Makətūbə̄ yā Jeremi 45
45
Najə̄ ń kadə̄ ədan̄ Baruk ní
1Kem ɓāl̄ kə́ nge ko̰ sɔ́ ń Joakim kə́ ngōn̄ Josias ndiń mban̄g *Juda tə́ ní, Jeremi tə́da najə̄ gə̄ adə̄ Baruk kə́ ngōn̄ Neriya ndang makətūbūú anī, ɔr̄ najə̄ seneé ədan na: 2Kɔ́ɔ̄ɓē, Nə́ɓā yā *Israel ɔr̄ najə̄ seí ḭ̄ Baruk i tītə̄ ń toō beē: 3Ḭ̄ ə́da na: Rɔ̄ ndoō wa. Tɔdɔ̄ Kɔ́ɔ̄ɓē na tél ənī wur kɔl dɔ yá̰a̰ gə̄ ń tōrə̄n̄ rɔ̄í tə́ ní, tɔ́gí na təgā kɔ̄ɔ́ loo to̰ō̰ rus rus tə́, na á̰a̰ loo taā koō alé. 4Kɔ́ɔ̄ɓē ɔr̄ najə̄ seí i tītə̄ ń toō beē:
Yá̰á̰ ń m̄-rāā ní, mə̄kɔ́ m̄-nujəń ō,
yá̰á̰ ń m-ə̄ndā ní, mə̄kɔ́ m-ɔ̄r̄ kɔ̄ɔ́ kə gír ngəraá ō,
m̄-rāā tītə̄ ń noō kə gō loo gə̄ malang.
5Ḭ̄ ī-sāā rāā yá̰á̰ kə́ bo ngá̰ý gə̄ ní,
ī-lōō gír̄ dɔ tə́ to̰.
M-ā m̄-rāā kadə̄ yá̰á̰ kə́ to kum kaȳ aĺ əsō dɔ de gə̄ tə́ malang,
banī m-ā m-ādə̄ ā ī-teē ta yo tə́, loo malang ń ā āw̄ tū tə́ ní tə́.
Najə̄ ń Kɔ́ɔ̄ɓē əda ní n noó.
Currently Selected:
Makətūbə̄ yā Jeremi 45: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
