ᑯᕆᓐᑎᐊᒥᐅᓄᑦ ᓯᕗᓪᓖᑦ 4
4
᙭ᔅᑑᓯᐅᑉ ᐋᐴᓯᑕᓕᖁᑎᖏᑦ
1ᐃᒫᒃ ᐃᓄᖕᓂᑦ ᖃᐅᔨᒪᔭᐅᔭᕆᐊᖃᕐᐳᒍᑦ, ᙭ᔅᑑᓯᒥᒃ ᐱᔨᑦᓯᕐᑎᑐᐃᓐᓇᐅᓂᑦᑎᓐᓂᒃ, ᑲᒪᔨᐅᑎᑕᐅᑐᐃᓐᓇᕐᓂᑦᑎᓐᓂᒃᓗ ᒎᑎᐅᑉ ᐱᖏᓐᓂᒃ ᓇᓗᓇᕐᑐᓂᒃ. 2ᐱᔭᕆᐊᖃᒻᒪᕆᒃᐳᓪᓕ ᑲᒪᔨᐅᑎᑕᐅᔪᑦ ᐅᒃᐱᕆᔭᒃᓴᐅᓂᕐᒥᖕᓂᒃ ᓴᖅᑭᑎᑦᓯᔪᒃᓴᐅᓪᓗᑎᒃ ᐊᖓᔪᖅᑳᒥᖕᓄᑦ. 3ᐅᕙᖓᓕ ᐃᓕᑦᓯᓐᓄᑦ ᖃᐅᔨᓴᕐᑕᐅᒐᓗᐊᕈᒪ ᖃᓄᐃᒃᓴᓐᖏᓚᖓ ᐃᓄᐃᓪᓘᓐᓃᑦ ᐃᖅᑲᕐᑐᐃᕕᖏᓐᓂ; ᐅᕙᓐᓂᒡᓘᓐᓃᑦ ᐃᖅᑲᕐᑐᓐᖏᓚᖓ. 4ᓱᓇᒥᒡᓘᓐᓃᑦ ᐃᓱᒪᔮᕈᑎᖃᖏᓐᓇᒪ, ᐃᓱᒪᔮᕈᑎᖃᖏᓐᓂᕋᓕ ᓱᓕᔪᒥᒃ ᐸᓯᔭᒃᓴᐅᖏᒻᒪᖔᕐᒪ ᓇᓗᓁᕐᓯᓐᖏᓚᖅ. ᐊᑕᓂᕐᓕ ᑖᓐᓇ ᐅᕙᓐᓂᒃ ᐃᖅᑲᕐᑐᐃᔨᐅᕗᖅ. 5ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.
6ᑕᒪᒃᑯᐊ ᐃᓚᒃᑳ ᐅᖃᐅᓯᕆᕙᒃᑲ ᐱᕙᓪᓕᕈᑎᒃᓴᑦᓯᓐᓄᑦ ᐅᕙᖓᓗ ᐊᐴᓗᓯᓗ ᐆᒃᑑᑎᒋᓗᓄᒃ, ᑐᑭᓯᒃᑲᓐᓂᖁᓪᓗᓯ ᐅᖃᐅᓯᕆᓯᒪᔭᑦᑎᓐᓂᑦ, ᐅᓇ ᐅᖃᐅᓯᐅᕙᒃᑐᖅ ᑐᑭᓯᓂᐊᕋᑦᓯᐅᒃ, “ᐱᖁᔧᑦ ᒪᓕᑦᓯᐊᕐᓗᒋᑦ ᐃᓅᔪᒃᓴᐅᕗᓯ.” ᓇᓕᕐᓯ ᐱᐅᔪᕆᓗᓂ ᐃᓄᐃᑦ ᓇᓪᓕᐊᓐᓂᒃ ᐱᐅᓂᕐᓴᐅᓂᕅᖁᓇᒍ ᐊᓯᐊ ᓇᕐᕈᒋᓗᒍ. 7ᑭᐊ ᐃᓅᖃᑎᖕᓂᑦ ᐊᔪᖏᓐᓂᕐᓴᐅᑎᑉᐹᑏᑦ? ᓱᓇᒥᒡᓕ ᐱᓯᒪᕕᑦ ᑐᓂᕐᕈᓯᐊᕆᓐᖏᑕᕐᓂᒃ? ᑐᓂᓯᕕᐅᓯᒪᒍᕕᑦ, ᓱᖕᒪᓪᓕ ᐃᓕᖕᓂᒃ ᓂᕐᑐᕐᐲᑦ? ᐱᓯᒪᔧᑦ ᑐᓂᕐᕈᓯᐊᕆᓯᒪᓐᖏᑕᕐᑐᑦ ᐱᓕᕐᓗᒎ?
