Sekaria 9
9
Abwokon
1 #
Sab 145:15; Isa 17:1-3; Yer 49:23-27; Amo 1:3-5. Akirot naka EJAKAIT mama ejai akwap naka Kadurak,
Ka Damasiko aibois naeounere.
Naarai itei EJAKAIT akoŋu naka ituŋanan
Ka naka atekerin kere nuka Isirael. #Isa 23:1-18; Esk 26:1–28:26; Yok 3:4-8; Amo 1:9-10; Mat 11:21-22; Luk 10:13-14.
2 #
Yer 49:23; Amo 1:9; Oba 1:20; Esk 28:3. Kamat da loidunyatar eikoruke:
Turo ka Sidon, naarai eco ŋesi.
3Abu Turo koduk abwas naegogon kanuken,
Kotukonok epuesa bala apua,
Ka esabu loejok kwape erit loka irotin.
4 #
Esk 26:17. Koany, ireneari ŋes EJAKAIT,
Ecakari akebar toma aŋolol;
ldoporio kakim.
5 #
Isa 14:29-31; Yer 47:1-7; Esk 25:15-17; Yok 3:4-8; Amo 1:6-8; Sep 2:4-7; Asw 8:26. Eanyuni Asukelon ŋun, ekurianari;
Gasa da, eriebakin noi;
Ka Ekuron, naarai itisilio nuabu komuno.
Eoliori ekabaka koGasa,
Mam ituŋa ibojenenete koAsukelon.
6Iboie ateker nainyalakina koAsudod,
Etanaŋi da eitur loka Ipilisitian.
7Alemari akeokot kaitukuke,
Italesiake da kokidin okelake;
Eraun ŋesi da aatoŋot naka Edekewok:
Eraun kwape ekapolon koYuda,
Ka Ekuron kwape Eyebusit.
8 #
Ikis 33:27; Sab 34:7; Any 3:7. Edukuri airigaun ekatogo asurokin aiore,
Komam yenitori karaida aboŋor:
Mam bobo ekamwanan itori tomakec:
Naarai kwana aany kakakonye.
9 #
Mat 21:5; Yok 12:15; Sab 2:6; Yok 1:49; Luk 19:38; Isa 45:21; Asw 22:14; 1 Pet 3:18. Kiyalamikin noi, ijo apese naka Sion!
Kikalal, ijo apese naka Yerusalem!
Koany, ebunit ekabakakon neijai:
Erai loedolit ejaas kaitajario;
Itasono kibwanenite da isigiria,
Itaok yenika asigiria.
10 #
Sab 72:3,8; Isa 11:10; Pes 2:14; Kol 1:20,21; Sab 72:8; Isa 9:6,7; Mik 5:4; Apu 11:15. Ademari Epuraim agali,
Ka Yerusalem da ebalasi,
Edemario da akabwa naka ejie;
Elimokini da atekerin ainapakin;
Ilosikin ayaiteke anyoun kaŋolol kiton aŋolol,
Ido anyoun koCor kiton osaŋe loka akwapin.
11 #
Isa 61:1; Any 24:8. Ka jo da, kanuka aokot nuka aitutuketekon,
Adau alemun ienanakon kotoma aipany namam akip,
12Kibelokinos neejai abwas naegogon,
Yes ienan luemunos;
Kalimonokin lolo ebe kenyakakini jo irwan aarei.
13Naarai abu ketukud Yuda kwape akakabwa,
Etemok Epuraim araut ekemal;
Esidiki da odwekon, wu Sion,
Aluikin odwekon, wu Yaban,
Ketuluori jo kwape ekileŋ loka lokirigi.
14Etakanuni EJAKAIT kamakec,
Elomari emaleke kwape eimilia:
Ekutakini Ejakait EDEKE arupepe,
Euparos kitapipirion luka eŋalakimak,
15 #
Leb 4:25. Eiikini kes EJAKAIT loka aioresio;
Enyamete, icakacakaete alica nuka aporocet;
Emasete akeceokot kwape kajon:
Ilelebunos kwape atanyia,
Kwape agoria nuka etem.
16 #
Esk 37:23; Mal 3:17; Isa 11:12. Itaiari kes EJAKAIT Ekecedeke kapaaran kaŋin
Kwape esipan loka iketuŋa:
Naarai eraunos bala amor nuka aboko,
Emwekimwekete kakwapuke.
17Naarai epol ca ma akejokis,
Epol ca ma aketemelel!
Itopolounete akima ikatumunak,
Ka ebino da lokitetet apesur.
Currently Selected:
Sekaria 9: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
