Sekaria 10
10
1 #
Yer 14:22; Yok 2:23. Kilipa yesi EJAKAIT akiru Kapak naka akiru nakiloboet,
Ŋes EJAKAIT loesubi aimiliaununeta;
Einakini ŋesi kes ilimilimia luka akiru,
Ŋinirunanan ikui komanikor.
2 #
Mat 9:36; Mk 6:34. Naarai eneras iterapim #10:2 iterapim kes aputosia nuka idekesio aamameak,
Apotu ikadwarak koanyutu aimod;
Apotu ikerujak kolimokis airujasia nukainal,
Italakarete atai.
Kanuka nun ŋes epaariata ituŋa kwape amerekekin;
Itieanio naarai emamei ekecokon.
3 #
Any 4:31; Rus 1:6; Sep 2:7; Luk 1:68; 1 Pet 2:12. “Enepu anyunyuraka aluikin ikeeokok,
Eticani ikorwa:
Naarai aanyana EJAKAIT loka ajoresio esipanike, ekek loka Yuda,
Itarauni kes kwape ekebalasit loejok kojie.
4 #
Isa 22:23. Elomuni kamakee amoru naka agor,
Kamakee eloit, kamakee akabwa naka ejie,
Kamakee da nolikayaiton.
5Eraunos bala ituŋa lukirigin,
Icakacakaete lukasurupokee korit loka irotin kojie;
Ejiosi, naarai ejai EJAKAIT kakes:
Isurumete ikebwanenok ibalasin ileje.
6“Etogogoŋi eoŋ ekek loka Yuda,
Etajari da ekek loka Yosep.
Enyakuni kes, naarai etimi kes;
Eraunos bala mam eoŋ erenearit kes;
Naarai arai eoŋ EJAKAIT Ekecedeke, eirari kes.
7Eraunos luka Epuraim kwape etuŋanan lokirigi,
Elakara ikecetauon kwape luelakara kanuka ebino.
Eebo, eanyunete ikeeedwe nun, elakaros:
Iyalamikinos ikecetauon kotoma EJAKAIT.
8 #
Isa 5:26. “Einyuni kes, atukonokini kes;
Naarai alaku kes:
Iyatanakinos kwape kolo eyatanakinototor.
9Karaida abu kesiarisiar kes kotuna;
Keitunete kesi eoŋ kakwapin nuelwaka:
Ebusete nepepe kidwekee, eboŋunete.
10 #
Rom 11:25; Any 14:26,27; Isa 49:20. Enyakuni kes bobo anyoun kakwap nako Misiri,
Atukonokini kes koAsuria;
Etolomuni kes akwap naka Gilead ka Lebanon;
Komam akwap ilosikini kes.
11 #
Esk 30:13. Itorete kesi aŋolol naka aitieanitoi,
Inomio akailan nuka aŋolol,
Eokete ataroi kere nuka Nile.
Itisilio eitur loka Asuria,
Enyouni da ebela loka ajakanut nako Misiri.
12Etogogoŋi eoŋ kes kotoma EJAKAIT,
Ebala EJAKAIT ebe, Irimete kokirorike.”
Currently Selected:
Sekaria 10: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
