Matayo 28
28
1 #
Mk 16:1-10; Luk 24:1-10; Yok 20:1-18. Akaulo kasabato, napecila kide kapaaran nasodit nakasabato, koloto Mariam Magadalene ka Mariam ace aanyun ates. 2Ido koany, kejai amaran naka akwap; naarai kodok emalaika loka Ejakait kokuju, kobu kikokoro amoru awai, kiboikin kujuke. 3#Mat 17:2; Asw 1:10. Kotakanu bala eimilia, ikenapen da kiliacanito kiac. 4Komaranata ikedarak kanuka akurianar ŋes, kosubata bala lukatwak, 5Koboŋok emalaika kotema aŋor atiar, “Sirikikuriakaros yesi; naarai ajeni ebe imootos Yesu lokibubukinitoi. 6#Mat 12:40; 16:21; 17:23; 20:19; Asw 2:36. Emamei kane; naarai ajaru, kwape eneritor. Kopotu koanyut aibois naeperikinitoi. 7#Mat 26:32. Koloto yesi da atipet, kolimokis ikekesisiak ebe, ‘Ajaru kotoma okatwak’; ido koany, kiŋarenikini yes alosit Galilaya; ianyikinete ŋes ŋina; koany kadau alimokin yes.”
8Konyout atipet kates kakurian ka aiyalama naepol, kokerata alimokin ikekesisiak. 9Ido koany, kiriamakin Yesu kakes, kobala ebe, “Yoga!” Kikunyakis kitiŋata akekejen komaata ŋes, 10#Bur 2:11; Age 45:4; 50:19. Kosodi Yesu kotema kes ariar, “Sirikikuriakaros; koloto kolimokis ikainacan koloto Galilaya, ŋina kaanyikinete.”
11Napelosete, koany, kolomasi ice kokedarak ore, kolimokis isasedotin lupeti akiro nukedoikinete, 12Kotukokinos nepepe kimakio kinerut, koinakis iserikalei arupiyan nuipu, 13#Mat 27:64. kobalas ebe, “Kinerata yesi ebe, ‘Apotu ikekesisiak kopotu kuare, kokokwasi ŋes kiiotoi isio.’ 14Arai kiirar akirot na kama ekayaiton, kimaimai isio ŋes, kinyeis yes aiticanio.” 15Kolemasi arupiyan kiswamata kwape kisisianakinitere; kisiarakin akirot na toma oYudayan kiton lolo.
16 #
Mat 26:32; Mk 14:28; Mat 28:7. Konye kolot ikesisiak itomon ka lodiopet Galilaya, oroŋat lokicorakinit kes Yesu, 17Nakeanyuniata ŋes, komaata; konye kobuonokinos ice kakesi. 18#Mat 11:27; Pes 1:20-22; Dan 7:14. Kobu Yesu neejaas kinera kakes, kotema atiar, “Kainakin eoŋ apedor kere kokuju kakwapin da. 19#Asw 1:8; Mk 16:15,16. Aso kolot kituluosi lukatekerin kere ikesisiak, kibatisaete kes kokiror loka Papa, ka loka Okoku, ka loka Emoyo Lokalaunan; 20#Mat 18:20; Yok 14:23. kisisianakinete kes aricit akiro kere nukecorakinit yes; ido koany, ajai eoŋ nenipe kayes apaarasia kere, kiton awasia naka ikar kere,”
Currently Selected:
Matayo 28: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
