Matayo 26

1 # Mat 7:28; 11:1; 13:53; 19:1. Nakedaunia Yesu akiro ŋun kere, kotema ikekesisiak atiar, 2#Mk 14:1,2; Luk 22:1,2.“Ijenete ebe esalito apaarasia aarei, kosodi ejaun Aleleŋ, ijaikinio Okoku loka etuŋanan aibubukinio.” #Any 12:1-27; Mat 20:18.

3Kosodete kotukonokinos isasedotin lupeti ka imakio luka ituŋa toma alaro naka esasedoti lopeti, ekekiror Kaiapa, 4kinerut nepepe tetere ikamunete Yesu kapirianut kosodete aiar. 5Konye kobalas ebe, “Mere toma apak naka epucit, kinyek ecelet ajaun kotuŋa.”

6 # Mk 14:3-9; Luk 7:36-50; Yok 12:1-8. Nakejaar Yesu Betania togo loka Simon lokatapon, 7#Luk 7:37-38. kobu aberu mamakeŋ nakejai ekube loka akinyet naketiai loepol noi, kobukok akouke, iboie enyami, 8Konye nakeanyuniata ikekesisiak, konyunyuras kobalas ebe, “Anyoin aimadiŋ na? 9Naarai tikegwelar akinyet na apesan nuipu, akoranakin lukican.” 10#Luk 11:7. Konye kojenu Yesu, kotema kes atiar, “Kanukinyo itiyaloŋoŋooto aberu na? Naarai keswamaki eoŋ aswam naejok. 11#Ikis 15:11. Naarai apaarasia kere ejaas lukican nepepe kayes, konye eoŋ mam kija kayes apaarasia kere. 12Naarai kanu abukokinia akuanaka akinyet ŋin, eswama kwaŋin tetere itemokini eoŋ aidaio. 13Abeit katemari yes atiar, Neelimonokinio Akiro nu Nukajokak kotoma akwapin kere, ŋin naeswama aberu na elimorio akiitunitor ŋes.”

14 # Mk 14:10,11; Luk 22:3-6. Kapak kaŋin kolot ediopet kalutomon kaarei, ekekiror Yuda Isikariot, mama ejaas isasedotin lupeti, 15#Sek 11:12; Yok 11:57. kotema kes atiar, “Kiinakinete eoŋ inyo arai kejaik ŋes mamakus?” Kotacakis ŋes atutubeta akaisauni nuka epuesa. 16#1 Tim 6:9,10. Ameun kapak kaŋin komoote apak naejok aijaikinia ŋes.

17 # Mk 14:12-16; Luk 22:7-13. Kapaaran nasodit naka imugatin lumam itubuunitoi, kopotu ikesisiak mama ejai Yesu, kotemasi atiar, “Ikoto ketemokis lali konyamak lukaleleŋ?” #Any 12:18-20. 18#Mat 21:3. Kotema atiar, “Kolot ore mama ejai mutan, kolimokis ŋes ebe, ‘Ebala Ekesisianakinan ebe, aapu akapak; etodolikini Aleleŋ orekon nepepe kikakesisiak.’ ” 19Kiswamata ikesisiak kwape kicorakinia Yesu, kitemokis lukaleleŋ.

20 # Mk 14:17-26; Luk 22:14-23; Yok 13:21-26. Nakimukoki akwap, kiboikin ainyam nepepe kikesisiak lutomon kaarei; 21napenyamete, kotema atiar, “Abeit katemari yes atiar, ediopet kayes kabilakini eoŋ ebotet.” 22Kitururwoto noi, kogeut aiŋitanar ŋes ediopet ediopet ebe, “Ŋes ca nat eoŋ ya, Ejakait?” 23#Sab 41:10. Koboŋok ebe, “Ŋol lokicunyi keoŋ atibo, ŋes kabilakini ebotet. 24Elosi Okoku loka etuŋanan kwape kiwadikatere kanukeŋ, konye itukwi etuŋanan ŋol loebilakini Okoku loka etuŋanan ebotet! Tiejok kama ketuŋanan kaŋol arai mam kewuruunitai.” 25Koboŋok Yuda lokebilakinit ŋes ebotet kotema atiar, “Ŋes ca nat eoŋ ya, Rabi?” Kotema atiar, “Ijo ibala.” 26#Mat 14:19; 1 Kor 11:23-25. Napenyamete, kolem Yesu emugati, kisirereŋ, kobilibil, koinak ikesisiak, kobala ebe, “Kolemutu, konyamata; lo ŋes akakuan.” 27Kolem akoli da, kedau aimal, koinak kes, kobala ebe, “Komata yesi kere lo: 28#Any 24:8; Yer 31:31-34; Sek 9:11. naarai nu kes akaokot nuka aitutuket, nuebukoros kanuka ikepuak alemar aronisio, 29Katemari yes atiar, Mam amasi bobo cut nuka araito na naka emusabibu kiton apaaran ya naamasia nukitetiak nepepe kayes kotoma ajakanut naka Papaka.”

