Sekaria 11
11
1Koŋa ikekiakon, ijo Lebanon,
Tetere idopori akim iresiakon.
2Kodelo ijo eberos, naarai ebiror eres,
Naarai amudiaros ikito lukaiokak.
Kodelosi, yes iluan luka Basan,
Naarai aiepar amagoro naegogon,
3Eporoto loka adelor naka ikeeokok!
Naarai eŋatara aibusesukec.
Eporoto loka iŋatunyo ludidik luegatas!
Naarai eŋatara eitur loka Yorodan.
4Abu EJAKAIT Ekadeke kiner kwanata ebe: “Korau ijo ekecokon loka esipan loebuni aario. 5#Ikis 29:19; Yer 2:3; Kos 12:8; Yok 16:2; 1 Tim 6:9; 2 Pet 2:3. Luegwelete kes earete kes, kobalas ebe mam adiokirot naitelekarit kes; nul da luegwelarete kes ebalasi ebe, “Kituritete EJAKAIT, naarai abar eoŋ’: mam ikeeokokokee itimete kes, 6Naarai ebala EJAKAIT ebe, Mam bobo etimi luibojete kakwap. Konye, koany, ejaikini ituŋa ninitunanan akan naka iidunyeteke, akan da naka ekabakake: edanyete lukakwap, mam eoŋ da ayuuni kes kakanikec.”
7 #
Sep 3:12; Mat 11:5. Araun do ekeeokon loka esipan loebuni aario, kanuka ikagwelak amerekekin. Kalemu da ibelai iarei; abu kamaik ediopet ekekiror Asianut, kamaik da ece ekekiror Eidie. Ketadak da esipan. 8#Kos 5:7. Kolap ediopet kamudia ikecokok iuni. Naarai etapasito ekatau, kes da kalaitos eoŋ. 9#Yer 15:2. Kasodi eoŋ atemar atiar, “Mam teni araun ekecokonikus. Ŋin yenetwani, kotwana; nin yenemudiario, komudiarai; nul da luideunos konyamata ninidiopet akiriŋ naka yenice.” 10Ketin ekabela Asianut, kabil, tetere abili akaitutuket naetutukit kituna kere, 11Kobilai kapaaran kaŋin: kwaŋin kojenut ikagwelak amerekekin lukerereete eoŋ ebe kerai akirot naka EJAKAIT, 12#Any 21:32; Mat 26:15. Kabala kes ebe, “Arai kitojokito, koinakinai eoŋ ekaropit; arai mam, kinyeis.” Kitemoto do ekaropit atutubeta akaisauni nuka epuesa, #Mat 27:9-10. 13Kabala EJAKAIT eoŋ ebe, “Kocakak ekaiean” etiai lokapolon loapotu ketemokis eoŋ. Kalem atutubeta akaisauni nun nuka epuesa, kacakak ekaiean, togo loka EJAKAIT. 14Kasodi eoŋ aibil ebelaka ece Eidie, tetere abili einaeane kama ejai Yuda ka Isirael.
15 #
Esk 34:2. Kabala EJAKAIT eoŋ ebe, “Kolemu bobo iboro luka ekeeokon loebanaana. 16Naarai koany, adakuni ekecokon kakwap, lomam epod lueoliorito, karaida amoot luesiarakina, karaida aider luebilil; mam da itadaki luicasito, konye enyami ŋesi akiriŋ naka luetumitos, ecilicilei imagegerekee.
17 #
Yer 23:1; Yok 10:12; Mik 3:6. Itukwi ekeeokon lotai loejali esipan!
Kojaun ekileŋ akanike, akonuke da nakoteten!
Koono de akekan,
Komudukanar eut akekonu nakoteten!”
Currently Selected:
Sekaria 11: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