8ᒫᓐᓇᓕ ᐱᔪᒪᔭᓕᒫᓯ ᐱᓯᒪᓕᕐᐸᓯ, ᑕᒤᓐᓂᒃ ᐊᔪᕐᓴᕈᓐᓃᕐᓗᓯ! ᐅᕙᒍᑦ ᑍᒤᓚᐅᕐᑎᓐᓇᑕ ᐊᖓᔪᖅᑳᕐᔪᐊᑎᑐᑦ ᑍᒤᓕᕐᐳᓯ! ᐊᖓᔪᖅᑳᕐᔪᐊᓐᖑᖁᕙᑦᓯ, ᐊᐅᓚᑦᓯᔨᐅᖃᑎᒌᖕᓂᐊᕋᑦᑕ! 9ᐅᕙᓐᓄᓪᓕ ᐃᓱᒪᓇᕐᑑᕗᖅ ᒎᑎᐅᑉ ᐋᐴᓯᑕᓕᐅᔪᒍᑦ ᐃᓄᖕᓂᑦ ᑭᖑᓪᓕᕐᐹᒦᑦᑐᑎᑐᑦ ᐃᓂᖃᕐᑎᒻᒪᑎᒍᑦ, ᓲᕐᓗ ᑐᖁᑕᐅᕕᒋᓂᐊᕐᑕᑦᑎᓐᓄᑦ ᐂᑎᑕᐅᔪᑎᑐᑦ; ᓯᓚᕐᔪᐊᕐᒥᐅᓕᒫᓄᑦ ᑕᑯᕋᓐᓈᕐᑕᐅᖁᓪᓗᑕ, ᐂᖏᓕᓄᑦ ᐃᓄᖕᓄᓪᓗ. 10᙭ᔅᑑᓯ ᐱᑦᔪᑎᒋᓪᓗᒍ ᓯᓔᑦᑑᔭᕐᐳᒍᑦ, ᐃᓕᑦᓯᓕ ᙭ᔅᑑᓯᒥ ᓯᓚᑐᕗᓯ. ᓴᓐᖐᑦᑑᕗᒍᑦ, ᐃᓕᑦᓯᓕ ᓴᓐᖏᔫᕗᓯ. ᐅᐱᒋᔭᐅᕗᓯ, ᐅᕙᒍᓪᓕ ᓇᕐᕈᒋᔭᐅᕗᒍᑦ. 11ᒫᓐᓇᒧᑦ ᑎᑭᓪᓗᒍ ᑳᒃᐳᒍᑦ ᐃᒥᕈᒃᓗᑕᓗ, ᐊᓐᓄᕌᕗᑦ ᐊᓕᒃᑐᕐᓯᒪᕗᑦ ᐊᓇᐅᓕᕐᑕᐅᕙᒃᓗᑕᓗ; ᓇᒧᑐᐃᓐᓇᕐᓗ ᓄᒃᑕᕐᐳᒍᑦ ᐊᖏᕐᕋᖃᕋᑕ ᑕᒫᓂᕐᕆᔭᒃᑐᑎᑐᑦ, 12#ᐋᐴᓯᑕᓖᑦ 18:3.ᓇᖕᒥᓂᖅ ᐊᒡᒐᑦᑎᓐᓄᑦ ᐊᒃᓱᕈᕐᓇᕐᑐᒥᒃ ᐱᓇᓱᐊᕐᐳᒍᑦ. ᓇᕐᕈᓇᕐᓂᕋᕐᑕᐅᔭᕌᖓᑦᑕ, ᓮᒻᒪᕐᑎᑦᓯᕙᒃᐳᒍᑦ; ᐊᑭᕋᕐᑐᕐᑕᐅᓕᕅᒐᑦᑕ, ᕿᓄᐃᓵᕈᑎᒋᕙᒃᐸᕗᑦ; 13ᐅᖃᕐᓂᕐᓗᒡᕕᐅᔭᕌᖓᑦᑕ, ᐱᑦᓯᐊᕐᓂᕐᒥᒃ ᑭᐅᕙᒃᐳᒍᑦ; ᒫᓐᓇᒧᑦ ᐊᒡᓛᑦ ᑎᑭᓪᓗᑕ ᓯᓚᕐᔪᐊᕐᒥᐅᑦ ᐊᒃᑕᕐᓗᑯᖏᑎᑐᑦ ᑍᒤᑉᐳᒍᑦ; ᓇᖁᔭᕐᓇᕐᑐᑎᑐᑦ ᐱᐅᖏᓐᓂᕐᐹᑎᑐᑦ ᐃᓄᓕᒫᓄᑦ ᑍᒤᓪᓗᑕ.
