Matayo 27

1 # Mk 15:1; Luk 22:66; Yok 18:28. Napekiwala akwap, kinerut isasedotin lupeti ka imakio kere luka ituŋa asurokin Yesu aiar; 2#Luk 23:1; Yok 18:31,32. koenata ŋes, koyaŋaasi, kijaikis Pilato lokerai ekayaiton.

3 # Asw 1:18-19; Mat 26:15. Kosodi Yuda lokebilakini ŋes ebotet, keanyu ebe adaun atubokin aitelekar, kiitok, kinyakak isasedotin lupeti ka imakio atutubeta akaisauni nuka epuesa, 4kobala ebe, “Abu kadiak, abilakin ebotet aokot numam akirot.” Konye kotemasi kesi atiar, “Anu nat kamakosi? Nukon bo ŋun.” 5#Asw 1:18; 2 Sam 17:23. Kocakak atutubeta kwa nuka epuesa aibois nakalaunan, konyou; kolot komiedakin. 6#Mk 12:41. Kolemasi isasedotin lupeti atutubeta nuka epuesa, kobalas ebe, “Mam ibus aibwaikin kes aiŋadis, naarai eraas etiai loka aokot.” 7Kinerut, kogweluniata emanikor loka ekajean, aidaanakin nen ikalotok. 8#Asw 1:19. Kanuka ŋun ŋes enyaritere emanikor ŋol, Emanikor loka Aokot, kiton lolo, 9#Sek 11:12-13; Yer 32:6-9. Kosodi kitodolikinoi akirot nakinerit Yeremia enabi ebe, “Apotu kolemasi atutubeta akaisauni nuka epuesa, etiai loka ŋol kalokitirianitai, lokitirianete ice kodwe luka Isirael: 10kogweliata emanikor loka ekajean kwape kicorakinia Ejakait.”

11 # Mk 15:2-5; Luk 23:2,3; Yok 18:29-38. Kobwo Yesu kakonyen nuka ekayaiton; kiŋit ekayaiton ŋes ebe, “Irai kereka ijo ekabaka loka Iyudayan?” Kotema Yesu atiar, “Ijo ibala.” 12#Mat 26:63; Isa 53:7. Nakiwosaata ŋes isasedotin lupeti ka imakio mam eboŋokino akirot. 13Kosodi kotema Pilato ŋes atiar, “Mam kereka jo ipupi nuetia nen nuiwosaete kesi?” 14#Yok 19:9. Mam ŋes eboŋokino, karaida amodiokirot: koumok noi ekayaiton.

15 # Mk 15:6-15; Luk 23:13-25; Yok 18:39–19:1. Ketapit ekayaiton kopucit aosianakin ekodet eenat ediopet lokekotonokinos, 16Kejaas keenat loajenikina kapak kaŋin, lokenyaritai Baraba. 17Naketukokinotor, kotema Pilato kes atiar, “Ikotosi kaosikis yes iŋai? Baraba arai bo Yesu loenyaritai Kristo?” 18#Yok 11:47,48; 12:19. Naarai ajeni ŋesi ebe ainakis kanuka ekolo. 19Nakiboikinor oicoloŋ loka aitub, kiyakik akeberu ŋes, kotema atiar, “Sirikiswamak ekadoliton ŋol adiokirot; naarai keticani nuipu kairujasit kakuar kana kanukeŋ.” 20Kosodete kisidikoto isasedotin lupeti ka imakio ikodeta tetere ilipete Baraba, ka amudiar Yesu. 21Konye Koboŋok ekayaiton kotema kes atiar, “Ikotosi kaosikis yes iŋai ka luarei?” Kobalas ebe, “Baraba,” 22Kotema Pilato kes atiar, “Aso do ekonakini ai Yesu loenyaritai Kristo?” Kobalas kere ebe, “Kibubukinoi.” 23Kobala ebe, “Kanukinyo? Naanyoin aronis nakiswamai?” Konye kiyatakisi kesi aiworo noi ebe, “Kibubukinoi,”

24 # Ikis 21:6-9. Kosodi keanyu Pilato ebe mam nuepedori, konye iyata ecelet, kolem akipi, kilot akekanin kakonyen nuka ekodet, kobala ebe, “Emamei eoŋ akirot kotoma aokot nuka etuŋanan kalo loedolit: nukus bo ŋun.” 25#Asw 5:28. Koboŋokis ituŋa kere ebe, “Kobeikisi akeokot sio, ka ikosidwe da.” 26Kosodi koosik kes Baraba: konye kedau aida Yesu, koinak tetere ibubukinio,

27 # Mk 15:16-19; Yok 19:2,3. Kosodete iserikalei luka ekayaiton koyaŋaasi Yesu toma opuraitorion,#27:27 Epuraitorion ŋes ere loka ekayaiton. kotukonokin erioŋet kere mama ejai, 28Kolacasi ikenapen, kitanapa anapito nakareŋan, 29Kojeata aboko naka ikukwa, kitanapikis akouke, ka agada da kakanike nakoteten; kokukonokinos kakonyeneke, kokienatar, kobalas ebe, “Yoga, ijo Ekabaka loka Iyudayan!” 30#Isa 50:6. Kimwaanakis aimul, kodemasi agada ŋin kinomonomiata akouke. 31#Mk 15:20-41; Luk 23:26,33-49; Yok 19:16-30. Kosodete kedautu akienar ŋes, kolacasi anapito ŋin, kitanapa ikenapen, koyaŋaasi aibubukin. 32Napenyounete kore, kodumut etuŋanan Ekurenayot, ekekiror Simon: kitiŋaikis ŋol airioŋ emusalaba loka Yesu.