30 # Sab 113–118; Luk 22:39; Yok 18:1. Nakedauniata ayoore ekosio, kolomasi koloto Moru loka Iseitunin, 31#Mk 14:27-31; Luk 22:31-34. Kosodi Yesu kotema kes atiar, “Iguikinos yesi kere kakuar kana kanukaŋ; naarai iwadikatai ebe, ‘Ebuŋai rwaru ekecokon, isiarakinos amerekekin nukosipan.’ #Sek 13:7; Yok 16:32. 32#Mat 28:7,16. Konye kadau ajarun, keŋarenikinete yes alosit Galilaya.” 33Koboŋok Petero kotema ŋes atiar, “Karaida kiguikinos kere kanukon, konye eoŋ mam keguikini cut.” 34#Yok 13:38. Kotema Yesu ŋes atiar, “Abeit katemari jo atiar, akuar na, eriŋa ekokoro keruikino, kiŋeri eoŋ irwan auni.” 35#Mat 26:56. Kotema Petero atiar, “Karaida kebusakinit atwanare kajo, mam kaŋeri jo cut.” Kinerata ikesisiak kere da kwape kwaŋin.

36 # Mk 14:32-42; Luk 22:40-46. Kosodi kodolok Yesu nepepe kakes aibois naenyaritai Getesemane, kotema ikekesisiak atiar, “Kiboikinos ber ne, kekunya ŋina ailip.” 37#Bur 5:7. Koyaŋa Petero ka odwe iarei luka Sebedayo, kogeu aiturur ka aburun. 38#Sab 43:5; Yok 12:27. Kosodi kotema kes atiar, “Itururwei ekatau noi, aapiar atwanare; kosalata yesi ne, kokwenya nepepe keoŋ.” 39#Yok 18:11; Bur 5:8. Kikunyak nediokasilon, kibiror ebuburia, kilip ebe, “Wu Papaka, arai epedoros, kenac akoli na; konye mere nuakoto eoŋ, dimarai kwape ikotor ijo.” 40Kobu mama ejaas ikesisiak, kodum kes ejotoete; kotema ŋesi Petero atiar, “Aso ca mam ipedorete aikweny nepepe keoŋ esawa ediopet? 41#Bur 2:14; 4:15. Kokwenya, kilipa kinyeis alomar toma acodunio; ekoto bo emoyo, konye ekalanyana akuan.” 42Koboŋo bobo nakiareit kilip ebe, “Papaka, arai mam epedori akoli na ainac komam eoŋ amasi, kiswamai do nuikoto ijo.” 43Kobu bobo kodum kes ejotoete, naarai eluranaros ajo. 44#2 Kor 12:8. Kinye kes bobo, kolot kilip nakiwuniet, inera bobo akiro kwapekwa. 45Kosodi kobu mama ejaas ikesisiak, kotema kes atiar, “Iroko kereka ijotoete, iyeŋito? Koany aapu esawa, einakinio Okoku loka etuŋanan akanin nuka ikadiakanarak. 46#Yok 14:31. Konyoutu, kaloto; koany, eapie lokabilaki ebotet.”