14ᑕᒪᒃᑯᓂᖓ ᑎᑎᕋᓐᖏᓚᖓ ᑲᓐᖑᓱᒃᑎᑦᓯᓇᓱᐊᕐᓗᖓ ᐃᓕᑦᓯᓐᓂᒃ, ᑐᑭᓯᒃᑲᓐᓂᕐᑎᓐᓇᓱᐊᕐᐸᑦᓯᓕ ᓇᖕᒥᓂᖅ ᕿᑐᕐᖓᑦᑐᑦ ᓇᒡᓕᒋᔭᑦᑐᑦ. 15ᐊᒡᓛᑦ 10,000ᓂᒃ ᑲᒪᔨᖃᕋᓗᐊᕈᑦᓯ ᙭ᔅᑑᓯᒥ, ᐊᒥᓱᓂᒃ ᐊᑖᑕᖃᖏᓐᓇᑦᓯ. ᐃᓕᑦᓯᓐᓄᑦ ᐊᑖᑕᒋᔭᐅᒐᒪ ᙭ᔅᑑᓯ ᔩᓱᓯᒥ ᐅᖃᐅᓰᑦ ᑐᓴᕈᒥᓇᕐᑐᑦ ᐊᖅᑯᑎᒋᓪᓗᒋᑦ. 16#1 ᑯᕆᓐᑎ 11:1; ᐱᓕᐱ 3:17.ᑕᕝᕙ ᐃᓇᑉᐸᑦᓯ, ᐅᕙᓐᓂᒃ ᒪᓕᒃᑎᐅᓚᐅᕆᑦᓯ. 17ᑍᒤᒻᒪᑦ ᑎᒧᑎ ᐃᓕᑦᓯᓐᓄᑦ ᑎᓕᕙᕋ, ᐃᕐᓂᕋ ᓇᒡᓕᒋᔭᕋ ᐊᑕᓂᕐᒥ ᓱᕐᕋᔪᐃᑦᑑᖕᒪᑦ, ᑖᑦᓱᒪ ᐃᖅᑬᑎᓐᓂᐊᕐᒪᓯ ᐃᓅᓯᕆᔭᓐᓂᒃ ᙭ᔅᑑᓯᒥ, ᑍᒫᒡᓗ ᐊᔪᕆᕐᑐᐃᕙᒃᑲᒪ ᓇᓂᑐᐃᓐᓇᖅ ᐅᒃᐱᕐᑑᖃᑎᒌᓕᒫᓂ.
18ᐃᓚᓯ ᐃᓚᖏᑦ ᐱᐅᔪᕆᓕᕐᐳᑦ, ᐅᕙᓐᓂᒃ ᑎᑭᓐᓂᐊᕋᓱᒋᒃᓯᓐᖏᒧᑦ. 19ᐊᑕᓂᕐᓕ ᐱᖁᔨᒃᐸᑦ, ᑎᑭᓛᑦᐳᖓ ᐊᑯᓂᐅᓗᐊᖏᑦᑐᖅ, ᑎᑭᒃᑯᒪᓗ ᓇᖕᒥᓂᖅ ᖃᐅᔨᑦᓯᐊᓛᕐᐳᖓ ᑍᒃᑯᐊ ᐃᒻᒥᖕᓂᒃ ᐱᐅᓇᓱᒋᔪᑦ ᖃᓄᖅ ᐱᔪᓐᓇᕐᓂᖃᕐᑎᒋᖕᒪᖔᑕ, ᐅᖃᐅᓯᑐᐃᓐᓇᕐᒥᒃᑎᒎᖏᑦᑐᖅ. 20ᒎᑎᐅᑉ ᐊᑕᓂᐅᕕᖓ ᐅᖃᐅᓯᑐᐃᓐᓇᕐᓄᑦ ᐱᖏᒻᒪᑦ ᐱᔪᓐᓇᕐᓂᕐᒧᓪᓕ. 21ᓇᓪᓕᐊᓐᓂᒡᓕ ᐱᔪᒪᕕᓯ? ᑏᒐᕈᑎᖃᕐᓗᖓ ᑎᑭᑦᑐᒃᓴᐅᕗᖓ, ᐅᕝᕙᓗ ᓇᒡᓕᖕᓂᖃᕐᓗᖓ ᐊᓂᕐᓂᒃᑯᑦ ᐃᓕᕋᓇᖏᑦᑐᒥᒃ?
Currently Selected:
ᑯᕆᓐᑎᐊᒥᐅᓄᑦ ᓯᕗᓪᓖᑦ 4: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