33Nakedolioto aibois naenyaritai Gologota, apolouke ebe, Aibois naka Abelekek naka Akou, 34#Sab 69:22. koinakis aimat ebino loinyalakinitai epiu: kedau akiir, koŋer aimat. 35#Sab 22:19. Kedautu aibubukin, kokorokorata akenapito, kailamilam eroet. 36Kiboikinos kidarata ŋes kaŋina. 37Kikaiakis kuju kakouke nueosatai ŋes nuewadikatai ebe, LO ŊES YESU EKABAKA LOKA IYUDAYAN. 38#Isa 53:12. Kapak kaŋin kibubukinoi ikaŋatak iarei nepepe kaŋes, ediopet kakanike nakoteten, ka ediopet da kakanike nakokediany, 39#Sab 22:8; 109:25. Lukitorito nen koinyanakinete ŋes, kimuŋumuŋete da akecekwes, 40#Mat 26:61; Yok 2:19. kobalas ebe, “Ijo lokaketan eyekalu, ka aiduk da kotoma apaarasia auni, kitajarun cani: arai irai ijo Okoku loka Edeke, kodoku komusalaba.” 41Kikote nen da isasedotin lupeti kokienatar ŋes, nepepe ka ikewadikak ka imakio, kobalas ebe, 42“Etajar ice; mam epedori aitajarun bon. Erai ŋesi Ekabaka loka Isirael; kodoku kwana komusalaba, kiyuuni do ŋes. 43#Sab 22:9. Emunokina Edeke; mere cani kitajar ŋes kwana, arai ekoto ŋes; naarai abu kinera ebe, ‘Arai eoŋ Okoku loka Edeke.’ ” 44Ikaŋatak kwi da lukibubukinitoi nepepe kaŋes, korutonokis ŋes akiro kwapekwa.

45Ameun kosawa lokikanyetekape kojau amuton akwap kere kiton osawa Iokikanyetekaoŋon. 46#Sab 22:2. Bala esawa Iokikanyetekaoŋon kodelo Yesu keporoto loepol, kobala ebe, “Eli, eli, lama sabakatani?” apolouke ebe, “Ekadeke, Ekadeke, kanukinyo kijalakinia eoŋ?” 47Ice kaŋul kalukebwoete kanen, kiirasi, kobalas ebe, “Enyarit ŋol Eliya.” 48#Sab 69:22. Atipet koker ediopet kakesi, kolem acago, kileleb ebino loedwar ria, kibwaik toma agada, kitamat ŋes, 49Kobalas ice ebe, “Kinyek; kaanyutu arai cani ebuni Eliya aitajar ŋes.” 50Kodelo Yesu bobo keporoto loepol, kojal ekemoyo.

51 # Any 26:31-33; Bur 10:19,20. Ido koany, kocila aigalisit naka eyekalu kaarei, ameun kokuju kiton kwap; komaran akwap; kobwaŋabwaŋas amor; 52koŋaanaros atesin; kitonyounoi awat nuipu nuka lukalaunak kalukolo keiotooros; 53#Asw 26:23; Dan 12:2. kedau Yesu ajarun kolomut katesin, kolomasi ore lokalaunan, kitakanikinos luipu. 54Nakeanyuniata ekapolokiton ka ŋul da lukejaas kaŋes idarete Yesu, amaran naka akwap, ka akiro da nukiswamas, kokuriakaros noi, kobalas ebe, “Abeit kerai teni ŋol Okoku loka Edeke.”

55 # Luk 8:2-3. Kojaas da aŋor nuipu ŋina, nukesesenete kama elwanikina, nuketupito Yesu anyoun koGalilaya, ijaanakinete ŋes; 56#Mat 20:20. kotomakec kejai Mariam Magadalene, ka Mariam toto naka Yakob ka Yosep, ka toto naka odwe luka Sebedayo.

57 # Mk 15:42-47; Luk 23:50-55; Yok 19:38-42. Kosodi napekitiboŋ, kobu ekabaran loka Arimataya, ekekiror Yosep, ŋes da elopet kerai ekesisian loka Yesu. #Any 34:25. 58Kolot ŋol mama ejai Pilato kilip akuan naka Yesu. Kosodi kicorak Pilato ŋes ainakinio. 59Kolem Yosep akuan, konunukik toma obaputa Ioelai, 60#Isa 53:9. kibwaik toma atesike nakitetet, nakebokit ŋesi atiida; kikokorik amoru naepol agolokinio ekek loka ates, kolot. 61Kejaas nen Mariam Magadalene ka Mariam ace, iboiete kotereikina ates,

62Apaaran naatupakini, ŋes atemar ebe, akaulo kapaaran naka Aitemonokin, kotukokinos isasedotin lupeti ka Iparisayon mama ejai Pilato, 63#Mat 16:21; 27:40; 12:40; 17:23; 20:19; Mk 8:31; 9:31; 10:33-34; Luk 9:22; 18:31-33. kobalas ebe, “Ejakait, kiitunit isio ebe abala lem ekeŋalan ŋol naarokor ejari ebe, ‘Akaulo kapaarasia auni ajaruni.’ 64Kanuka ŋun kicorak kidarai ates kojokan aitodol apaaran nakiwuniet, kinyeis ikekesisiak alosit akokwar ŋes, kosodete alimonokin ituŋa ebe, ‘Ajaru kotoma okatwak’ itelekari do aiŋal nakokau ya nasodit.” 65Kotema Pilato kes atiar, “Ejaas yes iserikalei lukedarak; koloto, kidarata kojokan kwape ipedoriata.” 66#Dan 6:17. Koloto do kidarata ates kojokan, kipucakis amoru ka aibwaikin da iserikalei lukedarak.

Currently Selected:

Matayo 27: AOV1961

Highlight

Copy