47 # Mk 14:43-50; Luk 22:47-53; Yok 18:3-12. Napinera ŋesi kobu Yuda, ediopet kotomon kaluarei, koupas kekodet loepol lokejaas ikileŋa, ka ibelai, epote kama ejaas isasedotin lupeti ka imakio luka ituŋa, 48Koinakinite lokebilakini ŋes ebotet kes aanyunet ebe, “Loanui eoŋ ŋes ŋol; kikamutu ŋes.” 49Atipet kolot mama ejai Yesu, kotema atiar, “Yoga, Rabi!” Konu noi, 50Kotema Yesu ŋes atiar, “Opapero, kiswama nukiyaunito.” Kosodete kikunyakis koriosi akecekanin kikamut Yesu, 51Ido koany, ediopet kaŋul kalukejaas kaYesu korio akekan, kout ekekileŋ, kinom ebulesit loka losasedoti lopeti, kojepa akekit. 52#Age 9:6; Apu 13:10. Kosodi Yesu kotema ŋes atiar, “Kinyakak ekileŋikon aiboisike; naarai kere luekapito ikileŋa, emudiari ekileŋ. 53#Yoe 3:11. Arai iwomitos ebe mam apedori aiŋaiŋa Papaka, kejukak kwape kwana irioŋeta luedeparito itomon ka luarei luka imalaikan? 54Aso edolete biai nukiwadikatai ebe ibusakinit ŋun ajaun?” 55#Luk 19:47; 21:37. Kosawa kaŋol kotema Yesu ikodeta atiar, “Ilomutu teni yesi kikileŋa ka ibelai aikamun eoŋ, bala ekaŋatan? Ŋinipaaran eboonokin kotoma oyekalu esisianakini, komam kikamunete eoŋ, 56#Mat 26:31. Konye ajaut nu kere tetere edolete nukiwadikato inabin.” Kosodete kojalakis ŋes ikesisiak kere, kokerata.

57 # Mk 14:53-72; Luk 22:54-71; Yok 18:12-27. Lukikamunete Yesu koyaŋaasi mama ejai Kaiapa losasedoti lopeti, neketukonokina ikewadikak ka imakio. 58Kotupa Petero kama elwana, kiton alaro naka losasedoti lopeti, koloma toma, kiboikin nepepe ka ikedarak aanyun nuebeikinete. 59Aso komoata isasedotin lupeti ka aurianet kere ikajenak lukeŋalak aluikin Yesu tetere earete, 60mam edumuna, karaida ketakanut ikajenak luipu lukeŋalak, Konye kokau kotakanut iarei, 61#Yok 2:19-21. kobalas ebe, “Abala ŋol ebe, apedori aiket eyekalu loka Edeke, ka adukokin apaarasia auni.” 62Kosodi kobwo losasedoti lopeti kotema atiar, “Mam ca bo iboŋokini akirot? Anyoika ŋun nuetejenut ŋul aluikin jo?” 63#Mat 27:12. Konye kililiŋ Yesu. Kotema losasedoti lopeti ŋes atiar, “Kesiyapoi jo mama ejai Edeke lokajaran, kolimokinai cani sio arai irai ijo Kristo, Okoku loka Edeke.” 64#Dan 7:13; Sab 110:1; Mat 16:27; 24:30. Kotema Yesu ŋes atiar, “Ijo ibala, Konye katemari yes atiar, Amear kwana ianyunete Okoku loka etuŋanan iboie kakan nakoteten naka Apedor, ebuni kotoma odouon luka akuj.” 65#Leb 24:16; Mat 9:3; Yok 10:33. Kosodi kocil losasedoti lopeti ikenapen, kobala ebe, “Ainyanaki, Anyoika bobo kipudar ikajenak? Koany, iirasi kwana akeinyanakin, 66#Yok 19:7. Iwomitos anu?” Koboŋokis ebe, “Ibusakinit atwanare.” 67#Isa 50:6. Kosodete kimwaanakis aimul akonyeneke, kodipidipoto ŋes; ice da kibapanasi, 68kobalas ebe, “Ijo Kristo, kodwarak iŋai! Iŋai bo kibuŋa?”

69Kiboie Petero kokiŋa kotoma alaro: kobu apese mama ejai kobala ebe, “Ijai nan ijo da nepepe kaYesu Egalilayat.” 70Konye koŋer kakonyen nuka ituŋa kere, kobala ebe, “Mam ajeni nuinera ijo.” 71Konye nakelomunia okek, koany acepese ŋes, kotema ŋesi lukejaas nen atiar, “Ajai lo da nepepe ka Yesu Enasarayot.” 72Koŋer bobo kaiyapo ebe, “Mam ajeni etuŋanan ŋol.” 73Nediokasilon kopotu lukebwoete kanen, kotemasi Petero atiar, “Abeit irai ijo lokec, naarai itejenunit ekoniiner.” 74Kosodi kogeu eilam ka aiyapo ebe, “Mam eoŋ ajeni etuŋanan ŋol.” Atipet koruik ekokor. 75#Mat 26:34. Kiitu Petero akirot nakelimokini Yesu ŋes ebe, “Eriŋa ekokor keruikino, kiŋeri eoŋ irwan auni.” Koloma kiŋa komonyi noi akiyo.

Currently Selected:

Matayo 26: AOV1961

Highlight

Copy