓯᒪᔪᖅ ᐃᑯᒪᒧᑦ ᖃᓄᐃᓕᖏᑉᐸᑦ, ᑕᕝᕙ ᐱᓇᓱᐊᕐᑐᕕᓂᖅ ᐊᑭᓕᕐᑕᐅᔪᒫᕐᐳᖅ. 15ᓇᓪᓕᐊᑦᑕᓕ ᓴᓇᓯᒪᔭᖓ ᐃᑯᐊᓪᓚᒃᐸᑦ, ᓴᓇᓚᐅᕐᑕᒥᓂᒃ ᐊᓯᐅᔨᔪᒫᕐᐳᖅ, ᓇᖕᒥᓂᕐᓕ ᐱᐅᓕᔭᐅᔪᒫᕐᐳᖅ, ᐃᑯᒪᒃᑰᕋᓗᐊᕐᓗᓂ.
16 #
1 ᑯᕆᓐᑎ 6:19; 2 ᑯᕆᓐᑎ 6:16. ᖃᐅᔨᒪᓐᖏᓚᓰ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᒋᖕᒪᓯ? ᒎᑎᐅᓪᓗ ᐊᓂᕐᓂᕐᖓᑕ ᐃᓂᒋᖕᒪᓯ? 17ᓇᓪᓕᐊᑦ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ ᐊᓯᕈᐃᔪᖅ, ᒎᑎᐅᑉ ᐊᓯᕈᕈᒫᕆᕚ. ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᐃᑦᔪᕐᓁᒻᒪᑦ, ᐃᓕᑦᓯ ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᒋᕚᓯ.
18ᓇᓕᕐᓯ ᓇᖕᒥᓂᖅ ᐅᐃᕖᕐᕆᓂᐊᕋᓂ. ᐃᒻᒥᓂᒃ ᓯᓚᑐᓇᓱᒋᔪᖅ ᓯᓚᕐᔪᐊᕐᒥᐅᑦ ᓯᓚᑐᓂᖓ ᒪᓕᒡᓗᒍ, ᓯᓔᑦᑐᓐᖑᕐᑐᒃᓴᐅᕗᖅ ᓯᓚᑐᔪᓐᖑᓪᓚᕆᖁᓪᓗᒍ. 19#ᔫᐱ 5:13.ᓯᓚᕐᔪᐊᕐᒥᐅᑦ ᓯᓚᑐᓂᖓ ᒎᑎᒧᑦ ᓯᓔᓐᓂᐅᖕᒪᑦ. ᑎᑎᕋᕐᓯᒪᖕᒪᑦ, “ᒎᑎᐅᑉ ᓯᓚᑐᔪᑦ ᓂᒐᕐᑎᑉᐰᑦ ᓯᓚᑐᓵᕐᓂᖏᑎᒍᑦ.” 20#ᐃᓐᖏᕈᑦ 94:11.ᐊᓯᐊᓂᓗ ᐅᖃᕐᓯᒪᒋᕗᖅ, “ᐊᑕᓂᐅᑉ ᓯᓚᑐᔪᑦ ᐃᓱᒪᖏᑦ ᖃᐅᔨᒪᕔᑦ ᐊᑑᑎᒃᓴᖃᖏᒻᒪᑕ.” 21ᑍᒤᒻᒪᑦ ᐃᓅᑉ ᐱᔪᓐᓇᕐᓂᖏᑦ ᓂᕐᑐᕈᑎᒋᔭᐅᔪᒃᓴᐅᓐᖏᓚᑦ. ᑕᒤᑕ ᐱᒋᒐᑦᓯᒋᒃ, 22ᐸᐅᓗᓯᓘᓐᓃᑦ ᐊᐴᓗᓯᓘᓐᓃᑦ, ᓰᐸᓯᓘᓐᓃᑦ ᓯᓚᕐᔪᐊᕐᓘᓐᓃᑦ ᐃᓅᓯᕐᓘᓐᓃᑦ ᑐᖁᓘᓐᓃᑦ ᒫᓐᓇᐅᔪᕐᓘᓐᓃᑦ ᓯᕗᓂᒃᓴᕐᓘᓐᓃᑦ, ᑕᒤᑕ ᐱᒋᕙᓯ.
23᙭ᔅᑑᓯᐅᓪᓗ ᐱᒋᕚᓯ; ᙭ᔅᑑᓯᓕ ᒎᑎᐅᑉ ᐱᒋᕚ.
Currently Selected:
ᑯᕆᓐᑎᐊᒥᐅᓄᑦ ᓯᕗᓪᓖᑦ 3: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
